ලොව සුප්‍රකට නිමි ඇඳුම් නිෂ්පාදන වෙළෙඳ නාමයක් වන “වික්ටෝරියා සීක්‍රට් ස්ටෝර්ස්” ජාත්‍යන්තර යට ඇඳුම් වෙළඳපොලේ ද සුවිශේෂීස්ථානයක් අත්කර ගෙන ඇත.
මෙම් සන්නාමයෙහි මෙරට නීති නියෝජිත සුදත් පෙරේරා ඇසෝසියේට්ස් මගින් ශ්‍රී ලංකාවේ පිහිටි “උෂා ෆැක්ටරි ඇක්සස් ලිමිටඩ්” සමාගමට එරෙහිව ව්‍යාජ ඇඟලුම් නිෂ්පාදනය සහ විකිණීම සම්බන්ධයෙන් නීතිමය පියවර ගෙන තිබෙනවා.
ඩේලි එෆ් . ටී . පුවත්පතට අනුව, පැමිණිලිකරු 2003 අංක 36 බුද්ධිමය දේපළ පනත යටතේ නඩු පවරා ඇති අතර විත්තිකරු විසින් පැමිණිලිකරු ගේ ලියාපදිංචි වෙළඳ ලකුණු අඩංගු ව්‍යාජ ඇඟලුම් විකුණන බවට පැමිණිලි කොට ඇත.
වික්ටෝරියා සීක්‍රට් සහ Pink Brand නිෂ්පාදන උසස් තත්ත්වයේ සහ වටිනාකමට සමාන බව ප්‍රකාශ කරමින් පැමිණිලිකරු කියා සිටියේ විත්තිකරු සන්නාමයේ හොඳ හිත සහ කීර්තියට විශාල හානියක් කර ඇති බවයි.
පැමිණිලිකරු කියා සිටියේ විත්තිකරු විසින් බෙදා හරින ලද අවම ගුණාත්මක භාවයෙන් යුත් ඇඟලුම් අව්‍යාජ නිෂ්පාදන යැයි මහජනයා වැරදියට විශ්වාස කිරීමට මෙම ක්‍රියාව හේතු වී ඇති බවයි.
මෙම නඩුව විභාගයට ගත් කොළඹ වාණිජ මහාධිකරණ විනිසුරු ෆ්‍රෑන්ක් ගුණවර්ධන මහතා විත්තිකරුට සහ එහි හවුල්කරුවන්ට එරෙහිව නියෝගයක් ලබා දුන්නේය.
විත්තිකරුට පැමිණිලිකරුගේ ලියාපදිංචි වෙළඳ ලකුණු වලට සමාන වන ඕනෑම ඇඟලුම් සහ / හෝ නිෂ්පාදන / හෝ නිෂ්පාදන හෝ ගබඩා කිරීම, විකිණීම, බෙදා හැරීම හෝ ගනුදෙනු කිරීම තහනම් කර ඇත.
මෑතකදී වාර්තා වූයේ වික්ටෝරියා සීක්‍රට් ආයතනය ඇමරිකාව තුළ තම වෙළඳ ශාකා රැසක් වසා දැමීමට පියවර ගෙන ඇති බවයි .
