ඉකුත් 14 වැනි දින කොළඹ වරාය නගරයේ නිරීක්ෂණයට ගිය ලෝකයේ ප්‍රධාන පෙළේ ව්‍යාපාරිකයකු වන නතානියෙල් පිලිප් රෝත්ස්චයිලිඩ් මහතා වරාය නගරය තුල හා රට තුළ අතිවිශාල ආයෝජනයක් කිරීමට සූදානම් බව මුදල් හා ප්‍රාග්ධන, රාජ්‍ය ව්‍යවසාය, ප්‍රතිසංස්කරණ රාජ්‍ය අමාත්‍ය අජිත් නිවාඩ් කබ්රාල් මහතා ඒෂියන් මිරර් කළ විමසීමකදී තහවුරු කරන ලදී.
එය බොහෝ විට කොළඹ වරාය නගරය තුළ කෙරෙන විශාලතම ආයෝජනය හෝ ආයෝජනයක් විය හැකි බවට ද රාජ්‍ය අමාත්‍යවරයා ඉඟි පළ කරයි.
නතානියෙල් පිලිප් රෝත්ස්චයිලිඩ් මහතා තමාවද මුණ ගැසී මේ පිළිබඳව සාකච්ඡා කළ බව ද රාජ්‍ය අමාත්‍යවරයා ප්‍රකාශ කරයි.
වරාය නගරය ගැන තොරතුරු දැන ගැනීමෙන් අනතුරුව නතානියෙල් පිලිප් රෝත්ස්චයිලිඩ් මහතා සිය කැමැත්තෙන්ම එම සංචාරයට පැමිණි බවද අමාත්‍යවරයා තහවුරු කරයි.
නතානියෙල් පිලිප් රෝත්ස්චයිලිඩ් මහතාට කොළඹ වරාය නගර පරිශ්‍රයේදී ඉතා ඉහළ පිළිගැනීමක් හිමිවූ අතර කොළඹ වරාය නගරයේ ප්‍රධාන විධායක ව්‍යාපෘති නිලධාරී රාජා එදිරිසූරිය මහතා ද චීනයේ CHEC Port City ආයතනයේ සහකාර කලමණාකරණ අධ්‍යක්ෂකවරයා වන යූ යූකියැන්ග් යන මහතා ද එම අවස්ථාවට එක්ව සිටියේය.
මේ වන විට වරාය නගරයේ ඉදිකිරීම් කටයුතු අවසන් වෙමින් තිබේ.
සබැඳි පුවත -
ශ්‍රී ලංකාවේ වරාය නගරය බලන්න පැමිණි ප්‍රබල යුරෝපියානු ප්‍රකෝටිපති පවුලේ සාමාජිකයා කවුද?
