March 29, 2024

කොවිඩ් 19 නීතිරීති සකසා තිබෙන්නේ ආගමක් මුල් කොට නොව ජීවත්වන ජනතාව මුල් කොට ගෙනයි - මහාචාර්ය මෙත්තිකා විතානගේ

November 10, 2020

කොවිඩ් 19 රෝගයෙන් මියගිය පුද්ගලයෙකුගේ දේහය සම්බන්ධයෙන් අවසන් කටයුතු කිරීමේදී වඩාත් සැලකිලි වන්නේ ඉන් ජීවත්ව සිටින අය අවදානමකට ලක් නොකිරීම බව ශ්‍රී ජයවර්ධනපුර විශ්වවිද්‍යාලයේ ව්‍යවහාරික විද්‍යා පීඨයේ මහාචාර්ය මෙත්තිකා විතානගේ මහත්මිය අවධාරණය කරයි.

කොවිඩ් 19 රෝගයෙන් මියගිය පුද්ගලයෙකුගේ අවසන් කටයුතු කළ යුතු ආකාරය පිළිබඳව තීරණය කර තිබෙන්නේ කිසිදු ආගමක් පදනම් කරගෙන නොව ජීවත්ව සිටින අයගේ ආරක්ෂාව පදනම් කරගෙන බව ද මහාචාර්යවරිය පෙන්වා දෙයි.

කොවිඩ් 19 හේතු කොට ගෙන මියගිය පුද්ගලයකුගේ අවසන් කටයුතු හැකි ඉක්මනින් උපරිම සෞඛ්‍ය ආරක්ෂිත ක්‍රමවේද මත කළ යුතු බවට ලෝක සෞඛ්‍ය සංවිධානය පවා නිර්ණායක හඳුන්වා දී තිබෙන්නේ ජීවත්වන ජනතාවගේ ආරක්ෂාව පදනම් කොටගෙන බව ද මහාචාර්යවරිය වැඩිදුරටත් සඳහන් කරයි.

කොවිඩ් 19 වෛරස ඉතා දරුණු බව පෙන්වා දෙන මහාචාර්යවරිය මෙරට ඇතිවූ පළමු රැල්ලට වඩා දැන් ව්‍යාප්ත වෙමින් පවතින දෙවන රැල්ල තුළ ආසාදනය වීමේ අවස්ථාවන් ඉතා අධික බව ද සඳහන් කරයි.

අනිකුත් රටවල් හා සංසන්දනය කරද්දී ශ්‍රී ලංකාවේ භූගත ජලය සම්බන්ධයෙන් විශේෂත්වයක් පෙන්නුම් කරන බව පෙන්වා දෙන මහාචාර්යවරිය තවමත් ශ්‍රී ලංකාවේ බහුතරයක් භූගත ජල මූලාශ්‍ර භාවිතයට ගන්නා බවද සඳහන් කරයි.

කොවිඩ් 19 හේතුවෙන් මියගිය පුද්ගලයන්ගේ දේහයන් භූමිදාන කරන ස්ථානවලට එම ජල මූලාශ්‍ර ඉතා කිට්ටු නම් බොහෝ ප්‍රශ්න ඇතිවිය හැකි බව ද මහාචාර්යවරිය වැඩිදුරටත් සදහන් කරයි.

දේහයන් භූමිදානය කරන කනත්ත වලින් වෛරස හා බැක්ටීරියා ජලයට මුසු වන බව ලෝකයේ සිදු කර ඇති පර්යේෂණවලින් හා වාර්තා වලින් ඔප්පු වී තිබෙන බවද මහාචාර්යවරිය පෙන්වා දෙයි.

කොවිඩ් 19 හේතුවෙන් මිය යන මුස්ලිම් ජාතිකයින්ගේ දේහයන් ආදාහනය නොකොට භූමිදානය කිරීමට ආණ්ඩුව අවසරය දුන් බවට එක්තරා මුස්ලිම් ආගමික සංවිධානයක් කර තිබෙන ප්‍රකාශය සම්බන්ධයෙන් මේ වන විට සමාජයේ දැඩි කතාබහක් නිර්මාණය වෙමින් පවතී.

මහාචාර්ය මෙත්තිකා විතානගේ මහත්මිය මෙම අදහස් පළ කළේ යූටියුබ් නාලිකාවක් සමඟ වැඩසටහනට එක් වෙමිනි.

Rate this item
(1 Vote)