මෙරට දේශපාලනඥයෙකු වන සෙන්තිල් තොන්ඩමන් මහතාගේ උපන්දිනය තමිල්නාඩුවේ බොහෝ ගම්මානවල පෙරේදා දිනයේ සමරා ඇතැයි වාර්තා වේ.
සෙන්තිල් තොන්ඩමන්ගේ උපන්දිනය තමිල්නාඩුවේ පුදුකෝට්ටෙයි සිවගංගායි දින්ඩිගුල් මදුරෙයි තන්ජාවූර් ත්‍රිචි සේලම් නාමක්කල් තේනි පෙරම්බලූර් ඇතුළු දිස්ත්‍රික්ක 10 ක ගම්මාන 100 කට අධික සංඛ්‍යාවකදී සමරා තිබේ.
ඔහුගේ උපන්දිනය නිමිත්තෙන් ජල්ලිකට්ටු සංගමයේ සාමාජිකයින් පිරිසක් ජනතාවට සුභසාධන ආධාර ලබා දී ඇති අතර ප්‍රසිද්ධ ජල්ලිකට්ටු ක්‍රියාකාරිකයෙකු වන සෙන්තිල් තොන්ඩමන්ගේ උපන්දිනය සැමරීම සඳහා උපන් දින කේක් එකක් කපා එම උපන් දින සැමරුම පවත්වා තිබේ.
දෙමළ ජනයා විවිධ රටවල උසස් තනතුරුවලට පත් කර ඇති නමුත් කිසිවෙකු මෙතෙක් ඔවුන්ගේ උපන්දිනය තමිල්නාඩුවේ සමරනු ලැබුවේ නැත. නමුත් ඔහුගේ උපන්දිනය තමිල්නාඩුවේ ගම්මාන සියයකට අධික සංඛ්‍යාවකදී සැමරීම විශේෂත්වයකි.
තමිල්නාඩුවේ, අන්ද්‍රා ප්‍රදේශ් සහ පුටුවෙයි හි ඇමතිවරු සහ දේශපාලන පක්ෂ නායකයින් සෙන්තිල් තොන්ඩමන්ගේ උපන්දිනයට සුබ පතා තිබේ.
