ඇමෙරිකානු රාජ්‍ය ලේකම් මයිකල් ආර්.පොම්පියෝ මහතා ඊයේ (27) දිනයේ දී මෙරට දෙදින නිල සංචාරකයට පැමිණි අතර අද (28) දිනයේ විදේශ කටයුතු අමාත්‍යවරයා මෙන්ම ජනාධිපතිවරයා ද ඔහු විසින් හමු විය.
තමන්ගේ සංචාරය පිළිබඳව අදහස් දක්වමින් රාජ්‍ය ලේකම්වරයා කියා සිටියේ ඔහුගේ සංචාරය අතරතුර පෞද්ගලික ව්‍යාපාර මෙරට ආයෝජනය කිරීම සම්බන්ධයෙන් සාකච්ඡා කළ බවයි.
අද වනවිටත් මෙරටට පැමිණ සිටින ආයෝජනය කිරීම් පිළිබඳව සහ නව අවස්ථා පිළිබඳවද කෘෂිකර්මය, බලශක්තිය, සහ තාක්ෂණ අංශවලින් ආයෝජනය කිරීම් පිළිබඳව මෙහිදී සාකච්ඡා කළ බවද ඔහු වැඩිදුරටත් පැවසීය.
මෙරට නීතියේ ආධිපත්‍ය සහ විනිවිදභාවය පවත්වාගෙන යා යුතු බවත් එවිට ඇමෙරිකානු ව්‍යාපාරිකයන් වැඩි වශයෙන් මෙරටට පැමිණ ආයෝජනය කරනු ඇතැයි ඔහු පැවසීය. එම කාරණය ශ්‍රී ලංකාව ඉටු කරනු ඇතැයි තමන් අපේක්ෂා කරන බවත්, එය ඇමෙරිකානු සමාගම්වලට සහ ශ්‍රී ලාංකේය ජනතාවට ඉතාම හොඳ අවස්ථාවක් වනු ඇති බවද එමඟින් රැකියා අවස්ථාවන් නිර්මාණය වීම ධනය උත්පාදනය වීම වැනි කාරණයන් නිර්මාණය විය හැකි බවද රාජ්‍ය ලේකම්වරයා සඳහන් කළේය.
MCC ගිවිසුම ගැන සඳහන් කරමින් රාජ්‍ය ලේකම්වරයා පවසා සිටියේ MCC ගිවිසුම යනු ශ්‍රී ලංකාවට ලබා දුන් අවස්ථා රැසකින් එක් අවස්ථාවක් පමණක් බවයි.
එහි අර්ථය ශ්‍රී ලංකාවට නොවැටහේ නම් එය පිළිනොගෙන සිටීමේ අයිතිය මෙරටට තිබෙන බවද ලේකම්වරයා සඳහන් කළ අතර ශ්‍රී ලංකාව සහ ඇමෙරිකාව අතර තියෙන සම්බන්ඳතාවය ගිවිසුමකට එහා ගිය එකක් බවද රාජ්‍ය ලේකම්වරයා එහිදී සඳහන් කළේය.
ඇමෙරිකාව දිගටම ශ්‍රී ලංකානු රජය සමඟ සමීපව කටයුතු කරන බවද රාජ්‍ය ලේකම්වරයා වැඩි දුරටත් පවසා සිටියේය.
ඔහු මේ බව සඳහන් කර සිටියේ රූපවාහිනී නාලිකාවකට සම්මුඛ සාකච්ඡාවක් ලබා දෙමිනි. එහි සම්පුර්ණ වැඩසටහන පහතින්,
