20 වන ආණ්ඩුකම ව්‍යවස්ථා සංශෝධනයට ආණ්ඩුවට සහාය දුන් විපක්ෂයේ මන්ත්‍රීවරුන්ගෙන් දෙදෙනෙකුට රාජ්‍ය ඇමැති ධූර හිමි වීමට බොහෝ දුරට ඉඩ ඇති බව රජයේ ආරංචි මාර්ග පවසයි.

විපක්ෂයේ මන්ත්‍රීවරුන් 8 දෙනකු එම සංශෝධනයේ දී රජයට පක්ෂව සහාය ලබා දී තිබිණි.

සමගි ජන බලවේගය විසින් කරන ලද ඉල්ලීමක් අනුව ඔවුන්ගේ ආසන විපක්‍ෂයෙන් ඉවත් කිරීමටද නියමිතය.

19 සංශෝධනය මගින් ඇමතිවරුන් සඳහා පනවා තිබූ සීමාව එලෙසම පවතින නිසා රාජ්‍ය අමාත්‍යවරුන් දෙදෙනෙකු පත් කළ හැකිය.

දැනට රාජ්‍ය අමාත්‍යවරුන් 38 දෙනෙකු පත්කර තිබේ.