June 22, 2024

දුම්රිය ගේට්ටුව වසා තිබියදී බස් රථයක් ධාවනය කරයි (VIDEO)

September 29, 2020

බේරුවල, දකුණු පයාගල දුම්රිය හරස් මාර්ගය වසා ඇති අවස්ථාවක එය නොතකා දුම්රිය හරස් මාර්ගය හරහා ධාවනය වු බස් රථයක් පිළිබඳ වීඩියෝවක් මේවන විට අන්තර්ජාලයේ ව්‍යාප්ත වෙමින් පවතී.

මෙම සිදුවීම සිදුව ඇත්තේ ඊයේ (28) සවස 5.16ට පමණ බව වාර්තා වේ.

දුම්රිය පැමිණෙන තෙක් මාර්ගයේ සියලු වාහන නතර කර ඇති අවස්ථාවක මාර්ගයේ විරුද්ධ පසින් ඉදිරියට ධාවනය කර ඇති එම සුඛෝපභෝගී බස් රථය එක්වරම ඉතා අපරික්ෂාකාරීව දුම්රිය හරස් මාර්ගයෙන් ඉදිරියට ධාවනය කර තිබේ.

පසුව එම බස් රථය ආදර්ශයට ගනිමින් එහි නවතා තිබූ යතුරුපැදි කිහිපයක් ද දුම්රිය හරස් මාර්ගය හරහා ගමන් ධාවනය කරන බව එම වීඩියෝවෙන් නිරීක්ෂණය වේ.

මෙවැනි නොහික්මුණු රියදුරන් හට වහාම නීතිය ක්‍රියාත්මක කිරීමට බලධාරීන්ගේ අවධානය යොමු විය යුතු බව ජනතාවගේ අදහසය.

මෙලෙසම අපරික්ෂාකාරීලෙස ධාවනය වූ පෞද්ගලික බස් රථයක් මීට වසර කිහිපයකට පෙර යාංගල්මෝදර දුම්රිය හරස් මාර්ගයේදී අනතුරට පත්විය.

Rate this item
(0 votes)