ලංකා කම්කරු කොංග්‍රසයේ නායක සහ හිටපු අමාත්‍යය දිවංගත ආරුමුගන් තොණ්ඩමන් මහතාට අයත් කොත්මලේ රම්බොඩ වැවන්ටන් වත්තේ පිහිටි බංගලාවේ අද (18) දින අලුයම ගින්නක් හට ගෙන තිබේ.

මෙය තොණ්ඩමන් මහතාගේ පවුලට අයත් පාරම්පරික නිවසක් ලෙස ද සැලකේ.

ගින්න හටගන්නා අවස්ථාවේ එම බංගලාව භාරව මුරකරුවෙකු පමණක් සිට ඇති අතර පැතිර යමින් තිබු ගින්න නුවරඑළිය මහ නගර සභාවේ ගිනි නිවින ඒකකය, හැටන් දික්ඔය නගර සභාවේ ගිනි නිවිමේ ඒකකය හා කොත්මලේ පොලීසියේ නිලධාරින් එක්ව පාලනය කිරිමට සමත් වි ඇත.

ගින්නෙන් එම බංගලාවේ තිබු පැරණි ගෘහ භාණ්ඩ රැසක් විනාශ වී ඇති අතර, ගින්නට හේතුව මෙතෙක් අනාවරණය වී නොමැත.

ගින්නෙන් සිදු වු අලාභය ද මෙතෙක් තක්සේරු කර නැත.