June 25, 2024

විදුලිය කප්පාදු නොකරන තැන් නම් කරයි! ඇමති පවිත්‍රා ලයිට් දෙන්නේ මෙහෙමයි

කප්පාදුවකින් තොරව විදුලිය ලබාදිය යුතු තැන් පිළිබඳ විදුලිබල අමාත්‍ය පවිත්‍රා වන්නිආරච්චි මහත්මිය හඳුනාගෙන තිබෙනවා.

ඒ අනුව විදුලිය අත්‍යාවශ්‍ය ස්ථාන සදහා කප්පාදුවකින් තොරව විදුලිය ලබාදීම අනිවාර්යයෙන් කළයුතු බව ඇය සඳහන් කළා.

ඒ් සදහා අඛණ්ඩව ක්‍රියාත්මකවන මෙහෙයුම් මැදිරියක් ස්ථාපිත කළයුතු බවට ඇමැතිවරිය අදාළ අංශ වෙත උපදෙස් ලබා දී තිබෙනවා.

අඛණ්ඩ විදුලි සැපයුමක් සදහා ගතහැකි ක්‍රියාමාර්ගයන් පිළිබදව, විදුලිබල අමාත්‍යාංශය, ලංකා විදුලිබල මණ්ඩලය, සුනිත්‍ය බලශක්ති අධිකාරිය, වාරිමාර්ග අමාත්‍යාංශය,කර්මාන්ත අමාත්‍යාංශය, ආයෝජන ප්‍රවර්ධන මණ්ඩලය, සෞඛ්‍ය අමාත්‍යාංශය සහ ආරක්ෂක අමාත්‍යාංශය ආදී ආයතන රැසක සහභාගීත්වයෙන් විදුලිබල අමාත්‍යාංශ පරිශ්‍රයේ පැවති විශේෂ සාකච්ඡාවකදී අමාත්‍යවරිය විසින් අදාළ අංශ වෙත මෙම උපදෙස් ලබාදී තිබෙනවා.

පවතින වියලි කාලගුණික තත්ත්වය යටතේ අඛණ්ඩ විදුලි සැපයුමක් ලබාදීම දුෂ්කර වුවත්, 24 පැයම විදුලි සැපයුමක් අත්‍යාවශ්‍ය රෝහල්, ආරක්ෂක ස්ථාන, ආයෝජන ප්‍රවර්ධන කලාප වැනි ස්ථානයන් වෙත අඛණ්ඩ සැපයුමක් ලබාදීම වෙනුවෙන් ගතයුතු ක්‍රියාමාර්ගයන් අනිවාර්යයෙන්ම නොපමාව ගතයුතු බවද ඇමතිවරිය කියා සිටියා.

ඒ වෙනුවෙන් අදාළ ආයතනයන්ගේ නියෝජිතයන්ගෙන් සැදුම්ලත් කණ්ඩායමක් විසින් මෙම මෙහෙයුම් මැදිරිය පවත්වාගෙන යනු ලබන බව අමාත්‍යවරිය වැඩිදුරටත් අවධාරණය කළා.

Rate this item
(0 votes)