කොරෝනා ආසාදිත කාන්තාවක් රජයේ රෝහලකදී පිරිමි හෙද නිලධාරියෙකු අතින් දුෂණය වීමෙන් පසුව මිය ගිය පුවතක් ඉන්දියාවෙන් වාර්තා වෙයි.
ඉන්දියාවේ බෝපාල් නුවර පිහිටි බෝපාල් අනුස්මරණ රෝහල සහ පර්යේෂණ මධ්‍යස්ථානයේ ඇති කොරෝනා ප්‍රතිකාර ඒකකය සඳහා පැමිණි 43 හැවිරිදි කාන්තාවකට මෙම ආවසනාවන්ත ඉරණම අත්ව තිබේ.
මෙම කාන්තාව සිදුවීම සම්බන්ධයෙන් වෛද්‍යවරයෙකු වෙත හෙළිදරව් කර ඇති අතර මොහොතක් ගත වන විට ඇයගේ තත්ත්වය අසාධ්‍යය වී තිබේ. පසුව ඇයට කෘතිම ශ්වසනය සහ ඔක්සිජන් ලබා දුන්නද ජීවිතය ගලවා ගැනීමට හැකියාවක් නොලැබුණි.
එම ප්‍රදේශය භාරව සිටින නිෂාට්පුර පොලිස් ස්ථානය වෙත මෙම සිදුවීම සම්බන්ධයෙන් පැමිණිල්ලක් ගොනුකර තිබූ අතර ඒ අනුව සැකකාර 40 හැවිරිදි පිරිමි හෙද නිලධාරියාව අත්අඩංගුවට ගෙන තිබේ.
එලෙස අත්අඩංගුවට ගත් පුද්ගලයා මීට පෙරද රෝහලේ 24 හැවිරිදි හෙදියකට අතවර කිරීම්, බීමතින් රාජකාරී කිරීම් වැනි වැරැදි නිසා සේවය පවා අත්හිටවූවෙකු ලෙසද වාර්තා වෙයි.
මෙලෙසෙ මිය කාන්තාව සුප්‍රසිද්ධ බෝපාල් කර්මාන්තපුර පිපිරීමෙන් පවා දිවි ගලවා ගත් අයෙකු බවද සඳහන් වෙයි.
