"පරිසර හිතකාමී පෑනක්" කියන වචනෙන්ම හරි අපූරු වෙනසක් තියෙනවා. දැන් ඉතින් බලන්න වෙනවා මොකක්ද මේ "පරිසර හිතකාමී පෑනක්" කියන්නේ කියලා. නිකමට අපි මෙහෙම හිතමු. අපි පෑනක් අරන් ඒක ලියලා ඉවර වුණාම ඒකෙන් අපිට පැලයක් දෙනවා. මේකත් අන්න ඒ වගේ තමයි. අපි සමහර වෙලාවට පෑනක් ඉවර වෙනකන් ලියන්නෙත් නැහැ. සමහර වෙලාවට දාපු තැනක් හොයා ගන්නත් නැහැ. එහෙම වුණාම අපි කරන්නේ ආයේ අලුතින් පෑනක් ගන්න එක. ඉතින් අපිට අලුත් විදියට හිතන්න පුළුවන් දෙයක් එක මනුස්සයෙක් කරලා තියෙනවා. එතකොට අපි පෑන කොයිම වෙලාවකවත් විසින් කරන්නේ නැහැ. අපි ලියලා ඉවර වෙනකන් ඒ පෑන පරිස්සම් කර ගන්නවා.
මේ අපි කියන්න යන්නේ ඒ අපූරු පෑනේ කතාව.
මේ පරිසර හිතකාමී පෑනේ නිර්මාණකරු වෙන්නේ කේ.සුගිර්දන්. පෑනක බඳ කොටස පරිසර හිතකාමී කඩදාසි වර්ගයක් යොදාගෙන හදලා තියෙන්නේ. ඒකෙ ඇතුළේ තියෙන්නේ තීන්ත පුරවපු සාමාන්ය පෑන් බටයක්. කඩදාසියෙන් හදපු මේ පෑනේ බඳ කොටස ඇතුළට තක්කාලි, මිරිස්, එළවලු බීජ වර්ග, කුඩලු ආදී මල් බීජ, අබ, උළු හාල් වගේ කුළුබඩු ඇතුළත් කරලා තියෙන්නේ.
"සාමාන්යයෙන් පෑනක් පාවිච්චි කරන්නේ උපරිම සතියක් වගේ. මේ නිසා බිජ වලට හානියක් වෙන්නෙත් නැහැ. පෑන පාවිච්චි කලාට පස්සේ බඳ කොටස පෝච්චියක හිටවලා වතුර දාලා පැල ගන්න පුළුවන්. පෑනේ බඳ කොටස කඩදාසියෙන් හදලා තියෙන නිසා ඉක්මණින් දිරනවා. මේ නිසා පරිසරයට හානියක් වෙන්නේ නැහැ." නිර්මාණකරු මෙහෙම කිව්වා.