M.G. ධනුශ්ක ශ්‍රී ලාංකීය රියැලටි තරු කිරුළ දිනූ ජයග්‍රාහකයෙකි. M .S ප්‍රනාන්දු මහතාගේ ගීතවලට නව ආරක් එක් කරමින් ඔහු ඉදිරිපත් කළ ගායනා රසික හදවත් සොරා ගන්නට සමත් විය.

නමුත් තරු කිරුළ ලබා ගැනීමෙන් අනතුරුව ඔහු පසු පස ආ නීතිමය බාධක තත්වයන් හේතු පාදක කරගනිමින් M.G ආ ගමන මදක් අඩාල විය.

අද අපි කතා කරන්නේ M.G.ධනුශ්කගේ ජීවන තොරතුරු පිළිබඳවයි.

ඉතිං M.G කොහොමද වාසේ දේසේ?

M.G :අයි ඈම් අට් හෝම් අයියේ.

මොකද සද්දයක් නැත්තේ?

M.G : එක එක කාල එනවා සද්ද නැතුව ඉන්න. එතකොට සද්දෙ නැතුව ඉන්න ඕනෙ. ඔන්න දැං ආයෙත් ඇවිල්ලා සද්දෙ දාන. හැබැයි මේ සද්දෙ මගේ. ඒ සද්දෙට වාරණ දාන්න කාටවත් බෑ. M.S ප්‍රනාන්දු මහත්තයා කියන්නෙ ලෙජන්ඩ් එකක්. M.G කියන්නෙ පොඩි මිනිහෙක්. හැබැයි ලංකාවටම M.G ලා ඉන්නෙ එක්කෙනයි.