පැරීසියේ ඊයේ දින (15) ඇති වූ ගින්නක් නිසා පැරීසියේ ඓතිහාසික වටිනාකමකින් යුතු නොත්‍රදාම දේවස්ථානයට (Notre-Dame) හානි සිදු වී ඇති බව වාර්තා වෙනවා.
නොත්‍රදාමය ඉදි කිරීම් ආරම්භ කර තිබුණේ ක්‍රි.ව 1163 දී පමණය. මෙය පැරීසිය තුළ තරමක ප්‍රසිද්ධියකට පත් ව තිබූ ස්ථානයකි. මෙම දේවස්ථානයේ ජේසුස් වහන්සේ ට පැළඳූ කටු ඔටුන්නේ කොටසක් ද තැන්පත් කර තිබෙනවා. ගින්න නිසා දේවස්ථානයේ සැකිල්ලට හානි සිදු වී ඇති බවත් ඒ නිසා කොටස් කිහිපයක් කඩා වැටී ඇති බවද එහි ප්‍රකාශකයෙක් සඳහන් කර තිබුණා.
මෙම සිදුවීමෙන් පසු ලෝකය පුරා සිටින කිතුණු භක්තිකයන් දැඩි ලෙස ශෝකයට පත් වී ඇති බවත් සඳහන් වෙනවා. නොත්‍රදාම දේවස්ථානය සියලු දෙනාගේ ම භක්තියට හා ගෞරවයට නිතරම පාත්‍ර වූ ස්ථානයකි.
ගින්නෙන් සිදු වු විනාශය ගැන අදහස් දක්වමින් ප්‍රංශ ජනාධිපතිවරයා වන එමෙනුවෙල් මැක්රෝන් පවසා සිටියේ එය රටට සිදු වූ අති විශාල පාඩුවක් බවයි.
ගින්නට හේතුව සොයා මේ වන විටත් පරික්ෂණ ආරම්භ කර ඇති බව සඳහන් වෙනවා.
