April 25, 2019

‘බැංකුකරණයේ පහසුව’ සහ එහි අනාගතය

ගනුදෙනුකරුවන්ට උපරිම පහසුවක් සලසන තාක්ෂණයේ නව ප‍්‍රවණතා සම්බන්ධයෙන් සෙලාන් බැංකුවේ නියෝජ්‍ය සාමාන්‍යාධිකාරී (පාරිභෝගික සේවා ගුණත්ව,) ටිලාන් විජයසේකර මහතා දැක්වූ අදහස්

ටිලාන් විජයසේකර මහතා සෙලාන් බැංකුවේ පාරිභෝගික ණය, ඩිජිටල් බැංකුකරණ, පුද්ගලික ණය, නිවාස ණය, කාඞ්පත් මධ්‍යස්ථානය, විකුණුම්, අලෙවි, සේවා ගුණත්වය, ඇමතුම් මධ්‍යස්ථානය සහ බැංකු රක්ෂණ අංශය යන අංශ වල ප‍්‍රධානී ලෙස කටයුතු කරයි.

ලෝකය වඩාත් යහපත් තැනක් බවට පත්කිරීමට තාක්ෂණය මගින් ලැබෙන දායකත්වය ඉමහත්ය. පෙර නොවූවිරූ පහසුවක් ළඟාකර දෙමින්, අප කරන කියන බොහෝ දේ මුළුමනින්ම පාහේ වෙනස් කිරීමට තාක්ෂණය සමත් වී තිබේ. මේ වනවිට ලොව බොහෝ රටවල් නව තාක්ෂණය වැළඳගනිමින් තම ඩිජිටල් සහ භෞතික යටිතල ව්‍යුහය වැඩිදියුණු කරමින් සිටින අතර, මේ නව තාක්ෂණයන් ඔස්සේ ගනුදෙනුකරුවන්ට වඩාත් හොඳ සේවාවක් සැලසීමේ වගකීම මූල්‍ය ආයතන වෙතද පැවරේ.

‘‘මූල්‍ය-තාක්ෂණ සම්ප‍්‍රදාය :(FinTech) සහ නවීන තාක්ෂණයේ වර්ධනය සමගින් බැංකුකරණයේ ‘පහසුව’ වඩාත් ඉහළ තලයකට එසවී තිබෙනවා. මෙම පසුබිම යටතේ, ගනුදෙනුකරුවන්ගේ පහසුව ඉලක්ක කරගෙන සේවාවන් සලසන බැංකු අනාගතයේදී අතිශයින් සාර්ථක වනු ඇතැයි යන්න සෙලාන් බැංකුවේ විශ්වාසයයි.”‍ සෙලාන් බැංකුවේ නියෝජ්‍ය සාමාන්‍යාධිකාරී (පාරිභෝගික බැංකුකරණ) ටිලාන් විජයසේකර මහතා පැවසීය.

තවදුරටත් අදහස් දක්වමින් විජයසේකර මහතා ‘‘‍ශ‍්‍රී ලංකාවේ ජනතාව දෙස බැලූ විටම අපට එක්වරම කොටස් දෙකක් හඳුනාගැනීමට පුළුවන්. එක කොටසක් නවීන තාක්ෂණය වහාම ග‍්‍රහණය කරගන්නවා. සෙසු පිරිස තවමත් තම එදිනෙදා බැංකු කටයුතු සිදුකිරීම සඳහා විශ්වාසය තබා තිබෙන්නේ සාම්ප‍්‍රදායික ක‍්‍රමවේද මතයි. සුහද හදක් ඇති දේශීය බැංකුව ලෙස අප සැමවිටම උත්සහ කරන්නේ මෙම කාණ්ඩ දෙකටම උපරිම බැංකුකරණ පහසුවක් සැලසීමටයි.

එක් අතකින් නව පරපුරේ ගනුදෙනුකරුවන්ගේ පහසුව වෙනුවෙන් නවීනතම තාක්ෂණයන් ක‍්‍රියාවට නංවන අතර, සෙසු ගනුදෙනුකරුවන් වෙනුවෙන් සාම්ප‍්‍රදායික බැංකුකරණ ක‍්‍රම වඩාත් කාර්යක්ෂම කරන ක‍්‍රමවේද ක‍්‍රියාත්මක කිරීමට අප කටයුතු කරනවා. ආරම්භයේ සිටම මෙම දැක්ම මූලික කරගෙන කටයුතු කළ නිසා, ඩිජිටල් බැංකුකරණය මෙන්ම සාම්ප‍්‍රදායික බැංකුකරණය අතින් සීමාමායිම් අතික‍්‍රමණය කරමින් ජනතාව උපරිම පහසුවක් සලසන බැංකුවක් ලෙස ක්ෂේත‍්‍රයට ආදර්ශ රැුසක් සැපයීමට අපට හැකියාව ලැබී තිබෙනවා”‍ යනුවෙන් පැවසීය.

අතීතයේ පටන් වර්තමානය දක්වා සෙලාන් බැංකුවේ වර්ධනය පිළිබඳව අදහස් දක්වමින් විජයසේකර මහතා මෙසේ පැවසී ය. ‘‘90 දශකයේදී ගනුදෙනුකරුවන්ගේ පහසුව යන්නෙන් මූලික වශයෙන් අදහස් වුණේ, මූල්‍ය ආයතනයකින් ණයක් හෝ වෙනත් සේවාවක් ලබාගැනීමට තිබූ හැකියාවයි. ඒ වගේම එම යුගයේදී වැඩිම ශාඛා ගණනක් හෝ ATM යන්ත‍්‍ර ගණනක් ඇති බැංකු, ගනුදෙනුකරුවන්ට වැඩිම පහසුවක් සලසන බැංකු ලෙස ඇගයීමට පත්වුණා. එහෙත් අද තත්ත්වය සම්පූර්ණයෙන්ම වෙනස්, නව තාක්ෂණයේ වර්ධනය සහ ගනුදෙනුකරුවන්ගේ චර්යාවන්ගේ වෙනස්කම් සමග, ඔවුන්ට බැංකු සමග ගනුදෙනුකිරීම සඳහා මාධ්‍ය රාශියක් ලැබී තිබෙනවා. ඒ වගේම අන්තර්ජාලය ඔස්සේ භාණ්ඩ මිලදීගැනීමේ සිට, විදේශ සංචාර වෙන්කරවා ගැනීම සහ වෛද්‍යවරුන් හමුවීමට අවස්ථාව වෙන්කරවා ගැනීම ආදිය දක්වා ජනතාවට උපකාරී වන විවිධාකාරයේ සේවාවන්ද නිර්මාණය වී තිබෙනවා. ”‍

‘‘මේ වේගවත් පරිවර්තනය අවබෝධ කරගනිමින් අප අපගේ මධ්‍යම කාලීන හා දීර්ඝ කාලීන ඩිජිටල්කරණ ගමන්මග සැලසුම් කළ අතර, ඩිජිටල් මාධ්‍ය වැඩිදියුණු කරමින්, ගනුදෙනුකරුවන්ට තමන් කැමති ආකාරයකට බැංකුව සමග ගනුදෙනු කිරීමට අවස්ථාව සලසා දීම සඳහා ඉක්මනින් පියවර ගත්තා. ඒ අනුව දැන් අන්තර්ජාලය, ජංගම දුරකථනය, මුදල් තැන්පත් කිරීමේ/ආපසු ගැනීමේ යන්ත‍්‍ර :(CDM/ATM)", සමාජ මාධ්‍ය වැනි පුළුල් පරාසයක පැතිරුණු ක‍්‍රම රාශියක් භාවිතා කිරීමට පාරිභෝගිකයන්ට අවස්ථාව සැලසී තිබෙනවා. අභ්‍යන්තර පද්ධති වැඩිදියුණු කිරීම, මූලික බැංකුකරණ මෙහෙයුම් කටයුතු වැඩිදියුණු කිරීම, ව්‍යාපාර ක‍්‍රියාවලි ඩිජිටල්කරණය කිරීම, නව තාක්ෂණික නාලිකා භාවිතයට ගැනීම, ඩිජිටල් සම්බන්ධතා ස්ථාන වල User interface (UI) සහ User Experience (UX) වැඩිදියුණු කිරීම සහ මේ නවීන තාක්ෂණයන් සම්බන්ධයෙන් අපගේ කාර්ය මණ්ඩලය දැනුවත් කිරීමත් අප මේ වනවිට සිදුකර තිබෙන බව සඳහන් කළ යුතුයි. මේ සියල්ල නිසා අපගේ දේශීය හා විදේශීය ගනුදෙනුකරුවන්ට වඩාත් පහසු හා සුරක්ෂිත සේවාවක් පිරිනැමීමට අපට හැකියාව ලැබී තිබෙනවා.”‍ යනුවෙන් විජයසේකර මහතා තවදුරටත් අදහස් දැක්වීය.

ඩිජිටල් බැංකුකරණ අවකාශයේ ප‍්‍රධාන අභියෝග විස්තර කරමින් විජයසේකර මහතා මෙසේ පැවසී ය. ‘‘ඩිජිටල් බැංකුකරණය සම්බන්ධයෙන් ගත්කල, ඉතාමත්ම වැදගත් වන සාධකයක් වන්නේ ආරක්ෂාවයි. නව තාක්ෂණය සමගින් එක් අතකින් ගනුදෙනුකරුවන්ට වඩාත් පහසුවෙන් තම අවශ්‍යතා ඉටුකරගැනීමට ලැබෙන අතරම, අනික් අතින් ආරක්ෂාව තහවුරු කිරීමේ පියවර සංකීර්ණ වන තරමට එය ගනුදෙනුකරුවන්ට අපහසුතාවක් ඇතිකිරීමටත් ඉඩ තිබෙනවා. සෙලාන් බැංකුව හැමවිටම උත්සාහ කරන්නේ මෙම අන්ත දෙක අතර මැද මාවතක් සොයාගැනීමටයි. අපගේ තොරතුරු තාක්ෂණ කණ්ඩායම ක්ෂේත‍්‍රයේ දක්ෂතම වෘත්තිකයන්ගෙන් සැදුම්ලත් කණ්ඩායමක්. ගනුදෙනුකරුවන්ට අපහසුතාවක් ඇති නොවන අතරම, වඩාත් ප‍්‍රයෝගික, වඩාත් ආරක්‍ෂිත බහු-පියවර තහවුරුකරණ ක‍්‍රම :(Multifactor Authentication) ක‍්‍රියාවට නැංවීමට ඔවුන් කටයුතු කර තිබෙනවා. ස්මාර්ට්ෆෝන් භාවිතා නොකරන ගනුදෙනුකරුවන් වෙනුවෙන් ීඵී බැංකුකරණ සේවාවක් ක‍්‍රියාත්මක වන නමුත් අප දැඩිව විශ්වාස කරන්නේ බැංකුකරණයේ අනාගතය රඳාපවතින්නේ ස්මාර්ට්ෆෝන් භාවිතය මත බවයි. ඒ නිසා ජංගම බැංකුකරණ සේවාවන් වැඩිදියුණු කිරීමට අප සෑමවිටම උත්සාහ කරනවා. ඊට අමතරව පරිගණක භාවිතයට වඩාත් නැඹුරු ගනුදෙනුකරුවන් වෙනුවෙන් අන්තර්ජාල බැංකුකරණ සේවාවත් ක‍්‍රියාත්මකයි. මෙහිත් භාවිතයේ පහසුව, ආරක්ෂාව සහ ප‍්‍රතිලාභ නිරන්තරයෙන් වැඩිදියුණු කිරීමට අප පියවර ගන්නවා.”‍

‘‘‍කෙසේ වුවත් සැබෑම පහසුවක් තහවුරු කිරීමට නම් අපට නව තාක්ෂණය වගේම, නිවැරදි දැනුම හා පුහුණුව සහිත කාර්ය මණ්ඩලයකුත් අවශ්‍ය වෙනවා. මධ්‍යම මට්ටමේ කළමනාකාරීත්වය වෙනුවෙන් අප කලින් කලට කුසලතා පුහුණු වැඩසටහන් සහ නායකත්ව පුහුණු වැඩසටහන් ක‍්‍රියාවට නංවන්නේ ඒ නිසයි. ඒ වගේම, වර්තමාන බැංකු සේවාවන් තුළදී ගනුදෙනුකරුවන්ට නිසි උපදේශන සේවාවක් නොලැබීම, ක්ෂේත‍්‍රයේ ඇති ප‍්‍රධාන අඩුවක් ලෙස අප දකිනවා. සුහද හදක් ඇති දේශීය බැංකුව ලෙස, මේ අඩුව පුරවාලමින්, ගනුදෙනුකරුවන්ට විධිමත්ව උපදෙස් ලබාදීමේ ක‍්‍රමයක් ස්ථාපිත කිරීමට අප කටයුතු කළ යුතුයි. ඊට අමතරව, සෑම ශාඛාවකදීම විධිමත් සේවාවක් පවත්වාගෙන යාම සඳහා දැඩි රීති මාලාවක් කි‍්‍රයාත්මක කිරීමට වගේම, එම රීති නිසි ලෙස පළිිපදිනු ලබන බවත්, ගනුදෙනුකරුවන්ට නිසි සේවාවක් හිමිවන බවත් තහවුරු කරගැනීම සඳහා නිරන්තරයෙන් සමීක්ෂණ හා පරීක්ෂණ සිදුකිරීමටත් අප පියවර ගන්නවා.”‍

‘‘තවත් වැදගත් වෙනසක් වන්නේ පාරිභෝගික ණය අනුමත කිරීමේ ක‍්‍රියාවලිය සඳහා ස්වයංක‍්‍රීය ක‍්‍රමවේද භාවිතා කිරීම ආරම්භ කිරීමයි. එමගින් අපගේ ණය සේවා කණ්ඩායම් වලට ධබකසබැ ක‍්‍රමයට අදාළ ක‍්‍රියාවලිය සිදුකිරීමට අවස්ථාව ලැබී තිබෙනවා. මෙමගින් ගනුදෙනුකරුවන්ට අනුමැතිය ලබාදීමේ කාලය අඩුකිරීමට හැකිවී ඇත අතරම, නිවාස ණය සේවාව මධ්‍යගත කිරීම සහ පුද්ගලික ණය දින දෙකක් ඇතුළත ලබාදීම වැනි ක‍්‍රම හඳුන්වා දීමට හැකියාව ලැබුණා. එමෙන්ම මහා පරිමාණ සමාගම් සහ කුඩා හා මධ්‍යම පරිමාණ ව්‍යාපාර සඳහා වඩාත් හොඳ අන්තර්ජාල ගෙවීම් සේවාවන් හඳුන්වා දීමටත් අපට හැකි වී තිබෙනවා. MPOS වැනි මාධ්‍ය සම්බන්ධයෙන් වෙළඳපොළේ කැපීපෙනෙන ලෙස ඉදිරියට පැමිණීමට අපට හැකියාව ලැබුණා. ඒ වගේම ඉදිරි මාස කිහිපයේදී QR තාක්ෂණය පදනම් කරගත් ගෙවීම් ක‍්‍රමවේද හඳුන්වා දීමට සියලූ‍ කටයුතු සැලසුම් කර තිබෙනවා.”‍

පාරිභෝගික හා ඩිජිටල් බැංකුකරණ, අලෙවි, විකුණුම් සහ සේවා කණ්ඩායම් වල මෙහෙවර සම්බන්ධයෙන් වියසේකර මහතා අදහස් දැක්වූයේ මෙසේ ය. ‘‘සමාජයීය හා තාක්ෂණික පරිවර්තන මගින් බැංකු ක්ෂේත‍්‍රයටත් විශාල බලපෑමක් ඇතිවී තිබෙනවා. මෙය අප සතු දත්ත වඩාත් ඵලදායී ලෙස භාවිතා කිරීමට ලැබුණු අවස්ථාවක්.'Data warehouses' සහ 'BI systems' වැනි දේවල්, ක‍්‍රමෝපායික අලෙවිකරණ සහ නිෂ්පාදන කළමනාකරණ ක‍්‍රමවේද භාවිතා කිරීමට අපව යොමුකරවනවා. මෙම ක‍්‍රමවේද අතරට ව්‍යාප්ත සේවාවන්, සේවාවන් කිහිපයක් එකතු කිරීම, සේවාවන් වැඩිදියුණු කිරීම, නව වෙළඳපොළවල් වෙත පිවිසීම සහ ඉලෙක්ට්‍රොනික බැංකුකරණය සම්බන්ධයෙන් වැඩි අවධානයක් යොමුකිරීම වැනි අංශ ඇතුළත්. මෙම සේවාවන් හා බැඳුණු වටිනාකම් ඒ අයුරින්ම පිළිපදින අපගේ පාරිභෝගික බැංකුකරණ කාර්ය මණ්ඩලය උත්සහ කරන්නේ විවිධ තලවලදී ගනුදෙනුකරුවන් ආමන්ත‍්‍රණය කරන සන්නිවේදන ආකෘති සමගින් ගනුදෙනුකරුවන්ට වැඩි වටිනාකම් තිළිණ කිරීමටයි. පොදුවේ මූල්‍ය ක්ෂේත‍්‍රයන් තුළ වේගයෙන් වෙනස්කම් සිදුවීම සහ ව්‍යාපාරික ක‍්‍රියාකාරකම් ඊට සමගාමීව ඉදිරියට යාම තුළ, බැංකු සේවාවන් සහ ගනුදෙනුකරුවන්ට උපදෙස් දීමේ සේවාවන් අතර වෙනස හඳුනාගැනීම අවශ්‍යයි. මෙහිදී උපදෙස් දීම යනු ගනුදෙනුකරුවන්ගේ අවශ්‍යතාව ලෙංගතුව ඉටුකර දෙන, අගය එකතුකළ සේවාවක් බවට පත්වීම අතිශයින් වැදගත්. මේ වෙනුවෙන් අප උපදේශන සහ සම්බන්ධතා කළමනාකරණ අංශ දෙක ආවරණය වන පරිදි ප‍්‍රධාන පෙළේ වැඩසටහන් දෙකක් ක‍්‍රියාවට නැංවුවා. ඒ අනුව දැන් ක්ෂේත‍්‍රයේ ඉදිරියෙන්ම සිටින, සම්මාන පිට සම්මාන ලැබූ විකුණුම් කණ්ඩායමක් අප සතුව සිටින අතර, ශාඛා මට්ට්ටමින් පාරිභෝගික සම්බන්ධතා නිලධාරී සංකල්පයක්ද හඳුන්වා දී තිබෙනවා.”‍

‘‘බැංකුකරණයේ අනාගතය සඳහා සමබරතාවක් අවශ්‍යයි. ගනුදෙනුකරුවන් සාමාන්‍ය, එදිනෙදා බැංකු කටයුතු සඳහා තම දුරකථන භාවිතා කළත් ඔවුන් තවමත් වැදගත් මූල්‍යමය තීරණ ගැනීමේදී මුහුණට මුහුණලා සංවාදයක් සිදුකළ හැකි සේවාවක් අපේක්ෂා කරනවා. තාක්ෂණය මගින් පාරිභෝගික පහසුව වැඩිවෙන බව සත්‍යයක්. නමුත් මේ යුගයේ ඉදිරියට යා හැක්කේ නවීන තාක්ෂණය භාවිතා කරන අතරම මානව සම්බන්ධතාවේ අගය වටහාගනිමින්, මේ අංශ දෙක අතර සමබර සබ`දතාවක් ඇතිකරගැනීමට සමත් වන ව්‍යාපාරවලට පමණයි.”‍ යනුවෙන් ටිලාන් විජයසේකර මහතා අවසන් වශයෙන් පැවසීය.

Rate this item
(0 votes)
Last modified on Thursday, 04 April 2019 15:44