September 21, 2018

අගමැතිට එරෙහි වූ ශ්‍රීලනිප ඇමැතිවරු “ඇමැති පට්ටම්“ අතහරී - ජනපතිට විශේෂ ලිපියක්

අග්‍රාමාත්‍ය රනිල් වික්‍රමසිංහ මහතාට එරෙහි විශ්වාසභංග යෝජනාවට පක්ෂව ඡන්දය ප්‍රකාශ කළ ශ්‍රී ලංකා නිදහස් පක්ෂයේ අමාත්‍යවරුන් 06 දෙනා ජනාධිපති මෛත්‍රීපාල සිරිසේන මහතා වෙත අද(07) ලිපියක් යොමු කර තිබේ.

තමන්ට ආණ්ඩුවේ අමාත්‍යධූරවලින් ඉවත්විමට ඉඩ ලබාදෙන ලෙස ඉල්ලමින් එම ලිපිය අද (07) දිනයේ අදාළ ලිපිය ජනාධිපතිවරයා වෙත බාරදී තිබේ.

තමන්ට විශ්වාසයක් තැබිය නොහැකි අග්‍රාමාත්‍යවරයෙකු සිටින අමාත්‍ය මණ්ඩලය තුළ තවදුරටත් කටයුතු කළ නොහැකි බව අමාත්‍ය දයාසිරි ජයසේකර මහතා සඳහන් කළේය.

අග්‍රාමාත්‍ය රනිල් වික්‍රමසිංහ මහතාට එරෙහි විශ්වාසභංගයේදී ශ්‍රී ලංකා නිදහස් පක්ෂ මැති ඇමතිවරුන් 16 දෙනෙකු ඊට සහය පල කරමින් ඡන්දය ප්‍රකාශ කළේය.

එක්සත් ජාතික පක්ෂ පසුපෙල මන්ත්‍රීවරුන් පිරිසක් විසින් මෙම විශ්වාසභංග යෝජනාවට පක්ෂව ඡන්දය ප්‍රකාශ කළ ශ්‍රී ලංකා නිදහස් පක්ෂයේ කැබිනට් අමාත්‍යවරුන් 06 දෙනාට එරෙහිව සහ නියෝජ්‍ය කථානායකවරයාට එරෙහිව විශ්වාසභංගයක් කථානායකවරයා වෙත භාරදෙනු ලැබීය.

කෙසේවෙතත් අදාළ විශ්වාසභංග යෝජනාව ඉවත්කර ගන්නා ලෙස අග්‍රාමාත්‍ය රනිල් වික්‍රමසිංහ මහතා එම පසුපෙල මන්ත්‍රීවරුන්ට ඊයේ රාත්‍රී උපදෙස් ලබාදී තිබිණි.

Rate this item
(1 Vote)
Last modified on Monday, 09 April 2018 11:53