ගුගල් (Google) ආයතනය විසින් රටවල් 131ක ජනතාව Covid 19  වෛරසය ව්‍යාප්ත වීමත් සමඟ සිය හැසීම් සහ ගමනාගමන කටයුතු සිදු කර ආකාර සම්බන්ධයෙන් සමීක්ෂණයක් සිදු කර ඉදිරිපත් කර ඇත.

එය නම් කර ඇත්තේ (Covid 19 -Community Mobility Report ) ලෙසයි.

ස්මාර්ට් ජංගම දුරකතන හරහා "Google map App" යෙදුම භාවිතා කරන පිරිසකගේ දත්ත විශ්ලේෂණය කරමින් මෙම වාර්තාව ඉදිරිපත් කර ඇත.

නමුත් ඔවුන් පවසන්නේ මෙය රටක සමස්ථ ජනයාගේ ක්‍රියා කාලාපය පෙන්නුම් නොකරණ බවයි.

ස්මාර්ට් ජංගම දුරකතනයේ "Google map App" යෙදුම තිබුණද ඔවුන් අත්තර්ජාලය භාවිතා කරන ආකාරය සහ එම යෙදුම හරහා දත්ත ලබා ගත හැකි ආකාරය අනුව (Location history) මෙම වාර්තාව ඉදිරිපත් කර ඇත.

මේ අනුව පසුගිය පෙබරවාරි 16වදා සිට මාර්තු මස 29වනදා දක්වා කාලය තුල දත්ත මෙම වාර්තාවට ඇතුලත් වේ.

මෙම වර්තාව සකස්ස කිරීමමේදි කිසිඳු පුද්ගලයෙකුගේ පෞද්ගලික තොරතුරු ලබා ගැනීමක් සිදු නොකල බවත් මෙම වාර්තාව සකස් කිරීමේදි සෑම විටම පෞද්ගලිකත්වය ආරක්ෂා කළ බවත් එම ආයතනය දන්වා ඇත.

ඔවුන් මෙම වාර්තාව සකසා ඇත්තේ ජනතාව ගමන් කරන සහ රැදී සිටින ස්ථාන කෙටස් 6කට වෙන් කිරීමක් සිදු කරමින්ය.

ඒනම් ,

1, විනෝදාස්වාදය සඳහා සහ කෟතුකාගාර

2, සිල්ලර වෙළෛඳසැල් සහ ඖෂධහල්

3, උද්‍යාන

4, පොදු ප්‍රවාහ ස්ථාන

5, රැකියා ස්ථාන

6, නිවාස , ලෙසයි.

මේ අනුව.

විනෝදාස්වාදය ලබන ස්ථාන සහ කෟතුකාගාර කොටස යටතේ ශ්‍රී ලංකාවේ ජනතාව Covid 19 ව්‍යාප්තියට ප්‍රථම ගැවසුන ආකාරය අනුව 86%ක ප්‍රතිශතයින් අඩු වීමක් දක්වනු ඇත.

සිල්ලර වෙළෛඳසැල් සහ ඖෂධහල් ආශ්‍රිතව ගැවසීව 87%කින් අඩු වී ඇති බව වාර්තා වේ සටහන් වේ.

උද්‍යාන (වෙරළ, සත්ව උද්‍යාන, උද්භිත උද්‍යාන) ආශ්‍රිතව 57%ක අඩුවීමක් පෙන්නුම් කරයි.

පොදු ප්‍රවාහ ස්ථාන වල ගැවසීම 78%කින් පහළ බැස ඇත.

රැකියා ස්ථාන වල 50%කින් අඩු වී තිබේ.

නිවාසවල රැදි සිටිම වෙනදාට වඩා 32%කින් ඉහළ ගොස් ඇති බවද පෙන්නුම් කරයි.