ජාතික නිවාස සංවර්ධන අධිකාරියේ හම්බන්තොට දිස්ත්‍රික්කයෙන් පත්වීම් දී රට පුරා සේවයේ යෙදුණු 2273 ක් ස්ථිර කරන ලෙස හම්බන්තොට දිස්ත්‍රික් එජාප පෙරමුණු පාර්ලිමේන්තු මන්ත්‍රී දිලිප් වෙදආරච්චි මහතා අග්‍රාමාත්‍ය මහින්ද රාජපක්ෂ මහතාගෙන් ඊයේ (28) ලිඛිතව ඉල්ලීමක් කර තිබේ.
මේ පිරිසට කළමනාකරණ තනතුරේ සිට ඊට පහල තනතුරු දක්වා කොන්ත්‍රාත් පදනම මත පත්වීම් ලබා දී තිබූ අතර ඔවුන් දින 180ක් සේවයේ යෙදවීමේ පදනම මත සේවය ස්ථිර කරන ලෙස වෙදආරච්චි මහතා අග්‍රාමාත්‍යවරයාගෙන් කර තිබූ ඉල්ලීම වේ.
මෙම 2273 ම හම්බන්තොට දිස්ත්‍රික්කයේ පදිංචිකරුවන් වීම විශේෂත්වයක් වන අතර වෙදආරච්චි මහතා මෙම ඉල්ලීමෙන් පිටපතක් නව ප්‍රජාතන්ත්‍රවාදී පෙරමුණේ ජනපති අපේක්ෂක අපේක්ෂක සජිත් ප්‍රේමදාස මහතා වෙත ද යවා තිබේ.
අප මේ පිළිබඳව අග්‍රාමාත්‍ය කාර්යාලයෙන් විමසීමක් කළ අතර එවැනි ලිපියක් ලැබී ඇති බව එහිදී තහවුරු කරන ලදී.
