එක්සත් ජාතික පක්ෂයට ජනාධිපති අපේක්ෂත්වයට හා පක්ෂයේ නායකත්වයට නායකයින් පෙළක් සිටින බව බන්දුලාල් බණ්ඩාරිගොඩ මහතා පවසයි.
ඊයේ (09) ගාල්ල නගරයේ පැවති උත්සවයක දී අදහස් දක්වමින් ඔහු මෙම අදහස් පළ කළේය.
එක්සත් ජාතික පක්ෂයට නායකින් පෙළක් සිටින අතර, එක් පවුලක් මත එල්ලෙන පක්ෂයක් නොවන බවද මන්ත්‍රීවරයා මෙහිදී පැවසීය.
“රාජපක්ෂ සරණන් ගච්ඡාමි“යැයි පවසා අයියා මල්ලි පසු පස නොයන බවත් පැවසු ඒ මහතා, ජනතාව ආදරය කරන අපේක්ෂකයා ඡන්දයට ඉදිරිපත් කරන බවද කියා සිටියේය.
පක්ෂය තුළ කටවල් වහගෙන සිටින්නේ ඇස් කන් නොපෙනන නිසා නොව පක්ෂයේ සමඟිය ආරක්ෂා කිරීමට අවශ්‍ය නිසා යැයි
ද මන්ත්‍රීවරයා මෙහිදී වැඩිදුරටත් පැවසීය.
එහෙත් එක්සත් ජාතික පක්ෂ නොවන අපේක්ෂකයෙක් පක්ෂයේ උදව්වෙන් ජනාධිපතිවරණයට ඉදිරිපත් වුවහොත් “බන්දුලාල් බණ්ඩාරීගොඩ නම් මෙන්න ආයුබෝවන් කියලා, අවුරුදු 5ක් පොඩි විවේකයක් ගන්න සුදානම්“ යනුවෙන් සඳහන් කළේය.
