අමාත්‍ය සජිත් ප්‍රේමදාස මහතාට එක්සත් ජාතික පක්ෂයේ ජනාධිපති අපේක්ෂකත්වය ලබා ගැනීමට අවශ්‍ය නම් අනිවාර්යයෙන්ම ඒ සඳහා සටන් කිරීමට සිදු වන බව මධ්‍ය පළාත් ආණ්ඩුකාර කීර්ති තෙන්නකෝන් මහතා පවසයි.
ඌව පළාත් ආණ්ඩුකාර මෛත්‍රී ගුණරත්න මහතාගේ වැඩ භාරගැනීමේ උත්සවයට සහභාගී වීමෙන් අනතුරුව මාධ්‍යයට අදහස් දක්වමින් ඒ මහතා සඳහන් කළේ එක්සත් ජාතික පක්ෂය කිසිදු අවස්ථාවක අපේක්ෂකත්වය කිසිවෙකුටත් පිරිනමා නොමැති බවයි.
ඉතිහාසය පුරාම එක්සත් ජාතික පක්ෂය ජනාධිපතිවරණයක් ආසන්න වු විට අර්බුධකාරී තත්ත්වයන් ඇති කරගන්නා බවත් අද වන විට එහිම දිගුවක් දැකිය හැකි බවත් ඒ මහතා පවසයි.
වැඩිදුරටත් සිය අදහස් දක්වමින් ඒ මහතා කිසා සිටියේ සටන් කිරීමකින් තොරව එක්සත් ජාතික පක්ෂයේ අපේක්ෂකයෙක් විය නොහැකි බවත් සජිත් ප්‍රේමදාස මහතාට ද අපේක්ෂකත්වය අවශ්‍යනම් සටන් කළ යුතු වන බවයි.
