September 26, 2020

සමගි ජන බලවේගයේ හා විපක්ෂයේ සිටින ‍ශ්‍රී ලංකා මුස්ලිම් කොංග්‍රසයේ සහ සමස්ත ලංකා මුස්ලිම් කොංග්‍රසයේ මන්ත්‍රීවරුන් පිරිසක් ආණ්ඩුවට එක්වීමේ සාකච්ඡා මේ වන විට සාර්ථකව අවසන් වී ඇති බව දේශපාලන ආරංචි මාර්ග සඳහන් කරයි.

මහ මැතිවරණයේදී සමගි ජන බලවේගයට පිටින් වෙනම තරග කර ජයග්‍රහණය කළ ඉහත සඳහන් පක්ෂ දෙකේ මන්ත්‍රීන් දෙදෙනා ද ඒ අතර සිටින බව වාර්තා වේ.

රවුෆ් හකීම් හා රිෂාඩ් බදියුදීන් යන මහත්වරුන් නායකත්වය දෙන මෙම පක්ෂ දෙකේ තෝරාගත් මුස්ලිම් මන්ත්‍රීවරුන් පිරිසකට තනි තනිව ආණ්ඩුවට එක්වන ලෙස පොදුජන පෙරමුණ පාර්ශවයෙන් ඉල්ලීමක් කර තිබේ.

මුස්ලිම් කොංග්‍රසය නියෝජනය කරන හිටපු නැගෙනහිර පළාත් මහ ඇමති වරයෙකු වන නසීර් අහමඩ් මහතා ආණ්ඩුවට එක්වීම පිළිබඳව දැඩි ස්ථාවරයක සිටින බවද දැනගන්නට තිබේ.

සමගි ජන බලවේගයේ හා විපක්ෂයේ සිටින මෙම මුස්ලිම් මන්ත්‍රීවරුන් ආණ්ඩුවට එක් කර ගැනීම පිළිබඳව මාධ්‍යවල පළ වන වාර්තා ආණ්ඩු පක්ෂය විසින් මෙතෙක් ප්‍රතික්ෂේප කොට නොමැති වීමද විශේෂත්වයකි.

මෙම ප්‍රවෘත්තියට පදනම් වූ කරුණු නිවැරදි බව එනම් විපක්ෂයේ පිරිසක් ආණ්ඩුවට එක් වන බව මහින්දානන්ද අලුත්ගමගේ මහතා ඉකුත් 22 වෙනි දින පාර්ලිමේන්තුවේදී තහවුරු කරන ලදී.

රවුෆ් හකීම්ගේ නායකත්වයෙන් යුතු මුස්ලිම් කොංග්‍රසයේ සහ රිෂාඩ් බදියුදීන්ගේ නායකත්වයෙන් යුතු සමස්ත ලංකා මුස්ලිම් කොංග්‍රසයේ මන්ත්‍රීවරුන් පිරිසකට ආණ්ඩුවට යෑමට අවශ්‍ය නම් ඔවුන්ට ඒ සඳහා අවස්ථාව ලබා දිය යුතු බව සමගි ජන බලවේගය නියෝජනය කරන ජ්‍යෙෂ්ඨ පාර්ලිමේන්තු මන්ත්‍රීවරයෙකු ඒෂියන් මිරර් වෙත සඳහන් කළේය.

තම නම හෙළි නොකිරීමේ පදනම මත අදහස් දැක් වූ ඔහු වැඩිදුරටත් සඳහන් කළේ හකීම් සහ බදියුදීන් මහත්වරුන්ගේ පක්ෂවල පිරිස් මුදල් ගෙවා හෝ ආණ්ඩුවට යැවීම සමගි ජනබලවේගයට ඉතාමත් වාසිදායක පසුබිමක් ඇති කරන බවය.

ආණ්ඩුව පක්ෂයට එක්වීම සඳහා ශ්‍රී ලංකා මුස්ලිම් කොංග්‍රසය මේ වන විට පක්ෂ අභ්‍යන්තරයේ සාකච්ඡාවට කිහිපයක් පවත්වා ඇති අතර දැනගන්නට තිබේ.

රිෂාඩ් බදියුදීන් මහතා හැර ඔහුගේ පක්ෂයේ පිරිසක් ආණ්ඩුවට එක්වීමට කැමැත්තෙන් සිටියි.

රවුෆ් හකීම් සහ රිෂාඩ් බදියුදීන් යන මහත්වරුන් මුස්ලිම් අන්තවාදය රට තුළ පෝෂණය කිරීමට සහයෝගය දැක් වූ අයට බවට පාලක ශ්‍රී ලංකා පොදුජන පෙරමුණ පසුගිය ජනාධිපතිවරණය සහ මැතිවරණ වේදිකාව තුළ නිරන්තරයෙන් ප්‍රකාශ කළ කරුණකි.



නැගෙනහිර මුස්ලිම් අන්තවාදයට එම්.එල්.ඒ.එම් හිස්බුල්ලා, රිෂාඩ් බදියුදීන් යන මහත්වරුන්ගේ පමණක් නොව ඒ.එල්.එම් අතාවුල්ලා මහතාගේ ද සහයෝගය ලැබුණු බව නැගෙනහිර පළාත් හිටපු ජ්‍යෙෂ්ඨ නියෝජ්‍ය පොලිස්පති එඩ්වින් ගුණතිලක මහතා අනාවරණය කොට තිබේ.

ඒ තිදෙනාම 2015 වන තෙක් බලයේ සිටි මහින්ද රාජපක්ෂ රජයේ අමාත්‍ය ධූර දැරූ බවද ගුණතිලක මහතා පෙන්වා දී තිබෙයි.

එඩ්වින් ගුණතිලක මහතා මෙම කරුණු අනාවරණය කොට තිබෙන්නේ අප්‍රේල් 21 පාස්කු ඉරුදින සිදුවූ මරාගෙන මැරෙන බෝම්බ ප්‍රහාරය ගැන සෙවීමට පත් කළ ජනාධිපති විශේෂ විමර්ශන කොමිෂන් සභාව ඉදිරියේ සාක්ෂි දෙමිනි.

ඒ.එල්.එම් අතාවුල්ලා මහතා මෙවර මහා මැතිවරණයේ දී ජාතික කොංග්‍රසය නියෝජනය කරමින් අම්පාර දිස්ත්‍රික්කයට තරගකොට පාර්ලිමේන්තුවට තේරී පත් වී සිටින අතර ඔහු පාලක පොදුජන පෙරමුණු ආණ්ඩුවේ සන්ධාන ගත පාර්ශවයකි.

ආතවුල්ලා මහතා බොහෝ කලක සිට මහින්ද රාජපක්ෂ පාර්ශවයට සහයෝගය දැක්වූ අයෙකි.



කොළඹ - වොක්ෂෝල් වීදියේ සතොස ගොඩනැගිල්ලේ 8 වන මහලේ හිටපු කර්මාන්ත හා වෙළඳ අමාත්‍ය රිෂාඩ් බදියුදීන් මහතා භාවිත කළ සුඛෝපභෝගී පෞද්ගලික අමාත්‍ය විවේකාගාරයක් සොයාගෙන තිබේ.

නව වෙළද අමාත්‍යවරයා ලෙස වැඩභාරගත් බන්දුල ගුණවර්ධන මහතා නියෝග කර ඇත්තේ එය වහාම ඉවත් කරන ලෙසයි.

අදාළ විවේකාගාරයේ සුඛෝපභෝගී ලෙස සකස් කරන ලද නිදන කාමරයක් ද පැවති බව වාර්තාවේ.

මීට අමතරව ප්‍රොජෙක්ටරයක් සහ ඒ හා සම්බන්ධ පුළුල් තිරයක් මෙන්ම ශබ්ද විකාශන පද්ධතියක් ද අදාළ කාමරයේ තිබී සොයාගෙන තිබේ.

එමෙන්ම ඊට යාබද සදළුතලයේ තිබී සුඛෝපභෝගී පුටුවක් ද සොයා ගත් බව අමාත්‍යාංශයේ නිලධාරියෙකු පැවසීය.

කෙසේ වෙතත් හිටපු ඇමැති රිෂාඩ් බදියුදීන් මහතා මාධ්‍යයට ප්‍රකාශ කර ඇත්තේ තමන් එම අමාත්‍යාංශයේ කටයුතු කිරීමට පෙර සිටම අදාළ විවේකාගාරය සකස් කර තිබූ බවයි.

අන්තවාදී හා ත්‍රස්තවාදී කටයුතු වලට සෘජුවම සම්බන්ධ වූ බවටත්, ජාතික සම්පත් තුට්ටු දෙකට මිලදී ගත බවටත් පැහැදිලි ලෙසම චෝදනා එල්ල වන රිෂාඩ් බදියුදීන් හිටපු අමාත්‍යවරයාව අත්අඩංගුවට නොගන්නේ වත්මන් ආණ්ඩුවේ කා සමඟ තිබෙන ඩීල් එකක් නිසා දැයි පූජ්‍ය අතුරලියේ රතන හිමියන් ප්‍රශ්න කරයි.

රිෂාඩ් බදියුදීන් මහතාට එරෙහිව නැගුණු ඉහත සඳහන් චෝදනා එක්සත් ජාතික පෙරමුණු රජයේ බිඳ වැටීමට තදින්ම බලපෑ බවත් එය ගෝඨාභය රාජපක්ෂ මහතාට ජනාධිපතිවරණයෙන් ජයග්‍රහණය කිරීමට දැඩි පිටුවහලක් වුණු බවද උන් වහන්සේ පෙන්වා දෙයි. 

රිෂාඩ් බදියුදීන් මහතා කවා පොවා ඇති දැඩි කර ලොකු මහත් කලේ හිටපු අමාත්‍යවරයෙකු වූ බැසිල් රාජපක්ෂ මහතා බව පෙන්වා දෙන රතන හිමියන් පැවති එක්සත් ජාතික පෙරමුණු ආණ්ඩුව තමන්ගේ පැවැත්ම සඳහා රිෂාඩ් බදියුදීන් මහතාව පෝෂණය කළ බවද රතන හිමියන් සඳහන් කරයි.

උන්වහන්සේ මේ අදහස් පළ කළේ ඒෂියන් මිරර් සමඟ කළ සාකච්ජාවකදීය.

මේ වන විට රිෂාඩ් බදියුදීන් මහතා තමාව අත්අඩංගුවට ගැනීමෙන් වැලකීම සඳහා අපේක්ෂිත ඇප අයැදුම්පතක් ශේෂ්ඨාධිකරණයට ඉදිරිපත් කොට තිබේ.

අත්අඩංගුවට ගැනීම වැළැකීම සඳහා උසාවි නියෝගයක් ඉල්ලා සිටින හිටපු අමාත්‍ය රිෂාඩ් බදියූදීන් මහතා පසුගිය රජයේ කර්මාන්ත අමාත්‍යවරයා ලෙස සිටි අවධියේ දී අක්කර 350කින් යුත් වාලච්චේන කඩදාසි කර්මාන්තශාලාව වසා දමා සේවකයන්ට වන්දි ලබා දී එම භූමිය නිවස සංකීර්ණයකට පැවරිමට කටයුතු කරන ලද බවට තොරතුරු වාර්තා වේ.

එසේ වසා දමා රුපියල් කෝටි ගණනක් වටිනා යන්ත්‍ර සුත්‍ර යකඩවලට විකිණීමට රිෂාඩ් බදියුදීන් මහතා කැබිනට් අනුමැතියක් ගෙන තිබේ.

1996 වන විට මෙරට කඩදාසි අවශ්‍යතාවයෙන් 50%කට වැඩි ප්‍රමාණයක් නිෂ්පාදනය කිරීමට වාලච්චේන කඩදාසි කර්මාන්තශාලාවට හැකි වු අතර ඒ වන විට එහි සේවකයන් 3500ක් සිටි අතර අද සිටින්නේ සේවකයන් 07 පමණයි.

වාලච්චේන කඩදාසි කර්මාන්ත ශාලාව ප්‍රතිසංස්කරණය කොට එහි නැවතත් කඩදාසි නිෂ්පදානය ඇරඹීමට වත්මන් ජනාධිපතිවරයා පියවර ගෙන තිබේ. ඉන් විදේශවලින් කඩදාසි අනායනයන කිරීමේ දී වාර්ෂිකව යන රුපියල් රුපියල් මිලින 99,000 විදේශ මුදල්වලින් සෑහෙන්න ප්‍රමාණයක් ඉතිරි කර ගැනීමට රජය බලාපොරොත්තුවේ.

සුළු ජාතීන් වෙනුවෙන් වැඩ කරන අපේක්ෂකයෙක් තෝරගත යුතු බැවින් එළැඹෙන මහ මැතිවරණයේදී සජිත් ප්‍රේමදාස මහතාගේ නායකත්වයෙන් යුත් සන්ධානයට සහාය පළ කිරීමට තමන් තීරණය කළ බව සමස්ත ලංකා මහජන කොංග්‍රසයේ නායක පාර්ලිමේන්තු මන්ත්‍රී රිෂාඩ් බදියුදීන් මහතා පවසයි.

ඔහු මේ බව පැවසුවේ, එම පක්ෂයේ කාර්යාලයක් වවුනියාව ප්‍රදේශයේ විවෘත කිරීමේ අවස්ථාවට එක්වෙමිනි.

එහිදි වැඩිදුරත් අදහස් දැක්වු රිෂාඩ් බදියුදීන් මහතා,

"පාර්ලිමේන්තු මැතිවරණයක් අපි බලාපොරොත්තුවෙන් ඉන්නවා. ඒකෙදී සුළු ජාතික ජනතාව තමන් වෙනුවෙන් කථා කරන, වැඩ කරන අපේක්ෂකයෙක් තෝරගන්න ඕනේ. 

එහිදී සජිත් ප්‍රේමදාස මහත්මයාගේ සන්ධානය සමග එක්ව තරග කරන්න අපි සාකච්ඡා කරමින් ඉන්නවා. ඒවගේම ඇතැම් ප්‍රදේශවල අපි තනිව තරග කරනවා. ඒ අනුව අන්තවාදී, ත්‍රස්තවාදී කල්ලි පරාජය කරන්නත් අපේ සන්ධානය එකමුතුව වැඩ කරනවා. 

ප්‍රශ්නය - ශ්‍රී ලංකා මුස්ලිම් කොංග්‍රසයේ සම්මේලනයේදී රවුෆ් හකීම් කියනවා දෙමළ ජාතික සන්ධානය එක්ක එකතුවෙලා ඡන්දය ඉල්ලන එක හොඳයි කියලා. ඒ ගැන ඔබේ කැමැත්තක් තියෙනවාද?

මහ ජාතිය නියෝජනය කරන සමහරු වර්තමානයේ සුළු ජාතීන්ව කොන් කරන්න කටයුතු කරමින් ඉන්නවා. එයින් ඇතිවිය හැකි භයානක තත්ත්වයෙන් මිදෙන්න නම් සුළු ජාතික පක්ෂ සියල්ල එක්ව කටයුතු කිරීම රටට හොඳයි. 

යුද්ධය නිසා අපිට ගොඩක් දේවල් අහිමි වුණා. දැන් ඉන්න මහ ජාතිය නියෝජනය කරන දේශපාලඥයෝ ඒක පාඩමක් විදිහට අරගන්න ඕනේ. සුළු ජාතීන්ගේ හිත කඩලා එයාලව තරහගස්සන එක රටට හොඳ නැහැ."

තමන්ට ඇමෙරිකාවේ ගිණුමක් ඇති බවටත් එයට ඇමෙරිකානු ඩොලර් 100000ක මුදලක් තැන්පත් කර ඇති බවටත් අමාත්‍ය විමල් වීරවංශ මහතා කළ චෝදනාව ඔප්පුකර පෙන්වන ලෙස අභියෝග කරන බව පාර්ලිමේන්තු මන්ත්‍රී රිෂාඩ් බද්යුදීන් මහතා විමල් වීරවංශ මහතා අභියෝග කළේය.

අද (11) කොළඹ පිහිටි සිය නිවසේ පැවැති මාධ්‍ය හමුවකදී ඔහු මේ බව පැවැසීය.

එහිදී ඒ මහතා මෙසේ අදහස් දැක්විය.

“ඔප්පු කොපි සිය ගණනක් CID යට හම්බවුණා කියලා එතුමා තව බොරුවක් කියලා තියෙනවා. CID පරීක්ෂණයක් තිබෙනවානම් ඒක ඉවරවෙන්න කලින් මේවා කියන්න එතුමා පොලිස් ඇමතිවරයද? එහෙම නැත්නම් CID එක්ක හොර සබඳතාවක් තිබෙනවාද? මම එතුමාට අභියෝග කරනවා CID දාලා පරීක්ෂණ කරන්න මට එහෙම ඔප්පු දහස් ගණන් සිය ගණන් නෑ. ඡන්ද කාලේදී මට විරුද්ධව කථා කරන ඇමතිවරු ඉන්නවා. ඒ වගේ ඉඩම් තියෙනවානම් දූපතක් තියෙනවානම් ආණ්ඩුවට පවරා ගන්න කියලා මම කිව්වා. මේ වගේ චෝදනා කරද්දී හරියට බලාලා කියන්න ඕන. සතොස භාණ්ඩ ගනිද්දී ගුණාත්මක නොවන භාණ්ඩ ගත්තා කියලා චෝදනා කරනවා. මට ආයතන 42ක් තිබ්බා. මේ වගේ චෝදනාවක් ආවේ නෑ. මේ භාණ්ඩ ගන්නේ කමිටු පත්කරලා, ගුණාත්මක බව බලලා. එතුමා මම ගැන සිංහල ජනතාවට බොරු කියනවා. සතොස වාහන සහරාන්ට දුන්නා කිව්වා. මේවා ඔප්පුකරන්න පුළුවන්. දැන් ආණ්ඩුව ඇවිත් මාස තුනක් වෙනවා. මාව හිරේ දාන්න පුළුවන්නේ. එතුමා කියන චෝදනා සම්පූර්ණ අසත්‍යයි. මම නීතිඥවරු මාර්ගයෙන් කෝටි 100ක වන්දි ඉල්ලා එන්තරවාසි යොමුකර තිබෙනවා. සති දෙකක් එතුමාගේ උත්තර බලනවා. ඊට පස්සේ මම නඩු මගට යනවා.”

රහස් පොලීසිය මගින් අත්අඩංගුවට ගත් හිටපු අමාත්‍ය රිෂාඩ් බදියුදීන් මහතාගේ සොහොයුරෙකු වන හිටපු උතුරු පළාත් සභා මන්ත්‍රී රිෆ්කාන් බද්යුදීන් නමැත්තා ලබන 06 වනදා තෙක් රක්ෂිත බන්ධනාගාර ගත කරන ලෙස කොළඹ ප්‍රධාන මහේස්ත්‍රාත් ලංකා ජයරත්න මෙනවිය විසින් නියෝග කළාය.

තලෙයිමන්නාරම ප්‍රදේශයේ පිහිටි වෙනත් පුද්ගලයෙකුට අයත් රුපියල් මිලියන විසි හතරක් පමණ වටිනාකමකින් යුත් ඉඩම් අක්කර 40 ක් ව්‍යාජ ඔප්පු සකස් කර අත්පත් කර ගැනීමේ සිද්ධියක් සම්බන්ධයෙන් රිෆ්කාන් බදියුදීන් නැමැත්තා රහස් පොලීසිය මගින් අත්අඩංගුවට ගෙන කොළඹ ප්‍රධාන මහේස්ත්‍රාත් ලංකා ජයරත්න මෙනවිය හමුවට ඉදිරිපත් කළහ.

සැකකාර රිෆ්කාන් බදියුදීන් වෙනුවෙන් පෙනී සිටි ජනාධිපති නීතිඥ කාලිංග ඉන්ද්‍රතිස්ස මහතා අධිකරණයේ ඉල්ලීමක් කරමින් තම සේවාදායකයා මෙම අපරාධයට සම්බන්ධ බවට නිශ්චිත කරුණු කිසිවක් නොමැති හෙයින් ඔහු ඇප මත මුදා හැරීමේ නියෝගයක් නිකුත් කරන ලෙස ඉල්ලා සිටියේය.

එහෙත් රහස් පොලීසිය සඳහන් කර සිටියේ සිද්ධිය පිළිබඳව වැඩිදුර විමර්ශන සිදුකරන බවයි.

සැකකරු විමර්ශන අවසන් වන තුරු රක්ෂිත බන්ධනාගාර ගත කරන ලෙසද පොලිසිය අධිකරණයෙන් ඉල්ලා සිටියේය.

මෙම අවස්ථාවේ සැකකරු ඇප මත මුදා හරිනු ලැබූවොත් විමර්ශන කටයුතුවලට බාධා සිදුවිය හැකි බව ප්‍රකාශ කළ කොළඹ ප්‍රධාන මහේස්ත්‍රාත් ලංකා ජයරත්න මෙනෙවිය ඒ අනුව සැකකරු ලබන 06 තෙක් රිමාන්ඩ් භාරයේ තැබීමට නියම කළාය.

මේ අතර මෙම සිද්ධිය සම්බන්ධයෙන් සැකපිට රක්ෂිත බන්ධනාගාර ගත කර සිටි නොතාරිස්වරයෙකු බව කියන පුද්ගලයෙකු ඇප මත මුදා හැරීමට ද අධිකරණය විසින් අද නියෝග කර තිබුණි.

හිටපු අමාත්‍ය රිෂාඩ් බදියුදීන් මහතාගේ සහෝදරයෙක් වන රිෆ්ඛාන් බදියුදීන් අපරාධ පරීක්ෂණ දෙපාර්තමේන්තුව මගින් අත්අඩංගුවට ගෙන තිබේ.

ව්‍යාජ ඔප්පු යොදාගනිමින් තලෙයිමන්නාරම ප්‍රදේශයේ ඉඩමක අලෙවි කිරීමේ සිද්ධියක් සම්බන්ධයෙන් ඔහු අත්අඩංගුවට ගෙන තිබේ.  

සැකකරු කොළඹ ප්‍රධාන මහේස්ත්‍රාත් අධිකරණයට ඉදිරිපත් කළේය.

Page 1 of 6

Live