October 17, 2019

එක්සත් ජාතික පක්ෂයේ නායකත්වය තවදුරටත් රනිල් වික්‍රමසිංහ මහතා වන බවට යෝජනාවක් එක්සත් ජාතික පක්ෂ විශේෂ මහා සම්මේනලයේදි ස්ථිර කර ගත්තේය.

එම යෝජනාව ඒකච්ඡන්දයෙන් සම්මත විය. මේ අතර තවත් යෝජනා කිහිපයක්ද මෙහිදි ස්ථිර විය.

විධායක ජනපතිධුරය අහෝසි කිරීම ඇතුළුව කරගෙන ආ ව්‍යවස්ථා කටයුතු ඉදිරියටත් පවත්වාගෙන යෑමට අදාළ යෝජනාවක්ද මෙහිදී සම්මත කර ගත්තේය.

අමාත්‍ය මලික් සමරවික්‍රම මහතා එක්සත් ජාතික පෙරමුණ ප්‍රමුඛ සන්ධානයේ ජනාධිපතිවරණ මැතිවරණයේ කළමනාකරු ලෙස පත් කර තිබෙන බවට වන ප්‍රකාශය අසත්‍යක් බව ඒෂියන් මිරර් වෙත වාර්තා වේ.

සජිත් ප්‍රේමදාස මහතාගේ ජනාධිපතිවරණ ව්‍යාපාරයේ සම කළමනාකරුවන් ලෙස තිස්ස අත්තනායක සහ ඉමිටියාස් බකීර් මාකර් යන මහතුන් සජිත් ප්‍රේමදාස මහතා විසින්ම පත් කර ඇති අතර ඔවුන් මේ වන විට වොක්ස්වොල් විදියේ කාර්යාලයේ සිට සිය කටයුතු මෙහෙයවයි.

සිය දිගුකාලීන මිතුරා මෙන්ම පහුගිය අවදියේ බොරු විරසකයක් පෙන්වූ රනිල් වික්‍රමසිංහ මහතා වෙනුවෙන් ජනාධිපතිවරණ ව්‍යාපාරය හරහා මුදල් එකතු කිරීම සඳහා මලික් සමරවික්‍රම මහතා මෙම තනතුර අරූඩ කරගෙන තිබිණි.

මලික් සමරවික්‍රම මහතාගේ මෙම වැඩපිළිවෙල සජිත් ප්‍රේමදාස මහතා විසින් මේ වන විට සම්පුර්ණයෙන්ම නවතා තිබේ. 

එක්සත් ජාතික පක්ෂ නායක අග්‍රාමාත්‍ය රනිල් වික්‍රමසිංහ මහතාගේ සහෝදරයෙකු වන ශාන් වික්‍රමසිංහ මහතාට අයත් TNL රූපවාහිනි සේවය විසින් ගෝඨාභය රාජපක්ෂ මහතාට එරෙහිව කැළණිය විශ්ව විද්‍යාලයේ මහාචාර්ය චන්ද්‍රගුප්ත තේනුවර සහ පුරවැසි බලය සංවිධානයේ කැඳවුම්කාර මණ්ඩල සාමාජික ගාමිණී වියන්ගොඩ විසින් අභියාචනයක් ඉදිරිපත් කිරීම දැඩි ලෙස විවේචනයට ලක් කොට තිබේ. 

බලයට පත් කිසිදු රාජ්‍ය නායකයෙකුට අවසන් කිරීමට නොහැකි වූ තිස් වසරක සාපරාධී යුද්ධය අවසන් කළ මහින්ද රාජපක්ෂ රජයේ ආරක්ෂාව භාරව සිටි ප්‍රබල චරිතය අන් කිසිවෙකු නොව රණකාමී විරවරයෙකු වන ගෝඨාභය රාජපක්ෂ මහතා බව එම නාලිකාවේ විකාශය විය.

කෘතගුණ දත් කිසිදු ශ්‍රී ලාංකිකයෙකු එය අමතක නොකරන බවද එහි සඳහන් වේ.

චන්ද්‍රගුප්ත තේනුවර සහ ගාමිණී වියන්ගොඩ උසාවි ගොස්  ඇත්තේ එවන් උදාරතර රණ කාමියෙකුට විරුද්ධව බවද එහිදී ප්‍රකාශ විය.

ඉදිරිදි ජනාධිපතිවරණයේදී ජනතාව විශ්වාස කල යුත්තේ උපන් බිම රකින ගෝඨාභය රාජපක්ෂ මහතාගේ කඳවුරද, එසේ නැත්තනම් මුදල් වලට යටපත් වී උපන් බිමට හතුරු වූ රාජ්‍ය නොවන සංවිධාන මුල් කර ගත් කඳවුර දැයි තීරණය කළ යුතු යැයි එහිදී සඳහන් කෙරිණි.

මෙම කරුණු TNL රූපවාහිනී නාලිකාවේ ප්‍රවෘත්ති විකාශය අතරතුර වැඩසටහනකදී විකාශය කළේය.

දේශපාලනඥයින්ට ගැති නොවී අභිවෘද්ධිය කරා යෑමේ තරුණ අපේක්ෂා මුදුන්පත් කිරීම සඳහා තරුණ අපේක්ෂකයෙකු එක්සත් ජාතික පක්ෂයෙන් ඉදිරිපත් කර ඇති බව පක්ෂ නායක අග්‍රාමාත්‍ය රනිල් වික්‍රමසිංහ මහතා පවසයි.

අග්‍රාමාත්‍යවරයා මේ බව ප්‍රකාශ කළේ පක්ෂයේ සංවිධායකවරුන් සමඟ අද (30) පැවැත්වූ හමුවකදීයී.

එක්සත් ජාතික පක්ෂයේ සියලු සංවිධායකවරුන් අද පෙරවරුවේ සිරිකොත පක්ෂ මූලස්ථානයේ විශේෂ රැස්වීමක් සඳහා කැඳවා තිබුණි.

මෙම රැස්වීම සඳහා එක්සත් ජාතික පක්ෂ නායක අග්‍රාමාත්‍ය රනිල් වික්‍රමසිංහ ,එක්සත් ජාතික පෙරමුණේ ජනාධිපති ධුර අපේක්ෂක සජිත් ප්‍රේමදාස යන මහත්වරුන්ද සහභාගි විය.

මීට අමතරව පක්ෂයේ ජ්‍යෙෂ්ඨ අමාත්‍යවරුන් සහ පාර්ලිමේන්තු මන්ත්‍රීවරුන් රැසක් ඊට එක්විය.

ඉදිරි ජනාධිපතිවරණය පිළිබඳවත් එහි ප්‍රචාරක කටයුතු සිදුකෙරෙන ආකාරය පිළිබඳවත් මෙහිදී  සංවිධායකවරුන් දැනුවත් කර තිබේ.

අනතුරුව සිරිකොත පක්ෂ මූලස්ථානයේදී මාධ්‍ය හමුවක් ද පැවැත්විය.

එහිදී අදහස් දක්වමින් අග්‍රාමාත්‍ය රනිල් වික්‍රමසිංහ මහතා පවසා සිටියේ, අද රටේ සිටින අලුත් තරුණ පරපුර බලාපොරොත්තු වන්නේ හොඳ සමාජයක් බවයි.

මන්ත්‍රීවරයෙක් ළඟට නොගිහින් තමන්ගේ ප්‍රශ්න විසඳා ගත හැකි සමාජයක් බවත් පැවසු අගමැතිවරයා, තමන්ටත් තමන්ගේ පවුලේ අයටත් හොඳින් ජීවත් විය හැකි මෙම සමාජය අපිට ලබා දීමට ඇති බවත් පැවසීය.

ඒ කරුණු මතකයේ තබා ගෙන ඡන්දයට යන බවත් පැවසු රනිල් වික්‍රමසිංහ මහතා, මැතිවරණය කණ්ඩායම් දෙකින් ජයග්‍රහණය කරන බවත් කියා සිටියේය.

රැස්වීම්වලට එන , ගෙයින් ගෙට යන මහන්සි වෙන අය අමතක කරන බවත් පැවසු ඒ මහතා, අද ඔවුන්ටත් පණිවිඩයක් ලබා දිය යුතුව ඇතැයි ද පැවසීය.

තමාට අගමැතිකම නැති කරන මොහොතේ එය නැවත ලබා දීමට පාක්ෂිකයින් කැපවී කටයුතු කළ බවත් පැවසු වික්‍රමසිංහ මහතා, මෙයින් එහාට නව ලංකාවක් නිර්මාණය කිරීමට යන බවත් කියා සිටියේය.

ඒ සටන සඳහා සියලු දෙනා එක්ව යා යුතු බවත් පැවසු අගමැතිවරයා, ඒ වෙනුවෙන් තරුණ ඇමති කෙනෙක් අපේක්ෂකයෙක් ලෙස ඉදිරිපත් කර ඇතැයි ද පැවසීය.

ඔහුගේ දක්ෂකම දන්නා බවත් පැවසු අගමැතිවරයා, ඔහුගේ පියා වශයෙන් ප්‍රේමදාස මහතා සිදුකල මෙහෙවරද මෙහිදී මතකයට නැගීය.

“අපි ඔක්කෝම යුඇන්පී කාරයෝ එකතු වෙලා කථා කරපු කාලය ඉවරයි“ යනුවෙන් පැවසු අගමැතිවරයා, දැන් තියෙන්නේ බැහැලා ගිහින් අනෙක් අයව හරවා ගැනීම බවද සඳහන් කළේය.

ඡන්දයට එන්නේ නෑ යනුවෙන් පවසන අය ඡන්දයට ඉදිරිපත් කිරීමට පෙළඹිය යුතු බවත් පැවසු අගමැතිවරයා, ඒ වැඩටික කර ගැනීමෙන් ජයග්‍රහණය කරා යා හැකි බවත් පැවසීය. 

2015 වසරේදී ශ්‍රී ලංකා නිදහස් පක්ෂ සභාපතිවරයා ජනාධිපතිවරණයේදී ජනතාව විසින් ප්‍රතික්ෂේප කළ හේතුව පිළිබඳව සොයා බලා ඉදිරි දේශපාලන ගමන යා යුතු බව පාර්ලිමේන්තු මන්ත්‍රී තිලංග සුමතිපාල මහතා පවසයි.

දෙහිවල ගල්කිස්ස ශ්‍රී ලංකා නිදහස් පක්ෂ කාන්තා බල මණ්ඩල රැස්වීම අමතමින් මන්ත්‍රීවරයා මේ බව සඳහන් කලේය.

එහිදී අදහස් දක්වමින් ඔහු ප්‍රකාශ කර සිටියේ අපේ සංස්කෘතිය, අපේ කම ගරු නොකරන අග්‍රාමාත්‍යවරයෙක් සමඟ කටයුතු කිරීමට මෛත්‍රීපාල සිරිසේන මහතාට කටයුතු කිරීමට සිදුවු බවයි.

"රටම අකමැති එකම අගමැති රනිල් වික්‍රමසිංහ" මහතා බවත් තිලංග සුමතිපාල මහතා ප්‍රකාශ කළේය.

එසේම එක්සත් ජාතික පක්ෂය තුළින්ම අග්‍රාමාත්‍යවරයා රටේ පළමු පුරවැසියා බවට පත් කිරීම සුදුසු නොවන බව ප්‍රකාශ කිරීම සතුටට කරුණක් බවත් රටම ප්‍රතික්ෂේප කරන අගමැතිවරයා සමඟ තවදුරටත් කටයුතු කළ නොහැකි බවත් තිලංග සුමතිපාල මහතා පවසයි.

ශ්‍රී ලංකා නිදහස් පක්ෂය පැහැදිලිවම කටයුතු කරන්නේ එක්සත් ජාතික පෙරමුණට විරුද්ධව බවත් ඔහු වැඩිදුරටත් පැවසීය.

එක්සත් ජාතික පක්ෂ නියෝජ්‍ය අමාත්‍ය සජිත් ප්‍රේමදාස මහතාට එක්සත් ජාතික පෙරමුණ ප්‍රමුඛ ඉදිරියේදී ගොඩ ගැනීමට යෝජිත නව සන්ධානයේ ජනාධිපති ධූර අපේක්ෂකත්වය ලබා දීම සඳහා කොන්දේසි රැසක් පනවා තිබේ.

අග්‍රාමාත්‍ය රනිල් වික්‍රමසිංහ මහතා, ඇමති රවී කරුණානායක මහතා මෙම කොන්දේසි පැනවූ පුද්ගලයන් අතර වේ.

එම කොන්දේසි මෙසේය.

* ජනාධිපතිවරණ මැතිවරණය සඳහා වතමන් ජනපති මෛත්‍රිපාල සිරිසේන මහතා සම්බන්ධ කර නොගැනීම.

* බලයට පත්ව 6 මසක් ඇතුළත විධායක ජනාධිපති ක්‍රමය අහෝසි කිරීම.

* අග්‍රාමාත්‍ය ධූරය වෙනස් නොකිරීම.

* ඉදිරි මහ මැතිවරණයකදී අග්‍රාමාත්‍ය අපේක්ෂකයා ලෙස රනිල් වික්‍රමසිංහ මහතා නම් කිරීම.

* පක්ෂයේ කිසිම තනතුරක් වෙනස් නොකිරීම.

* ජාතික ගැටලුවට විසදුමක් ලෙස උතුරු නැගෙනහිර බලය බෙදීම සඳහා නව ව්‍යවස්ථාවක් ඇති කිරීම.

අදාළ යෝජනා වල‍ට එකඟ වන්නේ නම් සජිත් ප්‍රේමදාස මහතා සමග ගිවිසුමකට අත්සන් තැබීමට නියමිතය.

මිට අමතරව කථානායක නිල නිවසේදී සජිත් ප්‍රේමදාස මහතා මුණ ගැසුණු එජාප උප නායක රවී කරුණානායක මහතා තමන්ට නියෝජ්‍ය නායකකම ලබා දෙන්නේ නම් පමණක් ජනපතිවරණ අපේක්ෂකත්වය සඳහා තම සහය ලබා දෙන බව පවසා ඇත. ඒ සම්බන්ධයෙන් සිතීමට කාලයක් අවශ්‍ය බව සජිත් ප්‍රේමදාස මහතා පැවසු බව රවී කරුණානායක මහතා සඳහන් කරයි.

තමන් කිසිම කොන්දේසියකට එකඟ නොවන බව පවසන සජිත් ප්‍රේමදාස මහතා ඉදිරියේදී පැවැත්වීමට නියමිත මහ මැතිවරණයක් සඳහා දැන්ම අග්‍රාමාත්‍ය අපේක්ෂකයෙකු නම් කිරීම අවශ්‍ය නොවන බව සඳහන් කරයි.

ලංකාවේ විධායක ජනාධිපතිධූරය සම්පූර්ණයෙන්ම අහෝසි කරන්නේ නම් ඉදිරි  ජනාධිපතිවරණයට ඉදිරිපත් වීමේ අවශ්‍යතාවයක්  නැතැයි අග්‍රාමාත්‍ය රනිල් වික්‍රමසිංහ මහතා ප්‍රකාශ කළේය.

අග්‍රාමාත්‍ය රනිල් වික්‍රමසිංහ  මහතා මේ බව ප්‍රකාශ කළේ එක්සත් ජාතික පක්ෂ නියෝජ්‍ය නායක සජිත් ප්‍රේමදාස සහ කතානායක කරූ ජයසූරිය  මහත්වරුන් සමග ඊයේ පැවැති  සාකච්ඡාවේදීය.

එක්සත් ජාතික පක්ෂය  ප්‍රමුඛ පෙරමුණේ  ජනාධිපතිවරණ  අපේක්ෂකයා නම් කිරීම් සඳහා අවසන් එකඟතාවයක් ඇති කරගැනීම වෙනුවෙන් මෙම සාකච්ඡාව පැවැත්විණි.

විධායක  ජනාධිපතිධූරය සම්බන්ධයෙන් අග්‍රාමාත්‍ය රනිල් වික්‍රමසිංහ මහතා සිටින ස්ථාවරය අනුව ඉදිරි  ජනාධිපතිවරණයට එක්සත් ජාතික පක්ෂය  ප්‍රමුඛ පෙරමුණෙන් තරග කිරීමේ අවස්තාව නියෝජ්‍ය නායක සජිත් ප්‍රේමදාස මහතාට හිමි වෙන බවට ඉඟි පළ  වන්නේ යැයි එක්සත් ජාතික පක්ෂයේ ජ්‍යෙෂ්ඨ අමාත්‍යවරයෙක් පැවසීය.

විධායක ජනාධිපති ක්‍රමය  සම්බන්ධයෙන් පක්ෂයේ  ස්ථාවරය තීරණය කිරීම සඳහා එක්සත් ජාතික පක්ෂ සභාපති කබීර් හෂීම් සහ එක්සත් ජාතික පක්ෂ ජාතික සංවිධායක අමාත්‍ය නවීන් දිසානායක මහත්වරුන්ගේ මූලිකත්වයෙන් ඉදිරි පැය කීහිපයේ දී සාකච්ඡා වට කිහිපයක් පැවැත්වීමට නියමිතය.

එක්සත් ජාතික පක්ෂය ප්‍රමුඛ පෙරමුණේ ජනාධිපති අපේක්ෂකයා ලෙස එක්සත් ජාතික පක්ෂ නියෝජ්‍ය නායක අමාත්‍ය සජිත් ප්‍රේමදාස මහතා පත් කිරීමට අග්‍රාමාත්‍ය රනිල් වික්‍රමසිංහ මහතා එකඟතාව පළ කළ බව අමාත්‍ය ලක්ෂ්මන් කිරිඇල්ල මහතා පුවත්පතකට පවසා ඇත.

එක්සත් ජාතික පෙරමුණේ නායකයන් සමඟ ඊයේ (24) රාත්‍රී පැවැති විශේෂ සාකච්ඡාවකදී මේ එකඟතාවකට එළඹ තිබේ .

එක්සත්  ජාතික පක්ෂ සභාපති මහාමාර්ග හා මාර්ග සංවර්ධන අමාත්‍ය කබීර් හෂීම්, උපනායක විදුලිබල හා බලශක්ති අමාත්‍ය රවී කරුණානායක, එක්සත් ජාතික පක්ෂ ජාතික සංවිධායක වැවිලි කර්මාන්ත අමාත්‍ය නවීන් දිසානායක, රාජ්‍ය පරිපාලන අමාත්‍ය රංජිත් මද්දුමබණ්ඩාර, සංවර්ධන උපාය  මාර්ග හා ජාත්‍යන්තර වෙළෙඳ අමාත්‍ය මලික් සමරවික්‍රම මහත්වරුන් මෙම විශේෂ සාකච්ඡාව සඳහා සහභාගී වී තිබේ .

මෙහිදී එක්සත් ජාතික පක්ෂ නායක අග්‍රාමාත්‍ය රනිල්  වික්‍රමසිංහ මහතා අවශ්‍ය නම් තමා පක්ෂ නායකත්වයෙන් වුවද යාමට සූදානම් බව පැවසී යැයි අමාත්‍ය ලක්ෂ්මන් කිරිඇල්ල මහතා පවසා ඇත.

පක්ෂයේ ජ්‍යෙෂ්ඨ නායකයින් සියලුම දෙනා එම තිර තීරණයට විරෝධය දැක්වූ බවත් පක්ෂ නායකත්වයේ රැඳී සිටිමින් ඉදිරියටත් පක්ෂය ජයග්‍රහණය කරා ගෙන යන ලෙස ජේෂ්ඨ නායකයන් අගමැතිවරයාගෙන් ඉල්ලා සිටි බවත් අමාත්‍ය ලක්ෂ්මන් කිරිඇල්ල මහතා පවසා ඇත.

ඒ අනුව අමාත්‍ය සජිත් ප්‍රේමදාස මහතා ජනාධිපතිවරණ  අපේක්ෂකයා ලෙස ඉදිරිපත්  කිරීම්ට පක්ෂ නායක අග්‍රාමාත්‍ය රනිල්  වික්‍රමසිංහ මහතාගේ පූර්ණ  එකඟතාව පළ වී ඇති අතර හෙට (26) පැවැත්වෙන  කෘත්‍යාධිකාරී මණ්ඩල රැස්වීමේ දී එම යෝජනාව සම්මත කිරීමට ද තීරණය කර තිබේ.

අමාත්‍ය සජිත් ප්‍රේමදාස මහතා එක්සත් ජාතික පක්ෂය ප්‍රමුඛ පෙරමුණේ ජනාධිපතිවරණ  අපේක්ෂකයා ලෙස ඉදිරිපත් කළ යුතු යැයි එක්සත් ජාතික පෙර පෙරමුණ නියෝජනය කරන පක්ෂ  නායකයන් ද මීට පෙර තීරණය කර තිබිණි.   

එක්සත් ජාතික පක්ෂය ප‍්‍රමුඛ පුළුල් සන්ධානයේ ජනාධිපති අපේක්ෂකයා තවමත් රහසක් යැයි අග‍්‍රාමාත්‍ය රනිල් වික‍්‍රමසිංහ මහතා කොළඹදී ඊයේ (23) පැවසීය.

කෙසේ වෙතත් ඉතාම ඉක්මණින් එක්සත් ජාතික පක්ෂය ප‍්‍රමුඛ පුළුල් සන්ධානයේ ජනාධිපති අපේක්ෂකයා ප්‍රකාශයට පත්  කරන බවත් අග‍්‍රාමාත්‍යවරයා සඳහන් කළේය.

අග‍්‍රාමාත්‍ය රනිල් වික‍්‍රමසිංහ මහතා මේ බව පැවසුවේ කොළඹ සිනමන් ග‍්‍රෑන්ඩ් හෝටලයේ පැවති ෆියුචර් ඔෆ් ටුවරිසම් සමුළුව - 2019 ප‍්‍රධාන ආරාධිතයා ලෙස එක් වෙමිනි.

එහිදී සී.එන්.එන් නිවේදක රිචඩ් ක්වෙස්ට් මහතා සමඟ පැවති පිළිසඳරක දී අග‍්‍රාමාත්‍ය රනිල් වික‍්‍රමසිංහ මහතා මේ බව පැවසීය.

ජනාධිපති අපේක්ෂකයා වීමට සියලූ දෙනා උත්සාහ කලත් ජනතාවගේ මතය වී ඇත්තේ පාර්ලිමේන්තුවේ 225 ම ගෙදර යැවීම බවත් අග‍්‍රාමාත්‍යවරයා එහිදී වැඩිදුරටත් පැවසීය.

එක්සත් ජාතික පක්ෂයට සිටින එකම සුදුසුම හා හොඳම ජනාධිපති ධුර අපේක්ෂකයා සජිත් ප්‍රේමදාස මහතා බව ජාත්‍යන්තර වෙළෙඳ හා සංවර්ධන උපායමාර්ග නියෝජ්‍ය අමාත්‍ය නලින් බණ්ඩාර මහතා පවසයි.

අනුරාධපුරයේ පැවති උත්සවයකට එක්වෙමින් ඔහු ඒ බව සඳහන් කළේය.

සජිත් ප්‍රේමදාස මහතාට අපේක්ෂකත්වය ලබා නොදෙන්නේ නම් තවදුරටත් දේශපාලනය සිදු කොට ඵලක් නැති බවත් ඔහුට අපේක්ෂකත්වය ලබා දීමේ සටන කෙසේ හෝ ජයග්‍රහණය කරන බවත් ඒ මහතා පැවසීය.

කෘත්‍යාධිකාරී මණ්ඩලේ බහුතරයක් හා පාර්ලිමේන්තු කණ්ඩායමේ බහුතරයකට අවශ්‍ය වී ඇත්තේ ජයග්‍රහණය බවත් අවසාන මොහොතේදී හෝ රනිල් වික්‍රමසිංහ මහතා විසින් ද ඓතිහාසික ජයග්‍රහණය අනුමත කරනු ඇති බවත් නලීන් බණ්ඩාර මහතා ප්‍රකාශ කළේය.  



DLB Desktop