February 17, 2020

පාර්ලිමේන්තු මන්ත්‍රී රන්ජන් රාමනායක මහතා යළි එළැඹෙන 26 දා තෙක් රක්ෂිත බන්ධනාගාර ගත කිරීමට නුගේගොඩ මහේස්ත්‍රාත් අධිකරණය නියෝග කළේය.

අධිකරණයට බලපෑම් සිදුකිරීමේ නඩුවට අදාළව මන්ත්‍රීවරයා යළිත් අද (12) අධිකරණයට ඉදිරිපත් කළේය.

 

පාර්ලිමේන්තු මන්ත්‍රී රන්ජන් රාමනායක මහතා විසින් පාර්ලිමේන්තුවට බාර දෙනු ලැබූ හඬපට පහ ලබන සතියේ දී මැතිසබයට ඉදිරිපත් කිරීමට නියමිතය.

මේ හඬපටවල අසභ්‍ය හා ජාතික ආරක්ෂාවට හානිකර කොටස් ඉවත් කර ඒවා මැතිසබයට ඉදිරිපත් කළ හැකි බවට ඒ හඬපට පරික්ෂාවට  පත් කෙරුණු මන්ත්‍රී කමිටුව කතානායක කරු ජයසූරිය මහතාට දැනටමත් නිර්දේශ ඉදිරිපත් කර ඇතැයි පාර්ලිමේන්තු නිලධාරියෙක් පුවත්පතකට පවසා ඇත.

මන්ත්‍රී කමිටුවේ සාමාජිකයන් කතානායක කාර්යාලයේ දී මේ හඬපටවලට පැය දෙකකට වැඩි කාලයක් සවන්දී ඇතැයි වාර්තා වෙයි.

මේ හඬ පට පහේ දුරකතන සංවාද 1ක් අන්තර්ගත වන බවත් ඒවායේ වැඩි වශයෙන් අඩංගු වී තිබුණේ ‘‘කුණුහරුප’’ බවත් හඬපට පරීක්ෂා කෙරුණු කමිටුවේ මන්ත්‍රීවරයෙක් පුවත්පතට පවසා ඇත.

මේ හඬපට සංස්කරණය නොකර ඉදිරිපත් කළහොත් පවුල් අවුල් පවා ඇති විය හැකි බව ද ඔහු සඳහන් කර ඇත.

රන්ජන් රාමනායක මහතා විසින් මෙම හඬපට පාර්ලිමේන්තතුවේ හැන්සාඩ් කාර්යාලයට ඉකුත්දා බාරදෙනු ලැබීය.

ඒ අනුව පාර්ලිමේන්තු පක්ෂ නායකයන් රැස්වී ගත් තීරණයක් අනුව හඬපට පරීක්ෂා කිරීමට මෙම මන්ත්‍රී කමිටුව පත් කෙරිණ.

මෙම මන්ත්‍රී කමිටුවට යාපනය දිස්ත්‍රික් පාර්ලිමේන්තු හන්ත්‍රී එම්.ඒ. සුමන්තිරන්, මහනුවර දිස්ත්‍රික් එජනිස පාර්ලිමේන්තු මන්ත්‍රී අනුරාධ ජයරත්න, විපක්ෂයේ ප්‍රධාන සංවිධායක පාර්ලිමේන්තු මන්ත්‍රී ගයන්ත කරුණාතිලක ඇතුළු මන්ත්‍රීවරු පිරිසක් ඇතුළත් වූහ.

යලිත් වතාවක් රක්ෂිත බන්ධනාගාරගත කල රන්ජන් රාමනායක මහතා වෙනුවෙන් ප්‍රකට හා දක්ෂ නීතිඥයින් පෙනී සිටීම ප්‍රතික්ෂේප කිරීම හේතුවෙන් ඔහු දැඩි අපහසුතාවයකට පත්ව තිබෙන බව වාර්තා වෙයි.

විනිසුරුවන්ට බලපෑම් කිරීමේ චෝදනාව මත අත්අඩංගුවට ගෙන බන්ධනාගරගත කර තිබීම හේතුවෙන් රන්ජන් රාමනායක මහතා වෙනුවෙන් පෙනී සිටීමට නීතිඥයින් මැලි වී සිටියි.

මේ නිසාම රාමනායක මහතා බැලීමට බන්ධනාගාරය වෙත යන පාර්ලිමේන්තු මන්ත්‍රීවරුන් ඇතුළු අන් අයගෙන් රාමනායක මන්ත්‍රීවරයා "ලොක්කා මට ඇප දෙයිද? මම වෙනුවෙන් කවුරුත් පෙනී සිටින්නේ නැහැ" යන වදන් පෙළ පැවසීම පුරුද්දක් කරගෙන තිබෙන බවද වාර්තා වේ. 

අධිකරණ කටයුතුවලට බාධාකිරීමේ චෝදනාව සම්බන්ධයෙන් රිමාන්ඩ් බන්ධනාගාර ගතකර සිටින පාර්ලිමේන්තු මන්ත්‍රී රන්ජන් රාමනායක මහතා නුගේගොඩ පෙබරවාරී 12 දක්වා රක්ෂිත බන්ධනාගාර ගත කර තිබේ. 

පාර්ලිමේන්තු මන්ත්‍රී රන්ජන් රාමනායක මහතා නුගේගොඩ මහේස්ත්‍රාත් අධිකරණයට අද(29) ඉදිරිපත් කර තිබුණි.

අත්අඩංගුවට ගැනුණු එක්සත් ජාතික පක්ෂ පාර්ලිමේන්තු මන්ත්‍රී රන්ජන් රාමනායක මහතා පසුගිය පළොස්වෙනිදා සිට අද දක්වා රක්ෂිත බන්ධනාගාරගත කිරීමට නුගේගොඩ මහේස්ත්‍රාත්වරයා නියෝග කළේය.

එක්සත් ජාතික පක්ෂ පාර්ලිමේන්තු මන්ත්‍රී රන්ජන් රාමනායක මහතා අධිකරණ විනිසුරුවරුන්, අධිකරණ තෝල්ක නිලධාරියෙක් ඇතුළු විවිධ පාර්ශ්ව සමඟ  කළ ආන්දෝලනාත්මක සංවාද ඇතුළත් හඬපට  ප්‍රසිද්ධියට පත්විමත් සමග ඒ මහතා අත්අඩංගුවට ගැණුනි.

ඒ අනුව මේවන විට අදාල නඩු විභාගය සඳහා පාර්ලිමේන්තු මන්ත්‍රී රන්ජන් රාමනායක මහතා නුගේගොඩ මහේස්ත්‍රාත් අධිකරණයට අද ඉදිරිපත් කළේය.

පාර්ලිමේන්තු මන්ත්‍රී රන්ජන් රාමනායක මහතා, මෙතෙක් දුරකථන සංවාද ඇතුළත් කිසිඳු හඬපටයක් සභාගත කර නොමැති බව කථානායක කරූ ජයසූරි මහතා තහවුරු කර තිබේ.

අද (24) පෙරවරුවේ පාර්ලිමේන්තුව රැස්වූ අවස්ථාවේ කථානායකවරයා මේ බව සඳහන් කළේය.

ආන්දෝලනාත්මක දුරකථන සංවාද පැවැත් වූ පාර්ලිමේන්තු මන්ත්‍රී රන්ජන් රාමනායක මහතා අඟහරුවාදා දිනයේදී එම හඬපට පාර්ලිමේන්තුවේ සභාගත කරන බවට පැවසූවද, පෙරේදා දිනය වන තෙක් ඒවා සභාගත කර තිබුණේ නෑ.

එවන් පසුබිමක පාර්ලිමේන්තු මන්ත්‍රී හර්ෂ ද සිල්වා මහතා ඊයේ පාර්ලිමේන්තුවේදී පැවසුවේ රන්ජන් රාමනායක මහතා පැවැත් වූ දුරකථ සංවාද පහලොස් දහසක් අඩංගු සීඩී තැටි කිහිපයක් පාර්ලිමේනුවට ලබාදුන් බවයි.

පාර්ලිමේන්තු මන්ත්‍රී රන්ජන් රාමනායක ප්‍රකාශ කළ පරිදි ඔහු විසින් ආන්දෝලනාත්මක හඬ පට කිසිවක් මේ වනවිටත් සභාගත කිරීම සඳහා පාර්ලිමේන්තු මහලේකම්වරයාට භාර දී නොමැති බව නියෝජ්‍ය කථානායක ආනන්ද කුමාරසිරි ප්‍රකාශ කළේය.

නියෝජ්‍ය කථානායකවරයා කියා සිටියේ හඬ පට භාරදීමක් සිදුව ඇති බවට පළ වී ඇති මාධ්‍ය වාර්තා අසත්‍ය බවය.

බැඳුම්කර වංචාවේ අර්ජුන ඇලෝසියස් තමන්ට කතා කරපු අවස්ථාවල හඬපට තමන් සතුව ඇති බවත්, ඔහු තමන්ට සල්ලි දෙන්න උත්සාහ කිරීමේ හඬපට තමන් සතුව ඇති බවත් පවසන පාර්ලිමේන්තු මන්ත්‍රී රන්ජන් රාමනායක මහතා හැකිනම් තමන්ගේ හඬපට විමර්ශනය කිරීම සඳහා කොමිසමක් පත්කර ලෙස කියා සිටී.

“ඒ කොමිසම පත් කරද්දී මම එනවා ෆයිල් පිටින් ඒ කොමිසමට. ඇවිල්ලා දෙනවා සාක්කි. එතුමාත් කතා කරපු හඬ පට මා ළඟ තියෙනවා. මාව මැරුවත් කමක් නෑ. මම අවශ්‍ය තැන්වල, ලොකර්වල, මේ රටින් පිටත් ඒවා හාඩ් ඩිස්ක් වල දාලා තියෙනවා“ යයිද මන්ත්‍රීවරයා අද පාර්ලිමේන්තුවේදී පැවසීය.

අධිකරණයට බලපෑම් කළේ යයි අත්අංඩගුවට ගෙන මේ වන විට රිමාන්ඩ් බන්ධනාගාරගතව සිටින පාර්ලිමේන්තු මන්ත්‍රී රන්ජන් රාමනායක මහතා ඊයේ  (21) පාර්ලිමේන්තුවේදී අදහස් දක්වමින් මේ බව පැවසීය.

එහිදී මන්ත්‍රීවරයා මෙසේද පැවසීය.

එෆ්.සී.අයි.ඩී. එකේ රවී විජේලංකාර අහනවා දුර්වල නඩුවක් දුන්නාම මට කියක් දෙනවාද කියලා. මඟදී නඩුව හැලෙන්න මම දෙන්නම් වැඩේ මට කෝටි කියක් දෙනවාද?

සාක්කිකාරිය සල්ලි ගත්තා.  එෆ්.සී.අයි.ඩි.ය මට බලපෑම් කරනවා කියලා.නඩුව අහක ගියා. පහුගිය ටිකේම අල්ලස් හෝ දුෂණ කොමිසන් සභාවේ සේරම නඩු වලට වුණේ මෙහෙමයි.

නීතිපති එකේ දාපු නඩු වුණේ මෙහෙමයි. හොරු අල්ලන එකයි හොරායි සෙට් වෙලා දෙන්නා එකතු වෙලා ඩීල් එක දාලා බලන් ඉන්නවා. මේ නිසා තමයි මම මේවා පටිගත කළේ. විනිසුරුවරුන්ගේ කතා, හොරාගේ කතා පැමිණිලිකරුගේ කතා විත්තිකරුගේ කතා සේරම පටිගත කලේ.

මේ ආණ්ඩුව ආවේ හොරු අල්ලනවා කියලා. 2015 ජනවාරි 8 වැනිදා රෑ 12.00 ට එයාර් පොට් වහලා හොරු අල්ලනවා කියලා ආවා. ආව ආණ්ඩුව මොකද කළේ ? එදා රෑ චොපර් දෙකක් දුන්නා හොරුන්ට පැනලා යන්න. ඊට පස්සේ බැඳුම්කර වංචාව වුණා.

ඇලෝසියස් මට කතා කරපු ෆෝන් රෙකෝඩ් තියෙනවා. ඒ කෝල් එකේ මට සල්ලි දෙන්න හදපු කෝල් එකත් මා ගාව තියෙනවා. එකයි මම බය නැතිව ඉන්නේ.

එයාට කියන්න බෑ මට කතා කලේ නෑ කියලා. මුලාසුනයේ සිටින  මන්ත්‍රීතුමනි, --- නාලිකාව,--- නාලිකාව, --- නාලිකාව මොන නාලිකාව ආවත් මම  මගේ පෞද්ගලික කැමරාකරුවෙක් තියන් ඉන්නවා. මොකද මගේ කතාව විකෘති කරලා දාන නිසා. මුලු කතාවම පටිගත කරනවා. මොකද --- එකේ යන්නේ --- ඕන දේ. --- යන්නේ --- ඕනෑ ටික. --- එකේ යන්නේ එයාට ඕනෑ කෑල්ල. ඒවා වෙනස් නොකරන්න ඕන නිසා තමයි මම ඉන්න ඒවා වෙනම පටිගත කරන්නේ.

අද එකේ ප්‍රතිඵල මම භුක්ති විදිනවා. මම බය නෑ මොකද මට කතා කරපුවා මා ළඟ තියෙන නිසා.

--- නාලිකාවට බය දේශපාලඥයින් ඉන්නවා. නමුත් මම ඉතිහාසයේ ඉදන් හැමෝම දන්නවා. මම හැමදාම ගත්තේ වින්දිතයාගේ පැත්ත. මම ගත්තේ නෑ පෝසතාගේ බලවතාගේ පැත්ත.

පස් මාෆියාව ආවා. මම පස් ව්‍යාපාරිකයනගේ පැත්ත ගත්තේ නෑ  මම ගත්තේ පස් හින්දා බැට කෑ දිවුලපිටිය ජනතාවගේ පැත්ත. --- ප්‍රශ්නේදී භාරත ලක්ෂ්මන් ප්‍රශ්නේ දී මම ඇයි භාරත පැත්ත ගන්නේ. මම --- නාලිකාවේ පැත්ත ගත්තා නම් ------ වැඩසටහනේ හැමදාම ඉන්නේ මම. ඒ ගොල්ලන්ගේ සම්මාන උළෙලේ ජනප්‍රිය නළුවා මම. මම ගත්තේ හඬ නැති නිහඬ මනුස්සයාගේ පැත්ත. ඒ ගැන මම සන්තෝස වෙනවා.

පසුගිය ටිකේ අපේ ගෙදරට ආවා අහිංසක ස්වාමීන් වහන්සේලා දෙන්නෙක්. ඇවිත් මට කතා කරලා කිව්වා ඇමැතිතුමා මේ අහිංසක ස්වාමින් වහන්සේලා දෙන්නා දුෂණය කරලා මේකට පෙනී ඉන්න කියලා. සියයට 76 ක් බුද්ධාගමේ මේකට අත තියන්න එපා කියලා. අනේ පව් මේ ස්වාමින් වහන්සේලා අඬනවා කියලා. දුෂණය වෙලා අපි මේකට පෙනී ඉමු. මේක කරන්න එපා මේක කළොත් කට්ටිය වට කරලා ගහනවා. ආගමට අත තියන්න එපා.

මම ඇව්වා ඒ දෙමාපියන්ගෙන් ඇයි මා ළඟටම ආවේ කියලා...්‍

වෙන අය කතා කරන්නේ බයයි කියලා. මම කිව්වා මම මේකට ඉදිරිපත් වෙනවා කියලා. මේවගේ එක දිගටම සටන් කලේ ඡන්ද බලාගෙන නෙමෙයි. අදත් මම කතා කරන්නේ ඡන්ද බලාගෙන නෙමෙයි.

මම ස්වාධීනව ඉල්ලනවා. තමුන්නාන්සේලාට ඕනෑ නම් ඇප නැතිව ගෙදර යවන්න. කිසිදු ප්‍රශ්නයක් නෑ. ඇත්ත කතා කරලා හිරේ ගියත් කමක් නෑ. බොරු කියලා මිනිස්සු රවට්ටනවාට වඩා.

මම නම්බුකාරව විඳිනවා.

මාගේ දේශපාලනයේ මම බොරු කියන්නේ නෑ. මම කරපු වැඩේ ගැන සාදාචාරත්මක සෙටිෆිකට් මට අවශ්‍ය නෑ.

අද මේ --- සල්ලි හින්දා --- නාලිකා හින්දා මුළු රටම විනාස වෙලා තියෙනවා. මුලාසන මන්ත්‍රීතුමෙනි මම මේ අභියෝගය ආණ්ඩුවට  කරනවා.

මම දැක්කා අගමැතිතුමා කියනවා  මේකට කොමිසමක් පත් කරන්න කියලා. ඩබල් සැලියුට්. පුළුවන්නම් පත් කරන්න.

ඒ කොමිසම පත් කරද්දී මම එනවා ෆයිල් පිටින් ඒ කොමිසමට. ඇවිල්ලා දෙනවා සාක්කි. එතුමාත් කතා කරපු හඬ පට මා ළඟ තියෙනවා. මාව මැරුවත් කමක් නෑ. මම අවශ්‍ය තැන්වල, ලොකර්වල, මේ රටින් පිටත් ඒවා හාඩ් ඩිස්ක් වල දාලා තියෙනවා.

මේ රජය ආවේ හොරු අල්ලන්න. හොරු ඇල්ලුවේ නෑ. හොරු විසින් රජය අල්ලගත්තා. දැන් ඇප පිට ඉන්න කට්ටියගේ හදවත දන්නවා එයාලා හොරු කියලා. සාක්කි දැන් තියෙනවා හඬපට තියෙනවා. වෛද්‍ය වාර්තා තියෙනවා.

කාලෝ ෆොන්සේකා මගේ මාමා. තමන්ගේ වෛද්‍ය පඩිය වැඩි කියලා වෛද්‍ය සභාවට කිව්ව එකම වෛද්‍යවරයා. මම ඒවා කොපි කළා.

පහුගිය ටිකේ පාර්ලිමේන්තුවේ ලක්ෂයක් පඩි වැඩි වුණා. මට තාම ඉන්න හිටින්න ගෙයක් නෑ. මම කිව්වා මට ඉන්න හිටින්න ගෙයක් නෑ. අවුරුදු තුනක් ලක්ෂය දීමනාව නොගත්ත එකම මන්ත්‍රීවරයා.

අනුන්ට හොරා කියනවා නම් හොරු අල්ලන්න යනවා නම් තමන් හොරකන් නොකර ඉන්න ඕනෑ. අද හොරු ගැන කතා කරන අය ලෝක හොරු. මේ ලෝක හොරු කියනවා අනුන් හොරු කියලා.

අමද්‍යප ව්‍යාපාරයේ සභාපති කන පැලෙන්න බීලා අනිත්අයට බොන්න එපා කියලා හරියන්නේ නෑ නේ.

නැවත නැවත ජනාධිපති ගෝඨාභය රාජපක්ෂ මහතාටයි. අග්‍රාමාත්‍ය මහින්ද රාජක්ෂ මහතාටයි කියනවා කොමිසමක් දාන්න කියලා. මම ෆයිල් පිටින් එන්නම්.

ගෝඨාභය මහත්තයාගේ හඬ පට නම් මා ළඟ නෑ. මහින්ද මහත්තයාගේ හඬ පට 6 ක් 7 ක් තියෙනවා. කැබිනට් ඇමැතිවරු මට බැන්නේ. කැබිනට් ඇමැතිවරුන්ගේ නෝනලා මට කතා කරපුවා තියෙනවා. මේවා රටට කියන්න.

මගේ මහත්තයාට අගමැති සිහිනයක් තියෙනවා. ඒ මහත්තයා තවත් කැබිනට් ඇමැතිවරයෙක්ගේ නෝනාට කියනවා එයාව බැන්ද කෙනෙක් අගමැති කෙනෙක් වෙනවා කියලා. මාව ඩිවෝස් කරලා ගිහින් එයාව බැන්දා එයා. දන්නවාද කව්ද කියලා. එතකොට මෙයා ඒ කැබිනට් ඇමැතිවරයාගේ නෝනාව බැන්දේ හඳහනේ තියෙන විදිහට අගමැති වෙන්න ඕන හින්දා. මාව අතහැරලා ගියේ. අයියේ මේවා කියන්න පාර්ලිමේන්තුවේ. කියපු වීඩියෝ මගේ ළඟ තියෙනවා. 

හොරු අල්ලද්දී අන්එතිකල් වෙන්න ඕනෑ. හොරු එක්ක ඩිසිප්ලින් නෑ. හොරුන් එක්ක චාරයක් නෑ. හොරුන්ට ඩිසිප්ලින් නැත්නැම් අපි මොකටද ඩිසිප්ලින් වෙලා. හොරුන්ට චාරයක් නැත් නම් අපිට මොකටද චාරයක්.

අපි මොකට ද ජෙන්ට්ල්මන් වෙන්නේ හොරු ඉස්සරහා පිට?  ඒ නිසා මම කියනවා. මහින්ද මහත්තයෝ, ගෝඨාභය මහත්තයෝ, පුළුවන්නම් නිව්යෝක් ටයිම්ස් එකට නඩු දානවා කියලා මඟ හැරියා. නිව්යෝක් ටයිම්ස් කතෘ මයිකල් තාම බලන් ඉන්නවා නඩු දානකල්. නඩුව වැටෙනකල් බලන්න ඉන්නවා. එයා තමයි කිව්වේ ---- --------ගිණුමට මෙච්චර ආවා. ------- ස්වාමින්වහන්සේ ඩොලර් 38,000 ක් ගත්තා.

ඒවා කිව්වේ මරියා අල් හබීබී නිව්යෝක් ටයිම්ස් පත්තරේ. නඩු දානවා කිව්වා. මම දැන් කියනවා මේකට නඩු දාන්නේ නෑ. නඩු දැම්මොත් උන්ටම කෙළ වෙනවා.

මේ සේරම මම කළේ 2015 හොරු අල්ලනවා කිව්ව ආණ්ඩුවේ යුතුකමක් ඉටු කරන්නයි. මට හොරුන්ගේ චරිත සහතික වැඩක් නෑ චරිත සහතික දෙන්න පුළුවන් අය මෙතන ඉන්නවාද?

කවුද ඉන්නේ මෙතන? වැලි පර්මිට් තියන 50 ක් ඉන්නවා. බාර් පර්මිට් තියන 100 ක් ඉන්නවා. එතනොල් ගේන 4 ක් ඉන්නවා. කුඩු ගේන දෙන්නෙක් ඉන්නවා. රේස් බයි රේස් කරන එක්කෙනෙක් ඉන්නවා. උන්ගෙන් ද මම චරිත සහතික ඉල්ලන්නේ.

මම ගිය හැම ආසනයකම හැම දිස්ත්‍රික්කයකම මම දිනුවා. මිනිස්සු ඇත්ත කතා කරන අයගේ බොඩි ලැන්වේජ් එක දකිනවා.

මේක බොරුවක් ද ඇත්තක් ද රඟපෑමක් ද මේක මිනිස්සුන්ට තේරෙනවා. මේ දේශපාලනය මට හරියන්නේ නැත්නම් මම යන්නම් ගෙදර. මට පක්ෂ සාමාජිකත්වය අහිමි කළා ගිය සුමානේ. මගේ ආසනය අහිමි කළා. නමුත් මම කවදාවත් ඒවාට සැලෙන්නේ නෑ. මම නැවත කියනවා මේක නිකමට යන්න අරින්න එපා. අනිවාර්යෙන් මේකට කොමිසමක් දාන්න.

මේකට මම එනවා. නැවත නැවත කියනවා මේ හඬ පට වල තියෙන දේවල් ජනතාව දැනගන්න ඕනෑ. බැඳුම්කර වංචාවේ අර්ජුන ඇලෝසියස් කතා කරපු රෙකෝඩින් තියෙනවා. එයා මට සල්ලි දෙන්න හදපුවා තියෙනවා.

ක්‍රිකට් ක්‍රිඩාවේ මහා වංචා තියෙනවා. ------------ මහතා මැච් ෆික්සින්වලදී සල්ලි ගත්ත ඒවා තියෙනවා.

තව එක දෙයක් කියන්න ඕනෑ ෂාරුක් ඛාන්ට බෝම්බ ගැහැව්වේ කවුද ? ලංකාවෙන් සෝම හාමුදුරුවන්ගේ ගුණානුස්මරණය දවසේ ෂාරුක් ඛාන්ට බෝම්බ ගැහැව්වේ කවුද ?

මට මේ ගැන කිව්වා මිත්‍රයෙක් චීනේදී. බැරි වෙලාවත් ෂාරුක් ඛාන් මැරුණා නම් තාම ලංකාවට ගහනවා ඉන්දියාවෙන්.

මහින්ද රාජපක්ෂ මහතා ජනාධිපති ලෙස කටයුතු කරද්දී තමනට ලබා දුන් දුරකතන හත අටක්ම තමන් සතුව ඇති බව එක්සත් ජාතික පක්ෂ පාර්ලිමේන්තු මන්ත්‍රී රන්ජන් රාමනායක සඳහන් කරයි

තමන්ට එරෙහිව පැවති නඩුවකදී ඔහු තමනට උදවු කල බව කියූ හඬ පටයද ඇතැයි ඔහු පැවසීය.

ගෝඨාභය රාජපක්ෂ ජනාධිපතිවරයාගේ කිසිදු හඬ පටයක් තමන් සතුව නැති බවද ඔහු කියා සිටියේය.

අද පාර්ලිමේන්තුවේදී ඔහු මේ බව කියා සිටියේය.

තමන්ගේ හඬ පට සම්බන්ධයෙන් කොමිසමක් පත් කරන්නැයි ඉල්ලා සිටින බව කී ඔහු ඊට තමන් උපරිම සහාය දෙන බවද පැවසීය.

කෙසේ නමුත් ඔහු කියා සිටියේ මහින්ද රාජපක්‍ෂ මහතා තමන්ට කතා කල හඬ පට විනා අධිකරණයේ විනිසුරුවන්ට කතා කල හඬපට ඇති බව නොවේ.

 

පාර්ලිමේන්තු මන්ත්‍රී රන්ජන් රාමනායක විශේෂ ප්‍රකාශයක් කරමින් තමන් සතු හඬපට අද සභාගත කර තිබේ.

පාර්ලිමේන්තුවේ ස්ථාවර නියෝග අනුව පාර්ලිමේන්තු මන්ත්‍රී රන්ජන් රාමනායක මහතාට ප්‍රකාශයක් කිරීමට අවස්ථාවක් ලබාදිය නොහැකි බව කථානායක කරු ජයසූරිය මහතා පාර්ලිමේන්තුවට දැනුම් දුන්නේය.

කෙසේ වෙතත් පාර්ලිමේන්තුවේ විවාදය යන අවස්ථාවේදි විපක්ෂයේ ප්‍රධාන සංවිධායකගෙන් වේලාවක් ලබාගෙන අවශ්‍ය ප්‍රකාශය කළ හැකි බවත් කථානායකවරයා දැනුම් දුන්නේය.

දැනට රක්ෂිත බන්ධනාගාර ගතකර සිටින මන්ත්‍රීවරයා පාර්ලිමේන්තු සභාවාරයට එක්වීමට පාර්ලිමේන්තුවට පැමිණ සිටියි.

Page 1 of 8