June 19, 2019

ලිච්ඡවී රජ දරුවන්ගේ ආකාරයට වත්මන් පාලනය ක්‍රියාත්මක වන බවට අගමැති රනිල් වික්‍රමසිංහ මහතා මිහින්තලයේ දී කරන ලද ප්‍රකාශයකට ජනාධිපති මෛත‍්‍රීපාල සිරිසේන මහතා විසින් දැඩි ප්‍රතිචාර දක්වයි.

අද වන විට ලිච්ඡවී රජ දරුවන් ජීවත්ව සිටියේ නම් මෙවන් කතාවලට සියදිවි නසා ගන්නා බව ජනාධිපතිවරයා සඳහන් කළේය.

හඟුරන්කෙත මාදන්වෙල රජමහා විහාරස්ථානයේදී අභිනව චෛත්‍යරාජයාණන් වහන්සේට ධාතු නිදන් කිරීමේ උත්සවය අමතමින් ජනාධිපතිවරයා මෙම අදහස් පළ කළේය.

ආණ්ඩුව ක්‍රියා කරන්නේ ලිච්ඡවි රජ දරුවන් දුන් උපදේශයන්ට අනුවයි - අගමැති

අද පෙරවරවේ සාමාන්‍ය පරිදි කැබිනට් මණ්ඩලය රැස්වීමට නියමිතව තිබේ.

සෑම සතියේ දිනකම අඟහරුවාදා පෙරවරුවේ කැබිනට් මණ්ඩලය රැස්වීමට නියමිතව තිබුණ ද පසුගිය අගහරුවාදා දිනයේ එම රැස්වීම නොපවත්වනු ලැබීය.

පාස්කු ඉරුදින ප්‍රහාරය සම්බන්ධයෙන් සොයා බැලීමට පත් කර ඇති පාර්ලිමේන්තු විශේෂ කාරක සභාවේ කටයුතු නතර කරන තුරු කැබිනට් මණ්ඩලය රැස් නොකරන බවට ජනාධිපතිවරයා ප්‍රකාශ කර තිබු බව ද මාධ්‍ය වාර්තා පල වී තිබුණි.

කෙසේවෙතත් අද පෙරවරුවේ සාමාන්‍ය පරිදි කැබිනට් රැස්වීම සඳහා ආරාධනා කර ඇති බව රජයේ අරංචි මාර්ග සඳහන් කළේය.

ජනාධිපතිවරණයේදී මා මහින්ද රාජපක්‍ෂ මහතාට උදව් කරද්දී සහරාන් හෂීම් මෛත‍්‍රිපාල සිරිසේන මහතාට උදව් කළා යැයි නැගෙනහිර පළාත් හිටපු ආණ්ඩුකාර එම්. ඒ. එල්. එම්. හිස්බුල්ලා මහතා ඊයේ (13) පාර්ලිමේන්තු විශේෂ කාරක සභාව හමුවේ සාක්‍ෂි දෙමින් පැවසුවේය. 
 
සහරාන් හෂීම් තමන්ට එරෙහිව කටයුතු කළ බව කී හිස්බුල්ලා මහතා 2015 මහ මැතිවරණයේදී තමන්ට සහාය දීමට එකඟ වූ සහරාන් පසුව ඔහුගේ ඡන්ද දෙදහසත් රැගෙන ශ‍්‍රී ලංකා මුස්ලිම් කොංග‍්‍රසයට සහාය දුන් බව ද හිස්බුල්ලා මහතා පැවසුවේය.
 
හිස්බුල්ලා මහතා මෙසේ පවසද්දී ශ‍්‍රී ලංකා මුස්ලිම් කොංග‍්‍රසයේ නායක රවුෆ් හකීම් මහතා ද කාරක සභාවේ සාමාජිකයන් අතර හිඳගෙන සිටියේය.
 
මහමැතිවරණයේ නාම යෝජනා දුන් පසුව සහරාන්ගේ කාර්යාලයට සෑම පක්‍ෂයකම අපේක්‍ෂකයන් කැඳවා ගිවිසුම් අත්සන් කළ බව ද කී හිස්බුල්ලා මහතා ඡන්ද අවශ්‍ය නිසා තමන් ද ඔහු සමඟ ගිවිසුම් අත්සන් කළ බව කීය.
 
රැස්වීම්වලදී සිංදු දැමීම තහනම් කරමින් සහරාන් දැමූ කොන්දේසිය කඩ කළ නිසා සහරාන් සතුව තිබූ ඡන්ද දෙදහසත් රැගෙන ඔහු ශ‍්‍රී ලංකා මුස්ලිම් කොංග‍්‍රසයට සහාය ලබා දුන් බව ද හිස්බුල්ලා මහතා කීවේය.
 
සහරාන්ගේ මරණයෙන් වඩාත් සතුටට පත්වන පුද්ගලයා තමන් බව ද මීළඟ මැතිවරණයේදී සහරාන් නොමැති නිසා තමන්ට ජයග‍්‍රහණය කළ හැකි බව ද හෙතෙම කීවේය.

රටක සංකීර්ණ වටපිටාවක් දේශපාලන ආර්ථික බලපෑම් වශයෙන් තියෙන අවස්ථාවක අගමැති ජනපති දෙදෙනා ම රටින් බැහැරව ගොස් ඇති බවත්  බිලියන විසි එකක් රටේ ජනතාව නිශ්ශබ්දව ඉන්නේ කරන්න දෙයක් නැති නිසා බව පාර්ලිමේන්තු මන්ත්‍රී කෙහෙළිය රඹුක්වැල්ල මහතා පවසයි.

අද(13) කොළඹදි පැවති ශ්‍රි ලංකා පොදුජන පෙරමුණේ පක්ෂ රැස්විමට එක්වෙමින් ඔහු මේ බව පැවසීය.

එහිදි වැඩිදුරටත් අදහස් දැක්වු මන්ත්‍රීවරයා,

"මිනිසුන්ගේ ප්‍රශ්නයක් කියන්න කෙනෙක් නැති තත්ත්වයකයි රට තියෙන්නේ. මේ නිසා ඉවසා සිටීම ජනතාවගේ න්‍යාය වෙලා. පාස්කු සිද්ධියෙන් පස්සේ බල කේන්ද්‍ර දෙකක් මිලියන විසි එකක් ජනතාව උගසට තියලා කටයුතු කරනවා. ජනාධිපති කැබිනට් මණ්ඩලය වර්ජනය කරනවා. කැබිනට් මණ්ඩලය රැස් නොවී රටක් ඉදිරියට යන පළමු අවස්ථාව මේකයි. අගමැති ජනපති රටින් බැහැරව ගිය තමන්ගේ කටයුතු වෙනත් ඇමතිවරයෙකුට හෝ පවරා නැහැ . රටේ සියලු අභ්‍යන්තර ප්‍රශ්න පැත්තකට තියලා කතානායක වරයා තමන්ට ඕන විදිහට හිතු මනාපයේ කටයුතු කරගෙන යාමක් තමයි  සිද්ධ වෙන්නේ. පාස්කු ඉරිදා සිද්ධියෙන් පස්සේ රටකට දරාගන්න බැරි දරුණු  ව්‍යසනයකට සේයාවන් ජනතාව දැක්කා. රටේ නායකයෝ එකිනෙකාට බෝලය පාස් කරගන්නවා මිස සැබෑ ප්‍රශ්නයට විසඳුමක් දෙන්නේ නැහැ. රට අරාජික වෙලා තියෙන මේ මොහොතේ ආණ්ඩුව සූදානම් වෙන්නේ  විපක්ෂයේ  වගකිවයුත්තන්ගේ තැනට දමන්නයි. ව්‍යවස්ථාමය වශයෙන්  විපක්ෂ නායකවරයාට තිබෙන භූමිකාව විපක්ෂය විසින් නිවැරැදිව ඉටු කරමින් තිබෙනවා. ජනතාව වෙනුවෙන් විපක්ෂයෙන් ඉටුවිය යුතු දේවල්  කිසිදු අඩුවක් විපක්ෂයෙන් සිදු වෙලා නැහැ .විපක්ෂයේ වශයෙන් පාස්කු ඉරිදා සිද්ධිය සම්බන්ධයෙන් විවාදයක් ඉල්ලුවා. රිෂාඞ් බදුර්දීන්  ඇමැතිවරයාට එරෙහිව විශ්වාසභංගයක් ගෙනාවා. අපි විපක්ෂයේ භූමිකාව නිවැරදිව කරගෙන ගියත් කථානායකවරයාගේ හැසිරීම නිසා රටේ අර්බුදයක් ඇති වුණා."

"අතුරලියේ රතන හිමියන් උපවාසයක් ඇරඹුවා .ඒ සියලු සිදුවීම්වල වගකීම කතානායකවරයා භාර ගන්න ඕනේ. ප්‍රශ්නය විසඳනවා වෙනුවට ආණ්ඩුව උත්සාහ කළේ රිෂාඩ්  බදුර්දින් ඇමතිවරයා ආරක්ෂා කිරීමටයි .ඉතිහාසය පුරා මේ වන වන තෙක් විශ්වාසභංග හතළිස් නවයක් ඉදිරිපත් වෙලා තියෙනවා . ඒ කිසිදු අවස්ථාවක මෙවැනි තේරීම් කාරක සභාවක් පත් කරලා නැහැ. පාස්කු ඉරිදා සිද්ධිය සම්බන්ධයෙන් උසාවියේ  නඩු 5ක් ගොනු වෙලා තිබෙනවා.  සිද්ධියට සම්බන්ධ කරුණු තේරීම් කාරක සභාව හමුවේ සාකච්ඡාවක ගැනීම මේ නිසා නීතියට පටහැණි  බව නීතිපතිවරයා විසින් කථානායකවරයාට ලිඛිතව දන්වා තිබෙනවා . කතානායකවරයා විසින් මේ ලිපිය තවමත් පාර්ලිමේන්තුවට ඉදිරිපත් කර නැහැ. අඩුම තරමේ කතානායකවරයා එකී ලිපිය පිළිගන්නේද නැද්ද යන්නවත් සඳහන් කර නැහැ . ඒ කියන්නේ මේ වෙද්දි විධායකය ව්‍යවස්ථාදායකය අධිකරණය යන කුලුණු තුනම බාල්දු වි ඇති බව" මන්ත්‍රිවරයා වැඩිදුරටත් පැවසීය.

ජනාධිපතිවරයා නොමැතිව කැබිනට් මණ්ඩලය රැස්නොවීමට අගමැති රනිල් වික්‍රමසිංහ මහතා ප්‍රමුඛ කැබිනට් අමාත්‍යවරුන් තීරණය කර ඇති බව පුවත්පතකට වාර්තාවේ.

කැබිනට් මණ්ඩලය පැවැත්වීම හෝ නොපැවැත්වීම සම්බන්ධයෙන් ජනාධිපතිවරයාගේ අවසන් තීරණය කුමක්දැයි දැනගන්නාතුරු මෙලෙස කටයුතු කිරීමට ආණ්ඩු පක්ෂය තීරණය කර තිබේ.

ජනාධිපතිවරයා නොමැතිව කැබිනට් මණ්ඩලය රැස්කිරීමේ බලය අගමැතිවරයා සතුව තිබුණද 2015න් පසුව යහපාලන ආණ්ඩුව ලෙසත්, පසුව එක්සත් ජාතික පෙරමුණු ආණ්ඩුව ලෙසත් ජනාධිපතිවරයාගේ ප්‍රධානත්වයෙන් කැබිනට් මණ්ඩලය පැවැත්වීය.

එබැවින් ජනාධිපතිවරයාගේ ධුර කාලයේ අවසන් මාස කිහිපයද ජනාධිපතිවරයාගේ ප්‍රධානත්වයෙන් කැබිනට් මණ්ඩලය පැවැත්වීම වැදගත් බවද ආණ්ඩුපක්ෂය සාකච්ඡා කර ඇත.

හිටපු ජනාධිපති චන්ද්‍රිකා කුමාරතුංග මහත්මියගේ ජනාධිපති ධුර කාල සීමාවේදී (2001 – 2004) රනිල් වික්‍රමසිංහ මහතා ප්‍රමුඛ එක්සත් ජාතික පක්ෂ ආණ්ඩුවක් පැවැති අතර, එහිදී චන්ද්‍රිකා ජනාධිපතිනිය නොමැතිව අගමැතිවරයාගේ  ප්‍රධානත්වයෙන් කැබිනට් මණ්ඩලය පැවැත්වූ බවත්,ඒ හේතුවෙන් මේ අවස්ථාවේදීද ජනාධිපතිවරයා නොමැතිව අගමැතිවරයාගේ ප්‍රධානත්වයෙන් කැබිනට් මණ්ඩලය රැස්කිරීමට හැකියාව ඇති බව නීති ක්ෂේත්‍රයේ ප්‍රවීණයෝ පෙන්වා දෙති.

මේ සම්බන්ධයෙන් ආණ්ඩුවේ කැබිනට් අමාත්‍යවරුන්ද අගමැති රනිල් වික්‍රමසිංහ මහතාට ප්‍රකාශ කර ඇති අතර, ජනාධිපතිවරයා නොමැතිව කැබිනට් රැස්වීම පැවැත්වීම මේ අවස්ථාවේදී නොකළ යුතු බව එහිදී අගමැතිවරයා ප්‍රකාශ කර ඇති බව වාර්තාවේ.

එසේම පාස්කු ප්‍රහාරයෙන් තුවාල ලැබූවන්ට හා මියගිය පවුල්වල ඥාතීන්ට වන්දි ලබාදීමේ කටයුතු තවදුරටත් සිදුවෙමින් පවතින බවත්, ආණ්ඩුවේ සංවර්ධන කටයුතු සිදුකළ යුතුව ඇති බැවින්ද ඉතා ඉක්මනින් කැබිනට් මණ්ඩලය රැස්විය යුතු බවද කැබිනට් අමාත්‍යවරුන් දැනුම්දී ඇති බවත් වාර්තාවේ.

පාස්කු ඉරිදා ප්‍රහාරය සම්බන්ධයෙන් සොයා බලන පාර්ලිමේන්තු කමිටුවට බුද්ධි අංශ හා පොලිස් නිලධාරීන් කැඳවීම නවතන ලෙසත්, එසේ නොවුනහොත් තමන් කැබිනට් රැස්වීමට සහභාගි නොවන බවට ජනාධිපතිවරයා කළ දැනුම් දීම මත පෙරේදා (11) දින කැබිනට් මණ්ඩල රැස්වීම  නොපැවැත්විණි.

කැබිනට් මණ්ඩල රැස්වීම වෙනුවෙන් ජනාධිපතිවරයා මේ සතියේ දින වෙන් කර නොමැති අතර, ඒ වෙනුවෙන් නැවත දැනුම්දීමක්ද සිදුකර නොමැති බව මේ සම්බන්ධයෙන් කළ විමසීමකදී කැබිනට් ආමත්‍යවරු සඳහන් කළහ.

පාස්කු දින ප්‍රහාරය සම්බන්ධයෙන් සොයා බලන පාර්ලිමේන්තු විශේෂ කාරක සභාව පෙරේදා (11) දිනයේදී රැස්වුණු අතර, යළි එම කාරක සභාව අද (13) දිනයේද රුස්වීමට නියමිතය.

එමෙන්ම මෙම විශේෂ කාරක සභාව අඛණ්ඩව පවත්වාගෙන යෑමටද එම සභාව තීරණය කර ඇති අතර, කාරක සභාවේ සාමාජිකයන් ජනාධිපතිවරයා හමු වී සාකච්ඡා කිරීමේ සූදානමක් නොමැති බවද මේ සම්බන්ධයෙන් කළ විමසීමේදී විශේෂ කාරක සභාවේ සාමාජිකයෙක්  පුවත්පතට පවසා ඇත.

ජනාධිපති මෛත්‍රිපාල සිරිසේන මහතා නිල සංචාරයක් සඳහා හෙට (14) ටජිකිස්ථානය බලා පිටත්ව යාමට නියමිතය.

චිනයේ ෂැන්හයි කෝපරේෂන් සංවිධානය විසින් කලාපයේ ගැටළු සාකච්ඡා කිරීමට පවත්වන සමුළුව සඳහා ජනාධිපති මෛත්‍රිපාල සිරිසේන මහතා ටජිකිස්ථානය බලා පිටත්ව යයි.

ශ්‍රී ලංකාව මෙම සංවිධානයේ සාමාජිකයෙකු නොවන අතර සාකච්ඡා පැවැත්වීමේ සාමාජිකයෙකු ලෙස සහභාගී වීමට ජනාධිපතිවරයා ටජිකිස්ථානය බලා පිටත්ව යනු ඇත.
 
මෙම සමුළුවේ සාමාජිකයන් ලෙස චීනය, රුසියාව, ඉන්දියාව ඇතුළු රටවල් කිහිපයක් සහභාගී වන අතර නිරික්ෂක රටක් ලෙස පකිස්ථානය මෙම සමුළුවට සහභාගී වේ. චින, රුසියා මයිමේ තිබෙන රටවල් එක්ව මෙම සමුළුව පවත්වනු ලබයි.
 
ජනාධිපති මෛත්‍රිපාල සිරිසේන මහතා සමඟ 50 කට ආසන්න පිරිසක් මෙම සංචාරයට එක්වීමට නියමිතය.
 

කැබිනට් ඇමැතිධූරවලින් ඉල්ලා අස්වූ මුස්ලිම් ඇමැතිවරුන්ගේ අමාත්‍යංශවල වැඩ බැලිමට පත්කරන ලෙස ඉල්ලමින් එක්සත් ජාතික පක්ෂය විසින් යවන ලද ඇමැතිවරුන්ගේ නම් ජනාධිපති මෛත්‍රීපාල සිරිසේන මහතා විසින් ප්‍රතිකේෂප කරනු ලැබ ඇතැයි රජයේ ආරංචි මාර්ග කියයි.

ඒ හේතුවට ජනාධිපතිවරයා, එම අමාත්‍යංශවල රාජ්‍ය හා නියෝජ්‍ය ඇමැතිවරුන් වැඩබලන ඇමැතිවරුන් ලෙස පත්කරනු ලැබ ඇති බව වාර්තා වේ.

රවුෆ් හකීම් මහතා නගර සැලසුම් ජල සම්පාදන හා උසස් අධ්‍යාපන කැබිනට් ඇමැති ධූරයෙන් ද, කබීර් හෂීම් මහතා මහාමාර්ග මාර්ග සංවර්ධන හා ඛනිජ තෙල් සම්පත් සංවර්ධන ඇමැති ධූරයෙන් ද, රිෂාද් බදියුදීන් මහතා කර්මාන්ත වානිජ දිගුකාලීනව අවතැන්වූ පුද්ගලයින් නැවත පදිංචි කිරිම් සමුපකාර සංවර්ධන හා වෘත්තීය පුහුණු අමාත්‍ය ධූරයෙන් ද , අබ්දුල් හලීම් මහතා තැපැල් සේවා හා මුස්ලිම් ආගමික කටයුතු ඇමැති ධූරයෙන් ද ඉකුත් දා ඉල්ලා අස්වුහ.

ඒ වෙනුවට රාජිත සේනාරත්න, මලික් සමරවික්‍රම හා රංජිත් මද්දුම බණ්ඩාර යන ඇමැතිවරුන් ද එම අමාත්‍යංශවල වැඩබැලීමට පත් කරන්නැයි ඉල්ලමින් එක්සත් ජාතික පක්ෂය ඔවුන්ගේ නම් ජනාධිපතිවරයා වෙත ඉකුත් දා යවා තිබිණි.

එය ප්‍රතික්ෂේප කර ඇති ජනාධිපතිවරයා කර්මාන්ත වානිජ කටයුතු නියෝජ්‍ය ඇමැති බුද්ධික පතිරණ මහතා වැඩබලන, කර්මාන්ත හා වානිජ දිගුකාලින අවතැන් වූ පුද්ගලයින් නැවත පදිංචි කිරිම සමුපකාර සංවර්ධන හා වෘත්තීය පුහුණු ඇමැතිවරයා ලෙස ද නගර සැලසුම් හා ජලසම්පාදන රාජ්‍ය ඇමැති ලකී ජයවර්ධන මහතා, වැඩබලන නගර සැලසුම්, ජල සම්පාදන හා උසස් අධ්‍යාපන ඇමැතිවරයා ලෙස ද ඛනිජතෙල් සම්පත් සංවර්ධන නියෝජ්‍ය ඇමැතිනී අනෝමා ගමගේ මහත්මිය, වැඩබලන මහාමාර්ග මාර්ග සංවර්ධන හා ඛනිජතෙල් සම්පත් සංවර්ධන ඇමැතිවරයා ලෙසද ජනාධිපතිවරයා විසින් පත්කරනු ලැබ බව වාර්තා විය.

ඒ අනුව එම තිදෙනා ජනාධිපති නිල නිවසේ දී ජනාධිපතිවරයා ඉදිරියේ පෙරේදා (10) දිවුරුම් දුන්හ.

මේ තතත්වය තුළ ජනාධිපතිවරයාත්,ආණ්ඩුවත් අතර දේශපාලන අර්බුදය තවත් උග්‍රවී ඇතැයි දේශපාලන විශ්ලේෂකයෝ පෙන්වා දෙති.

 

පාස්කු ඉරිදා ප්‍රහාරය සම්බන්ධයෙන් පත්කර තිබෙන තේරීම් කාරක සභාව මේවනවිට ජනාධිපති මෛත්‍රීපාල සිරිසේන මහතා ඉලක්ක කර ගනිමින් ක්‍රියාත්මක වන බව ශ්‍රී ලංකා නිදහස් පක්ෂය සඳහන් කරයි.

මෙම සිද්ධිය සම්බන්ධයෙන් අධිකරණ නඩු කටයුත්තක් සිදුවෙමින් තිබෙන නිසා පාර්ලිමේන්තුවට මේ පිළිබඳව සාකච්ඡා කළ නොහැකි බවද එම පක්ෂයේ ලේකම් දයාසිරි ජයසේකර මහතා සඳහන් කළේය.

මෙම කමිටුවට ඉදිරියට ආරක්ෂක කවුන්සිලයේ සිටින සියලුම දෙනා රැගෙනවිත් ජාතික රහස් ඔත්තු සේවයට බුද්ධි සේවාවලට, විශාල ගැටළු ප්‍රමාණයක් මතුකර තිබෙන බවද ඊයේ (11) පක්ෂ මූලස්ථානයේ පැවැති මාධ්‍ය සාකච්ඡාවකදී සඳහන් කළේය.

පසුගිය අප්‍රේල් 21 වනදා බෝම්බ පිපිරවීමේ ඉලක්කය හා පරමාර්ථය මුස්ලිම් ප්‍රභාකරන් කෙනෙකු මේ රට තුලු බිහි කිරීම බැවින් එයට කිසිවෙකු ගොදුරු නොවිය යුතු බවටත් මැතිවරණය ඉලක්ක කරගනිමින් ජාතිවාදී ආගම්වාදී ප්‍රකාශ සිදු නොකළ යුතු බවට ජනාධිපති මෛත්‍රීපාල සිරිසේන මහතා පැවසුවේය.

ජනාධිපතිතුමන් මේ බව පවසා සිටියේ මුලතිව් ප්‍රාදේශීය සභා ක්‍රීඩාංගනයේදී ‘රට වෙනුවෙන් එකට සිටිමු‘ මුලතිව් දිස්ත්‍රීක් වැඩසටහනේ සමාප්ති උත්සවයට සහභාගී වෙමිනි.

එහිදී රැස්ව සිටි ජනතාව අමතමින් ජනාධිපතිතුමන් වැඩි දුරටත් පවසා සිටියේ,

‘‘ අද හුග දෙනෙකු වැඩ කරන්නේ ඡන්දය ඉලක්ක කරගෙන ඒ නිසා හුගක් රට බෙදිලා කිසිදු දේශපාලඥයෙකු ඡන්දය ඉල්ලක්ක කරගනිමින් ජාතිවාදය හා ආගම්වාදය ඇතිවන ආකාරයේ ප්‍රකාශ සිදු නොකළ යුතුයි මේ වසර අවසානයේ පැවත්වෙන මැතිවරනය ඉලක්ක කරගෙන බොහෝ දේශපාලඥයින් විවධ ප්‍රකාශ සිදු කරනවා එය සිදු නොකළ යුතුයි. පසුගිය 21 වනදා මේ රටේ ඇති වූ ත්‍රස්තවාදී ප්‍රහාරයන් හා බෝම්බ පිපිරවීම්, ජීවිත හානී වීම් ගැන ඔබ දන්නවා 300 කට ආසන්න සංඛ්‍යාවක් මිය ගියා රටට විශාල ආර්ථික අලාබයක් සිද්ද වුනා සංචාරක ව්‍යාපාරය කඩා හැලුනා නමුත් ඒ සියල්ලටම වැඩා ඇති වෙලා තියන පාඩුව කුමක්ද මේ බෝම්බ පිපිරීමෙන් පස්සේ රටේ බෙදීම් වෙන්වීම් වැඩි වෙලා තියනවා ඒ බෝම්බ පිපිරෙව්වේ ජීවිත විනාශ කරන්න විතරක් නෙමෙයි රට ජාතීන් සියල්ල කඩන්න බෙදන්න විනාශ කරන්න උන්ගේ ඉලක්කය සාර්ථක වෙලා තියනවා ඇයි ඒ දේශපාලඥයින් ඔක්කටම කලින් මේ රට වෙන් කරනවා බෙදනවා ජාතීන් විදිහට ත්‍රස්තවාදීන්ගේ බෝම්බ පුපුරවපු ඉලක්ක සම්පූර්ණ කරන්න දෙන්න එපා උතුරේ ප්‍රභාකරන් කෙනෙක් බිහිවෙලා රටේ ලොකු විනාශයක් සිද්ධ වුනා තමුන්නාන්සෙලා අපි ඔක්කම දුක් වින්දා අප්‍රේල් 21 බෝම්බ පිපිරීමේ ඉල්ක්කය හා පරමාර්ථය මුස්ලිම් ප්‍රභාකරන් කෙනෙක් මේ රටේ බිහිකිරීම අපි ඒ කොටුවට අහු වෙන්න හොඳනැහැ අපි කැඩුනොත් බෙදුනොත් අපි එක්කම පරාදයි මේ රටේ නැවත යුද්ද ඇති වේවි මේ රටේ දුප්පත්කම වැඩිවේවි මේ රට කඩා වැටේවි මේ රට අපි රැකගන්න ඕන."

"මේ වැඩ සටහනේ තේමාව ඔබ දන්නවා රට වෙනුවෙන් එකට සිටිමු කියලයි ඇයි ඒවගේ වැඩසටහනක් හැම දිස්ත්‍රීක්කයකම කරන්නේ රට වෙනුවෙන් එකට නැති නිසා රට දියණු කරන්න තියන ප්‍රධානම අභියෝගය ඒක තමයි මේ රටේ මහා සංඝරත්නය සියලු බෙදීම් වලින් තොරව සිට එකට සිට රට එකට එකතු කරන්න නායකත්වය ගන්න ඕන ඉස්ලාම් ,ක්‍රිස්තියානි, කතෝලික, ඒ සියලුම පූජකතුමන්ලා එකට සිටින්න ඕන නමුත් සමාවෙන්න මං මෙහෙම කියනවට ඒ අයත් බෙදිලා මේ රට එකට සිටින්නේ කොහොමද මම මේ කතාකරන්නේ ඡන්ද ගන්න බලාගෙන නෙමෙයි. මම ඊයේ පෙරේදා කිව්වා ලංකාවේ අලුතෙන් වඩුමඩු අලුතෙන් ලියාපදිංචි කරන්නැහැ තහනම් කියලා එහෙම කිව්වහම දැං මට හෝ ගාලා ගහන්න පටන්අරං මං දැක්ක පත්තරවල කව්ද ලොකු මහත්තයෙකුත් කියල තියනවා වඩුමඩු නැතිව ගියොත් මිණීපෙට්ටියක්වත් හදාගන්න විදිහක් නෑ කියලා තියන වඩුමඩු වලත් 80% ක්ම තියෙන්නේ හොර ලී තමයි ඒ නිසා මං මේක කරන්නේ ඡන්දෙ ගන්න නෙමෙයි බනින්න ඒකට කමක් නැහැ මං මේ නීති දාන්නේ මිනිසුන්ගේ හුස්ම ගැනීමේ අයිතිය ආරක්ෂා කරන්න අවුරුද්දකට 1.5% ක් කැලේ කපනවා එතකොට තවඅවුරුදු 5 ක් ගියහම මේ රට කාන්තාරයක් වේවි එම නිසා පරිසරය සුරුකීමට ගන්නා තීන්දු තීරණ වලදී දේශපාලන මතිමතාන්තර වලින් තොරව ගැටලුව දෙස අවංකව බලන්නැයි මා සියලු දෙනාගෙන් ඉල්ලා සිටිමි."

ජනාධිපති තුමන්ගේ මුලතිව් සංචාරයේ පැවති රට වෙනුවෙන් එකට සිටිමු වැඩසටහනට සමාගාමීව මුලතිව් තුනුක්කායි ප‍්‍රාදේශීය ලේකම් කොට්ඨාසයට අයත් මල්ලාවි රෝහලේ රු. මිලියන 37ක වියදමින් ඉදිකරන ලද වකුගඩු රෝගී සහන මධ්‍යස්ථානය ඩිජිටල් තාක්ෂණය ඔස්සේ විවෘත කෙරුණේ ද ජනාධිපතිතුමා අතිනි.

එමෙන්ම මුලතිව් දිස්ති‍්‍රක් ස්මාර්ට් ශ‍්‍රී ලංකා ව්‍යාපෘති කාර්යාලය ද ජනාධිපතිතුමා අතින් විවෘත කෙරිණු අතර මුලතිව් පවුල් කිහිපයක් වෙනුවෙන් ඉඩම් ඔප්පු ලබා දීම හා සමෘද්ධි ප්‍රතිලාභ ලබා දීම සිදු විය.

(වන්නි රොමේෂ් මධුෂංඛ)

පරිසරය වෙනුවෙන් තීන්දු තීරණ ගන්නේ ඡන්ද බලාගෙන නොව මිනිසාගේ හුස්ම ගැනීමේ අයිතිය තහවුරු කිරීමට බව ජනපති මෛත්‍රීපාල සිරිසේන මහතා පවසයි.

ජනාධිපතිවරයා මෙම අදහස් දැක්වූයේ ඊයේ (08) පෙරවරුවේ මුලතිව් ප්‍රාදේශීය සභා ක්‍රිඩාංගණයේ  පැවති ,රට වෙනුවෙන් එකට සිටිමු, මුලතිව් දිස්ත්‍රික් වැඩසටහනේ සමාප්ති උත්සවය අමතමිනි.

රටේ වන සම්පත රැක ගැනීම වෙනුවෙන් කිසිඳු දේශපාලනඥයෙකු නොගත් තීන්දු තිරණ රැසක් තමා ඉකුත් සිව් වසර තුළ ගත් බව ජනාධිපතිවරයා එහිදි ප්‍රකාශ කළේය.

වඩු මඩු සහ ලී මෝල් සඳහා අලූතින් බලපත්‍ර නිකුත් කිරීම පිළිබඳව පරිසර අමාත්‍යවරයා ලෙස තමා ගත් තීන්දුව බොහෝ දෙනා අවඥාවෙන් බැහැර කළ ද රටේ වන සම්පත සීග්‍රයෙන් අහිමිවී යාමත් සමග මිනිසා ප්‍රමුඛ සියලූ සතා සීපාවට ජීවත්වීම පිළිබඳ බරපතළ අභියෝගයකට තවත් වසර 15-20ක් ගත වන විට මුහුණදීමට සිදුව තිඛෙන බව ද ජනාධිපතිවරයා පෙන්වා දුන්නේය.

එබැවින් පරිසරය රැකීමට ගන්නා තීන්දු තීරණවල දී දේශපාලන මති මතාන්තරවලින් තොරව ගැටලූව දෙස අවංකව බලන්නැයි තමා සියලූදෙනාගෙන් ඉල්ලන බව ද ජනාධිපතිවරයා පැවසීය. 

ජනාධිපතිවරයා මෙහිදී වැඩිදුරටත් පෙන්වා දුන්නේ මෙරට වනාන්තරවලින් 95%ක් විනාශ කරන්නේ ජාවාරම්කරුවන් විසින් බව සොයාගෙන තිබෙන බවයි. 

ලී මෝල් සඳහා නිකුත් කර ඇති බලපත්‍රවලට මුවා වී මෙම ජාවාරම් සිදු කෙරෙන අතර, අධික ලෙස සිදුවන ගස් කැපීම් හේතුවෙන් ජල මුලාශ්‍රවලට සහ පරිසරයට විශාල හානියක් සිදුවෙමින් පවතින බව පරිසර විද්‍යාඥයන් පෙන්වා දී තිබෙන බව ද ජනාධිපතිවරයා සඳහන් කළේය.

එබැවින් ජීවිතය මෙන් වන සම්පත ද රැක ගත යුතු බව ජනාධිපතිවරයා අවධාරණය කළේය.

ජනධිපතිවරයා මෙහිදී වැඩිදුරටත් කියා සිටියේ කිසිඳු දේශපාලනඥයෙක් ඡන්ද ඉලක්ක කර ගනිමින් ජාතිවාදය සහ ආගම්වාදය ඇතිවන ආකාරයේ ප්‍රකාශ සිදු නොකළ යුතු බවයි.

මේ වසර අවසානයේ පැවැත්වෙන මැතිවරණය ඉලක්ක කර ගනිමින් අද බොහෝ දේශපාලනඥයන් විවිධ ප්‍රකාශ සිදු කරමින් සිටින අතර, ජාතිවාදයට සහ ආගම්වාදයට ඉඩ සැලසීම අප්‍රේල් 21 වනදා බෝම්බ පුපුරවමින් ත්‍රස්තවාදීන් තැබූ අපේක්ෂා ඉටුකිරීමට සහය වීමක් බව ද කියා සිටියේය.

එබැවින් රට වෙනුවෙන් එකට සිටිමින් සියලූ දෙනා රට වෙනුවෙන් සිය වගකීම් ඉටු කිරීමේ වැදගත්කම ජනාධිපතිවරයා අවධාරණය කළේය.

ජනාධිපතිවරයාගේ උපදෙස් පරිදි ජනාධිපති ලේකම් කාර්යාලය මඟින් දීප ව්‍යාප්තව කි්‍රයාවට නංවා ඇති රට වෙනුවෙන් එකට සිටිමු ව්‍යාපෘතියේ අරමුණ වන්නේ ජනාධිපති කාර්යාලය සහ රජය මඟින් ක්‍රියාවට නංවා ඇති සංවර්ධන සහ සමාජ සුබසාධන වැඩසටහන් කාර්යක්ෂම කරමින් එහි කඩිනම් ප්‍රතිලාභ ජනතාවට ලබා දීමයි. 

මෙතෙක් විසඳුම් නොලැබුණු ජනතාවගේ දීර්ඝකාලීන ගැටලූවලට කඩිනම් විසඳුම් ලබාදීම ද වැඩසටහන හරහා සිදු කෙරේ.

Page 1 of 8