November 17, 2019

ඇමරිකාව සමඟ අත්සන් කිරීමට යෝජිත මිලේනියම් චැලෙන්ජ් කෝපරේෂන් ගිවිසුමට ජනාධිපතිවරණයට පෙර  අත්සන් නොකරන්නැයි ජනාධිපති මෛත්‍රීපාල සිරිසේන මහතා මුදල් අමැති මංගල සමරවීර මහතාට දැනුම් දී තිබේ.

ජනාධිපතිවරයා මුදල් ඇමැතිවරයාට ඊයේ (31) පස්වරුවේ දුරකතනය මගින් මේ බව දැනුම් දී ඇතැයි රජයේ ආරංචි මාර්ග සඳහන් කරයි.

ඇමෙරිකාව සමඟ අත්සන් කිරීමට යෝජිත මිලේනියම් චැලේන්ජ් කෝපරේෂන් ගිවිසුම අත්සන් කිරීමට ජනාධිපති මෛත්‍රීපාල සිරිසේන මහතා අකමැත්ත පලකර තිබුණද ගිය අගහරුවාදා (29) පැවැති කැබිනට් රැස්වීමේදී ඊට අනුමැතිය ලැබී තිබේ.

මේ අතර ජනාධිපතිවරණයට පෙර මිලේනියම් චැලේන්ජ් කෝපරේෂන් ගිවිසුමට අත්සන් කරන බව අගමැති රනිල් වික්‍රමසිංහ මහතාද පෙරේදා පැවැති මාධ්‍ය හමුවකදී ප්‍රකාශ කර තිබේ.

පත්කළ මන්ත්‍රී අතුරලියේ රතන හිමි සහ පාර්ලිමේන්තු මන්ත්‍රීවරුන් වන උදය ගම්මන්පිල හා විමල් වීරවංශ යන මහත්වරුන්ද අද පස්වරුවේ හදිසියේම ජනාධිපති කාර්යාලයට ගොස් ජනාධිපති මෛත්‍රීපාල සිරිසේන මහතා හමුවී මෙම ගිවිසුම අත්සන් කිරීම නවත්වන්නැයි ඉල්ලීමක් කර ඇත.

මෙම ගිවිසුම අත්සන් කිරීමෙන් ඇතිවිය හැකි ගැටලුකාරී තත්ත්වයන් ගැනද ඔවුන් ජනාධිපතිවරයා සමඟ සාකච්ඡා කර තිබිණි.

කෝපරේෂන් මිලේනියම් චැලේන්ජ් ගිවිසුමට කැබිනට් මණ්ඩලයේ අනුමැතිය හිමිවුවද එය ජනාධිපතිවරණයට පෙර අත්සන් නොකරන්නැයි තමා කැබිනට් මණ්ඩලයට දැනුම් දුන් බවද ජනාධිපතිවරයා මන්ත්‍රීවරුන් තිදෙනා සමඟ ප්‍රකාශ කර ඇතැයි වාර්තා වේ.

ඒ අනුව ගිවිසුමේ ජනාධිපතිවරයාට පෙර කිසිම හේතුවක් මත අත්සන් නොකරන්නැයි ජනාධිපතිවරයා මංගල සමරවීර ඇමැතිවරයාට දැනුම් දී ඇත.

ජනාධිපති මෛත්‍රීපාල සිරිසේන මහතා තුන් දින නිල සංචාරයක් සඳහා අද (21) අලුයම කටුනායක ගුවන් තොටුපළෙන් ජපානය බලා පිටත්ව ගියේය. ජනපතිවරයා සමග මෙම සංචාරයට ඔහුගේ පවුලේ සාමාජිකයන් සමග 21 දෙනෙකු එක්විය.

ජපාන නව අධිරාජ්‍යයාගේ කිරුළ පැළදීමේ උත්සවයට එක්වීමට ජනපතිවරයා ජනපති ලෙස මෛත්‍රීපාල සිරිසේන මහතා එක්වන අවසන් නිල සංචාරය මෙම ජපාන සංචාරය බවද කියැවේ.

ජනපතිවරයා ජපානයේ නිල සංචාරයකට එක්වූ තෙවැනි අවස්ථාව මෙය වෙයි.

ජාතික අධ්‍යාපන කොමිෂන් සභාව විසින් සම්පාදනය කරන ලද පෙර පාසල් අධ්‍යාපනය පිළිබඳ ජාතික ප්‍රතිපත්තිය ලබන සතියේ කැබිනට් මණ්ඩලයට ඉදිරිපත් කරන බව ජනාධිපතිවරයා පවසයි.

පෙර පාසල් අධ්‍යාපනය පිළිබඳ ජාතික ප්‍රතිපත්තියක් මෙතෙක් මෙරට සම්පාදනය කර නොතිබූ අතර පූර්ව පාසල් අධ්‍යාපනයේ විධිමත් භාවයක් ඇති කිරීම උදෙසා ජනාධිපතිවරයාගේ මඟ පෙන්වීමෙන් පළමු වරට මෙම ජාතික ප්‍රතිපත්තිය සම්පාදනය කිරීමට පියවර ගැනිණි.

ජනාධිපති මෛත්‍රීපාල සිරිසේන මහතා සහ ආණ්ඩුකාරවරුන් හා පළාත් ප්‍රධාන ලේකම්වරු අතර ඊයේ (18) පෙරවරුවේ ජනාධිපති කාර්යාලයේ පැවති සාකච්ඡාවක දී මෙම කරුණු අනාවරණය කෙරිණි.

ජාතික අධ්‍යාපන කොමිෂන් සභාව විසින් පත් කරන ලද විශේෂ කමිටුවක් මඟින් දේශීය සහ විදේශීය පර්යේෂණ කෘති අධ්‍යයනය කරමින් සහ පූර්ව ළමාවිය සංවර්ධනයට අදාළ සියලූ ආයතන, සංවිධාන සහ පාර්ශ්වයන්ගේ අදහස් හා යෝජනා විමසමින් මෙම ප්‍රතිපත්ති ප්‍රකාශය සකස් කිරීමේ කටයුතු 2018 වසරේ සැප්තැම්බර් මාසයේ දී ආරම්භ කරන ලදී.

දරුවන්ගේ ජීවිතවල තීරණාත්මක අවධියක් වන පූර්ව ළමාවිය සංවර්ධනය වෙනුවෙන් පළමු වතාවට ජාතික ප්‍රතිපත්තියක් හඳන්වාදීමට පියවර ගැනීම පිළිබඳ මෙහිදී සියලූ පළාත් ආණ්ඩුකාරවරු ජනාධිපතිවරයා වෙත සිය ස්තූතිය පළ කළහ.

පළාත් මට්ටමින් පවතින අධ්‍යාපන සහ සෞඛ්‍ය ගැටලූ මෙන්ම පළාත් මට්ටමින් ක්‍රියාත්මක සංවර්ධන ව්‍යාපෘති ඒවායේ ප්‍රගතිය සහ මතුව ඇති ගැටලූ පිළිබඳව ද මෙහිදී දීර්ඝ වශයෙන් සාකච්ඡා කෙරිණි.

එම ගැටලූ පිලිබඳ සාකච්ඡා කරමින් එළැඹිය යුතු ප්‍රතිපත්තිමය තීන්දු තීරණවලට එළැඹිම සඳහා ඉදිරි කැබිනට් මණ්ඩල රැස්වීම්වලට සියලූ ආණ්ඩුකාරුවරුන් සහභාගි කරවා ගැනීමට කටයුතු සළස්වන බව ද ජනාධිපතිවරයා මෙහිදී කියා සිටියේය.

ශ්‍රී ලංකා නිදහස් පක්ෂයේ සියයට 95කට ආසන්න පිරිසක් පක්ෂය පොදුජන පෙරමුණට සහය දීමට ගත් තීන්දුවට විරුද්ධ බව හිටපු ජනාධිපති ශ්‍රීලනිප අනුශාසක චන්ද්‍රිකා බණ්ඩාරනායක කුමාරතුංග මහත්මිය මාධ්‍ය ප්‍රකාශයක් නිකුත් කරමින් සඳහන් කරයි. 

රාජපක්ෂලාට උදව් කිරීමට ශ්‍රීලනිපය ගත් තීන්දුව ගැන තමන් කණගාටු වන බවද එහි සඳහන් වේ. 

තමන්ගේ මුළු ජීවිත කාලයම ශ්‍රීලනිපය ආරක්ෂා කිරීමට කැප කළ බවත් ජනාධිපතිවරයා විසින් පක්ෂය පාවා දී ඇති බවටත් ඇය ඉන් චෝදනා කරයි. 

ඉකුත් ඔක්තෝම්බර් 11 වනදා පැවති ඇල්පිටිය පළාත් පාලන මැතිවරණයේදී ශ්‍රීලනිපය සියයට 13ක ජන්ද ලබා ගැනීමට සමත් විය.

පොදුජන පෙරමුණ සහ ශ්‍රී ලංකා නිදහස් පක්ෂය ඉදිරි ජනාධිපතිවරණයේදී ඒකාබද්ධව කටයුතු කිරීම සම්බන්ධයෙන් යෝජනා සම්මත කර ගැනීම සඳහා පැවැත්වූ ආසන සංවිධායකවරුන්ගේ රැස්‌වීමට ජනාධිපතිවරයා හිටි හැටියේම පැමිණ එහි වාඩි වී කිසිවෙකුත් සමඟ කතා නොකොට එතැනින් ඉවත්ව ගිය බව ඒෂියන් මිරර් වෙත වාර්තා වේ.

කලින් දැනුම්දීමකින් තොරව කිසිවෙකුත් බලාපොරොත්තු නොවූ ආකාරයට ඒ ස්ථානයට ආ ජනාධිපතිවරයා පැමිණ සිටින ආසන සංවිධායකවරුන්ගේ සභාව අමතනු ඇතැයිද , ඉන්පසු ඔවුන් සමඟ දිවා ආහාරයට සහභාගී වෙතැයිද පක්ෂයේ ප්‍රධාන නිලතල දරන්නන් බලාපොරොත්තු වූවද එවැනි කිසිවකට සම්බන්ධ නොවූ ජනපති එතැනින් නික්ම ගොස් තිබේ.

මෙම සිදුවීම දෙස එහි සිටි ශ්‍රීලනිප සංවිධායකවරුන් පුදුමයෙන් මෙන් බලා සිට ඇත. 

මත්ද්‍රව්‍ය ජාවාරමෙන් සිදුවන මහා විනාශය වළක්වා ගැනීමට අඛණ්ඩව නායකත්වය දෙමින් මත්ද්‍රව්‍ය ජාවරම්කරුවන්ට මරණීය දණ්ඩනය ලබාදීමට පවා ජනාධිපති ලෙස අත්සන් තැබුවත් දේශපාලන භේදයකින් තොරව වගකිව යුතු පිරිස් ඊට එරෙහිව නැගී සිටීම හේතුවෙන් එම වැඩපිළිවෙළ සාර්ථක කර ගත නොහැකි වුණා යැයි ජනාධිපති මෛත‍්‍රිපාල සිරිසේන මහතා පැවසීය.
 
ජනාධිපතිවරයා මේ බව සඳහන් කළේ නයිට් නාමයෙන් පිදුම් ලැබු විශේෂඥ වෛද්‍ය සරත් මැල්කම් සමරගේ මහතාට වෙනුවෙන් කොළඹ නාලන්දා  විද්‍යාලයේදි පැවති උපහාර උත්සවයට සහභාගී වෙමිනි.
 
එහිදි තවදුරටත් මෙසේද පැවසීය.
 
"ලංකාවේ මත්ද්‍රව්‍ය උවදුර පිටුදැකීම සඳහා මා ආරම්භ කළ වැඩසටහන් සාර්ථක කැරගැනීමටද ඔහුගෙන් විශාව පිටුවහලක් මගපෙන්විමක් ලැබුණා. මා ජනාධිපතිවරයා ලෙස මත්ද්‍රව්‍ය උවදුරෙන් මේ රටට සිදුවන විනාශය දැක එය රටෙන් තුරන් කිරිමට විශේෂ වැඩසටහනක් ක‍්‍රියාත්මක කළා. කවුරුන් කෙසේ කීවද අප්‍රෙල් 21 පාස්කු දින ප‍්‍රහාරය පිටුපස තිබෙන්නේ මක්ද්‍රව්‍යවලට එරෙහිවිමක් යැයි මම විස්වාස කරනවා. අපි පහුගිය අප්‍රෙල් මාසේදී බක්මහ දිවුරුම ලබාදෙමින් ප‍්‍රතිඥා දුන්නා මත් උවදුර පිටුදකින බවට. අපි ඒ දිව්රුම දුන්නා සේම කාගෙන් විරෝධතා එල්ල වුණත් මත් උවදුරෙන් තරුණ පරපුර විනාශ වීම වළක්වා ගැනීමට පියවර ගත යුතුයි. මොන බාධක ආවත් මතට එරෙහිව අප ගෙන ගිය ව්‍යාපාරය ජයග‍්‍රහණ රැසක් අත්පත් කරගත්තා."

ශ්‍රී ලංකා නිදහස් පක්ෂය හා පොදුජන පෙරමුණ එක්ව කටයුතු කිරීම සඳහා දැනට ගැටලුවක්ව ඇති පොහොට්ටු ලකුණ සම්බන්ධයෙන් ජනාධිපති මෛත්‍රිපාල සිරිසේන මහතා සහ පොදුජන පෙරමුණේ ජාතික සංවිධායක බැසිල් රාජපක්ෂ මහතා අතර විශේෂ හමුවක් පවත්වා තිබේ.

ජනාධිපති නිල නිවසේ පැවති එම හමුව පැයකට අධික කාලයක් පැවති බව වාර්තාවේ.

ජනාධිපතිවරයාත් බැසිල් රාජපක්ෂ මහතාත් හැර වෙනත් කිසිවකුත් ඊට සහභාගි වී නැති බවද දැනගන්නට ඇත.

පොහොට්ටුවේ ලකුණු සම්බන්ධයෙන් මතුව ඇති ගැටලුව එහිදී දීර්ඝ වශයෙන් සාකච්ඡා වී ඇති බවත් එහෙත් අවසන් විසඳුමකට පැමිණ නැති බවත් වාර්තාවේ.

ඉදිරි ජනාධිපතිවරණය සඳහා ශ්‍රී ලංකා පොදුජන පෙරමුණ සමඟ ශ‍්‍රී ලංකා නිදහස් පක්ෂය සන්ධානගත වන්නේ පොදු ලකුණකින් ජනාධිපතිවරණයට ඉදිරිපත්විය යුතු බවට වූ ශ‍්‍රී ලංකා නිදහස් පක්ෂයේ යෝජනාවට එකඟවන්නේ නම් පමණක් බව ජනාධිපති මෛත්‍රීපාල සිරිසේන මහතා පවසයි.

ශ‍්‍රී ලංකා නිදහස් පක්ෂයේ ප‍්‍රතිපත්තියට දර්ශනයට හානිවන හෝ පාක්ෂිකයින්ට අනාගතයක් අහිමිවන කිසිදු වැඩපිළිවෙළකට ශ‍්‍රී ලංකා නිදහස් පක්ෂය එළැඹීමට සූදානම් නොමැති බවද ජනාධිපතිවරයා සඳහන් ඊයේ  (29) පස්වරුවේ කුරුණෑගල පැවැති  ශ‍්‍රී ලංකා නිදහස් පක්ෂ සම්මේලනය අමතමිනි.

ශ‍්‍රී ලංකා නිදහස් පක්ෂය ඉතිහාසයේ ද නොයෙක් අවස්ථාවල පසුබෑමට ලක්වුව ද පක්ෂය කිසිදා මිය නොගියේ එහි ජනතාවාදී වැඩපිළිවෙළ නිසා බවද ජනපතිවරයා සඳහන් කළේය.

ශ‍්‍රී ලංකා නිදහස් පක්ෂය අද දුර්වල වී ඇති බවට කවුරුන් කෙසේ කීව ද ඉදිරි ජනාධිපතිවරයා ලෙස පත්වීමට කුමන අපේක්ෂකයෙකුට වුව ද ශ‍්‍රී ලංකා නිදහස් පක්ෂයේ සහය අවශ්‍ය බව පැවසූ ජනාධිපතිවරයා ඊළග ජනාධිපතිවරයා පත් වන්නේ ශ‍්‍රී ලංකා නිදහස් පක්ෂයේ තීරණය අනුව බව කිසිවෙකු අමතක නොකළ යුතු බව ද අවධාරණය කළේය.

ශ‍්‍රී ලංකා නිදහස් පක්ෂයේ ඉලක්කය වන්නේ අද තිබෙන ආණ්ඩුක‍්‍රම ව්‍යවස්ථාව තුළ ඉදිරියේ දී බලතල නැති ජනාධිපතිවරයෙක් පත් කර ගැනීමට වඩා බලතල ඇති ආණ්ඩුවක් පත් කර ගැනීම සඳහා 2020 දී පාර්ලිමේන්තුවේ බලය ඇල්ලීම බවද ජනපතිවරයා සඳහන් කළේය.

තනිව නොව පෙරමුණු ආණ්ඩුවක් තුළ එම ඉලක්කය ජය ගැනීමට සැලසුම්සහගතව කටයුතු කරන බව අවධාරණය කළ ජනාධිපතිවරයා දූෂිත ප‍්‍රභූ පංතියේ එකතුව විසින් විනාශ කර දමා තිබෙන මාතෘ භූමිය නව මගකට යොමු කරමින් දුෂණයෙන් වංචාවෙන් තොර ප‍්‍රජාතන්ත‍්‍රවාදී නිදහස් සමාජයක් සහ කිසිදු විදේශ බලවේගයකට ගැති නොවන රටක් ගොඩනැ`ගීමට නව ආණ්ඩුවෙන් කටයුතු කරන බව ද කියා සිටියේ ය.

වත්මන් ආණ්ඩුව තුළ අද පවතින ගැටුම අග‍්‍රාමාත්‍යවරයා හා තමා අතර පවතින පුද්ගලික ගැටුමක් නොව දූෂණයට සහ වංචාවට විරුද්ධව තිබෙන ගැටුමක් මෙන්ම අන්ත දූෂිත නව ලිබරල්වාදී දේශපාලන ප‍්‍රතිපත්තියක් සහ ශ‍්‍රී ලංකා නිදහස් පක්ෂයේ බණ්ඩාරනායක ශ‍්‍රීමතාණන්ගේ ජනතාවාදී දේශපාලන ප‍්‍රතිපත්තිය අතර තිබෙන ගැටුමක් බව ද ජනාධිපතිවරයා පෙන්වා දුන්නේ ය.

අග‍්‍රාමාත්‍යවරයා එම ධූරයෙන් ඉවත් කර මහින්ද රාජපක්ෂ මහතා අග‍්‍රාමාත්‍ය ධූරයට පත් කිරීමට තමා කටයුතු කළ ද, ඔවුන් භාරගත් කාර්යය නිසි ලෙස ඉටුකර ගැනීමට ඔවුන්ට නොහැකිවීම තමාගේ ගැටලුවක් නොවන බව ප‍්‍රකාශ කළ ජනාධිපතිවරයා අද මහින්ද රාජපක්ෂ මහතා විපක්ෂ නායක ධූරයේ කටයුතු කරන්නේ ද, පොදුජන පෙරමුණේ මන්ත්‍රීවරු පාර්ලිමේන්තුවේ රැදී සිටින්නේ ද එක්සත් ජනතා නිදහස් සන්ධානයේ මහලේකම්වරයා කථානායකවරයා වෙත ලබාදී ඇති ලිපියෙන් බව ද සිහිපත් කර සිටියේය.

තමන්ට දේශපාලනයෙන් විශ්‍රාම යෑමේ වුවමනාවක් නැතැයි ජනාධිපති මෛත්‍රිපාල සිරිසේන මහතා ඊයේ (28) පොලොන්නරුවේදී ප්‍රකාශ කළේය.

එහිදී ඒ මහතා මෙසේ අදහස් දැක්විය.

“මගේ සෞඛ්‍ය තත්වය බොහොම හොඳයි. ඒ නිසා තව හුඟක් රටට වැඩකරන්න පුලුවන්..“ යැයිද ජනාධිපතිවරයා පැවසීය.

‘පිබිදෙමු පොලොන්නරුව‘ දිස්ත්‍රික් සංවර්ධන වැඩසටහන යටතේ පොලොන්නරුව රෝහල හන්දිය ඉසිපතන පෙදෙසේ අභිනවයෙන් ඉදිකරන ලද ප්‍රජාශාලාව විවෘත කිර’මෙන් අනතුරුව එහි පැවැති උත්සව සභාව අමතමින් ජනාධිපතිවරයා මේ බව පැවැසීය.

එහිදී තවදුරටත් අදහස් දැක්වූ ජනාධිපති මෛත්‍රීපාල සිරිසේන මහතා, “දැන් සමහර අය හිතන්න පුලුවන් හෙට අනිද්දා ජනාධිපති ඡන්දයක් තියෙනවා. එතැන මම ඉල්ලනවයි කියලා දැනුම් දීලා නෑ. ඒකනිසා මේ මනුස්සයා මෙතනින් ඉවරයි කියලා හිතනවා ඇති. ලබන දෙසැම්බර් මාසෙන් පස්සෙ මම තවත් පියවරක් තියනවා. රටේ සංවර්ධනයට වගේම පොලොන්නරුව සංවර්ධනයට අලුත් වාර්තාවක් පිහිටුවන්න..“ යැයි පැවසීය.

අධ්‍යාපනය වෙනුවෙන් කිසිදු රජයක් වැය නොකළ මුදලක් තමා ජනාධිපති ධූරයට පත්වීමෙන් පසුව වැය කළ බව ජනාධිපති මෛත්‍රීපාල සිරිසේන මහතා පවසයි.

ජනාධිපතිවරයා මේ බව සඳහන් කළේ පොළොන්නරුව, කෝට්ටපිටිය සෑගල මහා විද්‍යාලයේ නව බහුකාර්ය ගොඩනැගිල්ල සිසු අයිතියට පවරාදීමේ අවස්ථාවට ඊයේ (23) පෙරවරුවේ එක්වෙමිනි.

විශ්වවිද්‍යාල දරුවන්ගේ අධ්‍යාපනය වෙනුවෙන් වාර්ෂික ව වෙන්කළ මුදල තමන් ජනාධිපති ධුරයට පත්වීමෙන් පසුව ඉහළ නැංවූ බවත් සියලු විශ්වවිද්‍යාලවල පහසුකම් සංවර්ධනය වෙනුවෙන් ද විශාල  මුලක් වැය කළ බවද ජනපතිවරයා පෙන්වා දුන්නේය.

රටේ සමාජ, ආර්ථික ගැටලූ රැසකට විසඳුම් තිබෙන්නේ දරුවන්ට හොඳ අධ්‍යාපනයක් ලබාදී උගතුන් වැඩි වැඩියෙන් රට තුළ බිහි කිරීම මඟින් බවද ජනපතිවරයා මෙහිදී පැවැසීය.

Page 1 of 16