July 06, 2020

ශ්‍රි.ල.නි.ප කළුතර දිස්ත්‍රික්ක නායකයා ලෙස කටයුතු කළ මහින්ද සමරසිංහ මහතාගේ වර්තමාන වැඩපිළිවෙළ පිළිබඳව ශ්‍රී.ල.නි.ප සභාපති හිටපු ජනපති මෛත්‍රීපාල සිරිසේන මහතා දැඩි කනස්සල්ලෙන් පසුවෙන බව එම පක්ෂ ආරංචි මාර්ග සඳහන් කරයි.

2015 අගෝස්තු මහා මැතිවරණයෙන් අන්ත පරාජයක් ලැබූ සමරසිංහ මහතාව ජාතික ලැයිස්තුවෙන් පාර්ලිමේන්තුවට ගෙන ප්‍රබල අමාත්‍ය ධූර රැසක් ලබා දීමටත්, සෑම වර්ෂයකම එක්සත් ජාතින්ගේ සංවිධානයේ මහ සමුළුවට සමරසිංහ මහතාව රජයේ ප්‍රධාන නියෝජිතයෙකු ලෙස සහභාගී කරවීමට මෛත්‍රිපාල සිරිසේන මහතා කටයුතු කරන ලදී.

පසුගිය පාර්ලිමේන්තුව විසුරුවා හැරීමත් සමඟ සමරසිංහ මහතා කළුතර දිස්ත්‍රික්කයේ ශ්‍රී.ල.නි.ප පාක්ෂිකයන් ශක්තිමත් කරනවා වෙනුවට එම පාක්ෂිකයන් පවා දී හෑල්ලුවට ලක් කිරීම පිළිබඳව සිරිසේන මහතා කනස්සල්ලෙන් පසුවෙන බව වාර්තා වෙයි.

ඒ නිසා මේ වන විට සමරසිංහ මහතාව ශ්‍රී.ල.නි.ප යෙන් හා කළුතර දිස්ත්‍රික් නායකත්වයෙන් ද නෙරපා තිබේ.

ජනාධිපති වී සිටි කාලයේ දී මෙන්ම අදටද මාධ්‍ය විසින් ඉලක්ක කර තමන්ට පහර දෙන බව හිටපු ජනාධිපති මෛත්‍රීපාල සිරිසේන මහතා සඳහන් කරයි.

හිටපු ජනාධිපතිවරයා මේ බව කියා සිටියේ පොළොන්නරුවේ දී පැවති රැස්වීමක් අමතමිනි.

තමන්ට එතරම් පහර දෙන්නේ අතු පිරී තිබෙන පලබර ගසක් නිසා යැයිද ඔහු පැවසීය.

තමන්ට පහර දෙන තරමට තමන්ගේ ඡන්ද ප්‍රමාණයද වැඩි වෙන බවද ඔහු පැවසුවේය.

හිටපු ජනාධිපති මෛත්‍රීපාල සිරිසේන මහතා ඇතුළු ශ්‍රී ලංකා නිදහස් පක්ෂ පාක්ෂිකයින් විශාල පිරිසක් මහ මැතිවරණයෙන් අනතුරුව සමගි ජන බලවේගය සමගින් එක්වන බව එක්සත් ජාතික පක්ෂ හිටපු පාර්ලිමේන්තු මන්ත්‍රී චන්දිම ගමගේ මහතා පවසයි.

ඔහු මේ බව සඳහන් කළේ අනුරාධපුර නගරයේදී මාධ්‍ය වෙත අදහස් දක්වමිනි.

ගෝඨාභය රාජපක්ෂ මහතා ජනාධිපති ධුරයට පත්වන තුරු හිටපු ජනපති මෛත්‍රීපාල සිරිසේන මහතාව සිය පර්ශවයේ තබා ගත්තද ඉන්පසුව ඔහුව පලවා ගැනීමට ශ්‍රී ලංකා පොදු ජන පෙරමුණ කටයුතු කරන බවද මන්ත්‍රීවරයා පවසයි.

එම නිසා අවසානයේ සිදු වන්නේ මෛත්‍රීපාල සිරිසේන මහතාට සමගි ජන බලවේගය සමඟ එකතු වීමට බවද මන්ත්‍රීවරයා වැඩිදුරටත් පැවසී ය.

 

 

 

 

තමා පාර්ලිමේන්තු මැතිවරණයට ඉදිරිපත් වන්නේ ජාතික දේශපාලනය වෙනුවෙන් මැදිහත් වීමට නොවන බව හිටපු ජනාධිපති මෛත්‍රීපාල සිරිසේන මහතා පවසයි.

පොළොන්නරුවේ පැවති ජන හමුවකට එක් වෙමින් ඒ මහතා සඳහන් කළේ පාර්ලිමේන්තුවට තේරීපත්වීමෙන් පසුව වුවද තමන් කැප වන්නේ පොළොන්නරුව ජනතාව වෙනුවෙන් බවයි.

පොළොන්නරුවට හිටපු ජනපති මෛත්‍රීපාල සිරිසේන මහතා හා තමා හැර ඊට වඩා වැඩ කළ අයෙක් සිටින බව ඔප්පු කළ හැකි නම් තමා දේශපාලනයෙන් ඉවත් වන බව උතුරු මැද පළාත් හිටපු ප්‍රධාන අමාත්‍ය පේෂල ජයරත්න මහතා පවසයි.

ඉදිරි මහ මැතිවරණය සඳහා ශ්‍රී ලංකා නිදහස් පක්ෂයෙන් තෝරා පත්කර ගන්නා අපේක්ෂකයින් සම්බන්ධයෙන් තීරණය කිරීම සඳහා පක්ෂ මාධ්‍යම කාරක සභාව පක්ෂයේ සභාපති හිටපු ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් රැස්විය.

එය කොළඹ ඩාර්ලි පාරේ පිහිටි පක්ෂ මුලස්ථානයේ දී පැවති අතර එම අවස්ථාවට එක්වීමෙන් අනතුරුව මාධ්‍යයට අදහස් දක්වමින් මේ බව පැවසීය.

මෙහිදී වැඩිදුරටත් අදහස් දැක්වු පේෂල ජයරත්න මහතා පවසා සිටියේ, වෙනම මැතිවරණයට තරග කළහොත් ආසන 25 ක් පමණ ලබා ගත හැකි බවයි.

මධ්‍යම කාරක සභාව විසින් පොදුජන පෙරමුණින් තරග කිරීමට තීන්දු කළ බවත් පැවසු ඒ මහතා, ශ්‍රීලනිපයේ ජයග්‍රහණය වෙනුවෙන් සියලු දෙනා වැඩ කරන බවද කියා සිටියේය.

එජාපය සමඟ කිසිදු අවස්ථාවක ආණ්ඩුවක් සෑදීමට බලාපොරොත්තුවක් නොමැති බවත් පැවසු ඒ මහතා, ජනාධිපතිවරණයේ දී ගත් තින්දුව අනුව ඉදිරියටත් පොදුජන පෙරමුණ සමඟ කටයුතු කරන බවත් පැවසීය.

පොළොන්නරුවේ කිසිදු ගැටළුවක් නොමැති බවත් සමහරුන්ට තමන් ප්‍රශ්නයක් වී ඇතැයි ද පැවසු ජයරතන්න මහතා, පොළොන්නරුවේ කණ්ඩායම් නායකයා වන්නේ ද මෛත්‍රීපාල සිරිසේන මහතා බවත් පොළොන්නරු ජනතාව ඡන්දය ලබා දෙන බවත් කියා සිටියේය.

මහ මැතිවරණයට ශ්‍රී ලංකා පොදුජන පෙරමුණ පක්‍ෂයෙන් පොළොන්නරුව දිස්ත‍්‍රික්කයෙන් තරඟ කිරීම සදහා හිටපු ජනාධිපති මෛත‍්‍රීපාල සිරිසේන මහතා ඊයේ (12) අරලියගහ මන්දිරයේදී නාමයෝජනා පත‍්‍රයට අත්සන් තැබුවේය.
 
නීතීඥ ටිෂාන් මංජුල වෙල්ලාලගේ මහතා ඉදිරියේ හිටපු ජනාධිපතිවරයා නාම යෝජනා පත‍්‍රයට අත්සන් තබා තිබේ.

මීට මාස හතරකට පමණ පෙර පැවති ජනාධිපතිවරණයේදී ගෝඨාභය රාජපක්ෂ මහතාගේ "සෞභාග්‍යයේ දැක්ම" සහය දී එය දැන් විවේචනය කිරීම දේශපාලන වශයෙන් අවාසිදායක තත්වයක් බැවින් එළැඹෙන මහ මැතිවරණයේදී පොදු ජන පෙරමුණ සමග සන්ධානගතව තරග කිරීම වඩා වාසිදායක දේශපාලන උපක්‍රමය බව හිටපු ජනපති, ශ්‍රී ලංකා නිදහස් පක්ෂයේ සභාපති මෛත්‍රීපාල සිරිසේන මහතා ඊයේ(11) එම පක්ෂයේ ආසන සංවිධායකවරුන් හා දිස්ත්‍රික් සංවිධායකවරුන් අමතා ප්‍රකාශ කොට තිබේ.

එම රැස්වීම පැවැත්වීමට පෙර වෙනම රැස්වූ ශ්‍රී ලංකා නිදහස් පක්ෂයේ ආසන හා දිස්ත්‍රික් සංවිධායකවරුන් පිරිසක් එළඹෙන මහ මැතිවරණයේදී වෙනම තරග කළ යුතු බවට යෝජනාවක් සකස් කොට එය මෛත්‍රිපාල සිරිසේන මහතාගේ ප්‍රධානත්වයෙන් පැවැති රැස්වීමේදී ඉදිරිපත් කළ අතර ඊට ප්‍රතිචාර ලෙස සිරිසේන මහතා මෙම අදහස් දක්වා තිබේ.

ශ්‍රී ලංකා නිදහස් පක්ෂයට පොදුජන පෙරමුණේ කුමන විවේචනයක් හෝ අසාධාරණ කමක් සිදු වුවත් එය කැපකිරීමක් සේ සලකා ඔවුන් සමග සිටීමෙන් ජනතාවට පොදුජන පෙරමුණ තමන්ට දක්වන ප්‍රතිචාරය පිළිබඳව අවබෝධයක් ලබා ගැනීමට හැකිවන බවද සිරිසේන මහතා එහිදී සඳහන් කොට ඇත.


මෙවර මහ මැතිවරණයේදී මනාප ලබා දීමේදී ශ්‍රී ලංකා පොදු ජන පෙරමුණේ අපේක්ෂකයන්ට ප්‍රමුඛතාවය ලබා දෙන්නැයි ඇමැති චමල් රාජපක්ෂ මහතා ඉල්ලීමක් කළේය.

හම්බන්තොට දිස්ත‍්‍රික්කයෙන් නාමල් රාජපක්ෂ, ඩී.වී. චානක, අජිත් රාජපක්ෂ, කපිල දිසානායක, ලයනල් සුබසිංහ, උපුල් ගලප්පත්ති සහ තමන් පොහොට්ටුවෙන් ඉල්ලන බවත් උකුස්සාගෙන් තරග වදින්නේ මහින්ද අමරවීර මහතා බවත් ඔහු පැවසීය.

හම්බන්තොට දිස්ත්‍රික්කයේ දී ශ්‍රී ලංකා පොදුජන පෙරමුණ මන්ත්‍රී ධුර පහක් ලබා ගත හැකි බවත් එම පහ තේරීමේදී ශ්‍රී ලංකා පොදුජන පෙරමුණට මුල්කරගෙන සිතන ලෙසත් ඔහු ඉල්ලා සිටියේය.

හම්බන්තොට දී පැවති ජන හමුවක් අමතමින් ඔහු මෙම අදහස් පළ කළේය.

එම වීඩියෝව පහතින්,

ජනපති සමඟ ශක්තිමත් ආණ්ඩුවක් බිහිකිරීම සඳහා මහමැතිවරණයේදී තමන්ගෙන් ඉටුවිය යුතු කාර්යයන් වෙනුවෙන් කැප වන බව හිටපු ජනාධිපති මෛත්‍රීපාල සිරිසේන මහතා පවසයි.

පොළොන්නරුව, බකමූණ ප්‍රදේශයේ පැවති වැඩසටහනකට ඊයේ එක්වෙමින් හිටපු ජනාධිපතිවරයා මේ බව සඳහන් කළේය.

එහිදී වැඩිදුරටත් අදහස් දක්වමින් ඒ මහතා මෙසේ ද පැවසීය.

"පොළොන්නරුව මහරෝහල ඉංජිනේරුවන්ගේ නිර්මාණයක් නෙමෙයි. 2010දී එය ගඳ ගහන තැනක්. මම සෞඛ්‍ය ඇමති වුණාම රෝහල රජයට පවරාගත්තා. පොළොන්නරු මහරෝහල මම සැළසුම් කළා. සෞඛ්‍ය ඇමති කාලයේදී පොළොන්නරුවට සියල්ල දුන්නා. එහෙමයි පොළොන්නරු රෝහල ඉදිවුණේ. බස් හෝල්ට් එකක්වත් හදපු නැති මිනිස්සු අපි මොනාද කළේ අහනවා. මහමැතිවරණයේදී ජනපති සමඟ ශක්තිමත් ආණ්ඩුවකට ඉටුවිය යුතු කාර්යයන් වෙනුවෙන් මම කැපවෙනවා."

සිය ඉදිරි දේශාපාලන ජීවිතය පොළොන්නරුව දිස්ත්‍රික්කයේ ජනතාව වෙනුවෙන් වැය කරන බව හිටපු ජනාධිපති මෛත්‍රීපාල සිරිසේන මහතා පවසයි.

මැදිරිගිරිය ප්‍රදේශයේ පැවති තරුණ කාන්තා ගොවි නියෝජිත හමුවකට එක් වෙමින් හිටපු ජනාධිපතිවරයා මේ බව සඳහන් කළේය.

තමන්ට මාධ්‍ය මඟින් කුමන මඩ ප්‍රහාර එල්ල කළ ද පොළොන්නරු ජනතාව තමන් වැළඳගන්නා බව වැටහෙන බවත්, ඔවුන් තමන් සමඟ සිටින බවත් ඒ මහතා කියා සිටියේය.

පොළොන්නරු ජනතාව පිළිබඳ තමන් විශ්වාසය තබා ඇති බවත් ඉදිරි කාල සීමාව පූර්ණ වශයෙන් පොළොන්නරුව වෙනුවෙන් කැප කරන බවත් ඒ මහතා පැවසීය.

Page 1 of 21