February 29, 2020

ශ්‍රී ලංකා නිදහස් පොදුජන පෙරමුණු සන්ධානයේ අභිනව සභාපති මෛත්‍රිපාල සිරිසේන මහතා වත්මන් ජනපති ගෝඨාභය රාජපක්ෂ මහතාට උපදෙස් ලබා දීම ආරම්භ කර තිබේ.

මේ රටේ ජනතාව පසුගිය ජනාධිපතිවරණයේදී 69 ලක්ෂයක් ජන්ද ලබා දෙමින් ගෝඨාභය රාජපක්ෂ මහතාට විශිෂ්ඨ ජයග්‍රහණයක් ලබා දුන්නද ඔහුට සිය ධුරයේ වැඩ කටයුතු කරගෙන යාමට ශක්තිමත් පාර්ලිමේන්තුවක් අවශ්‍ය බව සිරිසේන මහතා පෙන්වා දෙයි. 

තමන් ජනාධිපතිවරයාව සිටියදී ශක්තිමත් පාර්ලිමේන්තුවක් නොමැති කමේ ගැටලුවට මුහුණ පෑ බවද හිටපු ජනාධිපතිවරයා පෙන්වා දෙයි.

2015 ජනවාරි 08 ජනපති වීමෙන් පසුව එජාපයේ සිටි මන්ත්‍රීවරු 46 දෙනාට එජනිස මන්ත්‍රී කණ්ඩායමක් එක් කොට පාර්ලිමේන්තුවේ තුනෙන් දෙකක බලයක් ලබා දී 19 වන ආණ්ඩුක්‍රම ව්‍යවස්ථා සංශෝධනය ගෙන ඒමට කටයුතු කලේද තමන්ට බලයක් නොතිබුණු බව කියන සිරිසේන මහතා වීම විශේෂත්වයකි. 

මොලේ කළදක් තියෙන කිසිවෙක් රාජපක්ෂලාට ජන්දය දෙන්නේ නැති බව ශ්‍රී ලංකා නිදහස් පොදුජන පෙරමුණු සන්ධානයේ අභිනව සභාපති මෛත්‍රිපාල සිරිසේන මහතා සඳහන් කරයි.

මහින්ද රාජපක්ෂ මහතා ජනාධිපතිවරයාව සිටියදී රජාට, රැජිනට, කුමාරයට, යුව රජුට, යුව රැජිනට ගිලන් රථ ලබා දෙන ලෙස සෞඛ්‍ය ඇමතිව සිටි තමාට නියෝග ලැබුණු බවද සිරිසේන මහතා පෙන්වා දෙයි. 

රාජපක්ෂ පාලන සමයේ මෙරට පුරවැසියන්ගෙන් ලක්ෂ 100කට පමණ තුන්වේල කෑමේ හැකියවාක් නොතිබූ බවද සිරිසේන මහතා ප්‍රකාශ කරයි. 

සිරිසේන මහතා මෙම අදහස් පළ කර තිබුනේ මිට ටික කාලයකට පෙරය. 

හිටපු ජනාධිපති මෛත්‍රීපාල සිරිසේන මහතාට පොහොට්ටුවෙන් ජන්දය ඉල්ලීමට රෙද්දක් ඇඳගෙන පුළුවන්කමක් නැතැයි එක්සත් ජාතික පක්‍ෂයේ පොලොන්නරුව දිස්ත්‍රික් පාර්ලිමේන්තු මන්ත්‍රී සිඞ්නි ජයරත්න මහතා පවසයි.

පොහොට්ටුව කියා පක්‍ෂයක් හැදුවොත් ඒ අය පාරේ ඇවිද්දවන බව එකල හිටපු ජනාධිපතිවරයා පැවැසූ බවත් අද ඒ ගැන ඔහු කොතරම් ලජ්ජා වියයුතු යැයිද හෙතෙම කීවේය. මන්ත්‍රීවරයා මේ බව ප්‍රකාශ කලේ ඊයේ (19) මින්නේරියේදී මාධ්‍ය හමුවක් පවත්වමිනි.

එහිදී තවදුරටත් අදහස් දැක්වූ සිඞ්නි ජයරත්න මහතා මාර්තු මාසයේදී රජය විසුරුවා හැර පැවැත්විමට නියමිත මහ මැතිවරණය සඳහා සජිත් ප්‍රේමදාස මහතාගේ නායකත්වය යටතේ හංසයා ලකුණෙන් තරඟ වදින බවත් අද ගම්වල ජයග්‍රහණයේ පැහැදිලි මාවතක් දකින්නට තිබෙන බවද කීය.
 
එයට හේතුව පවතින රජය අප්‍රසාදයට පත්වීම බවත් විශේෂයෙන්ම මේ ගොවිතැන් කරන ප්‍රදේශවල සල්ලිවලටවත් ගන්න අද පොහොර ටිකක් නැතැයිද දැන් පොහොර යොදන කාලයද ඉක්ම ගොස් තිබෙන බවත් පැවැසීය.

“දැන් වීවලට පොහොර යොදන කාලේ පහු වෙලා. නියමිත වෙලාවට පොහොර ටික ලැබිලා නෑ. අස්වැන්න හොඳටම  අඩුවෙන මට්ටමක් දැනට පවතිනවා. ඒ වගේම වී මිල හොඳටම අඩුවෙලා තිබෙනවා.වෙනදා මේ කාලේ වෙනකොට නාඩු කිලෝ එකක් රුපියල් 45කට,50කට ආසන්න වෙනවා.දැන් නාඩු කිලෝ එකක් රුපියල් 35ට බැහැලා.කීරි සම්බා කිලෝ එකක් වෙනදා රපියල් 55ක් 60ක් වෙනවා. මේ වෙනකොට රුපියල් 45ට බැහැලා.වී ටික හරියට දෙන්න බැරි තත්වයක් උදාවෙලා තියෙනවා.ඒ වගේම රජයේ සේවකයින්ගේ පැත්තෙන් ගත්තම රාජ්‍ය නිලධාරින්ගෙන් පලිගැනීම වැඩිවෙලා තිබෙනවා. අපේ දිස්ත්‍රික්කයේ දිස්ත්‍රික් ලේකම්වරයා මාරු කලා.ඒ වගේම ජ්‍යෙෂඨ පොලිස් අධිකාරීවරයා මාරුකලා.අපේ දිස්ත්‍රික්කයේ ඉන්න පොලිස් ස්ථානාධිපතිවරු මාරු කරනවා.අනෙක් නිලධාරීන් මාරු කරනවා.රජයේ නිලධාරීන්ට අපේ කාලයේ තිබුණු නිදහසේ වැඩ කිරීමේ අයිතිය අද නැතිවෙලා තිබෙනවා. රජයේ නිලධාරීන් අද භීතියෙන් ඉන්නවා.ඔවුනට ලැබෙන වැටුප් අඩු වෙලා තිබෙනවා.විශ්‍රාමිකයින්ගේ වැටුප අඩුවෙලා.මේ නිසා අද පොහොට්ටුවට ජන්දෙ දිපු කෙනෙක් ගම්වල හොයාගන්න බැරි තත්වයට පත්වෙමින් තිබෙනවා.”

මම හිටපු නායකයන් සමඟ නැවත ආණ්ඩුවක් පිහිටුවන්න මැතිවරණ කරන්නේ නැතැයි තීන්දු කලේ 2011 අගෝස්තු මාසයේදී බව හිටපු ජනපති, ශ්‍රී ලංකා නිදහස් පොදුජන සන්ධානයේ සභාපති මෛත්‍රිපාල සිරිසේන මහතා පවසා තිබේ. 

ඔහු මේ අදහස් පළ කලේ ජනාධිපතිවරයා වීමෙන් පසු පැවති උත්සවයක් අමතමිනි.

ඔහු එහිදී හිටපු නායකයන් ලෙස සඳහන් කලේ මහින්ද රාජපක්ෂ, බැසිල් රාජපක්ෂ යන මහත්වරුන් ඇතුළු ආණ්ඩුවේ සිටි ප්‍රධානින්ය. 

සිරිසේන මහතා එදා එසේ ප්‍රකාශ කළද එළඹෙන මහ මැතිවරණයේදී මහින්ද රාජපක්ෂ මහතාගේ නායකත්වයෙන් යුත් සන්ධානයකින් ආණ්ඩුවක් පිහිටුවීමට පොළොන්නරුවේ ජන්දය ඉල්ලීමට සුදානමින් සිටියි. 

ශ්‍රී ලංකා නිදහස් පොදුජන සන්ධානයේ සභාපති ධුරය හිටපු ජනපති මෛත්‍රිපාල සිරිසේන මහතාට ලබා දීම පිළිබඳව පොදුජන පෙරමුණේ ඇමතිවරු හා මන්ත්‍රීවරුන් අති බහුතරයකගේ විරෝධය එල්ල වී තිබෙන බව වාර්තා වේ.

අග්‍රාමාත්‍ය මහින්ද රාජපක්ෂ මහතා සමග ශ්‍රී ලංකා නිදහස් පක්ෂ නියෝජිතයින් ඊයේ (17) පැවති රැස්වීමකින් අනතුරුව සිරිසේන මහතා නව සන්ධානයේ සභාපතිවරයා ලෙස පත් කිරීමට දෙපාර්ශවය එකඟ වී තිබේ.

සිරිසේන මහතාම නියෝජනය කරන පොලොන්නරුව දිස්ත්‍රිකක්යේ රොෂාන් රණසිංහට අමතර ප්‍රසන්න රණතුංග, ෂෙහාන් සේමසිංහ, කාංචන විජේසේකර, දිලුම් අමුණුගම යන මන්ත්‍රීවරුන් ප්‍රසිද්ධියේම සිරිසේන මහතාට විරෝධය දක්වන්නන් වේ. 

ඊට අමතරව පොදුජන පෙරමුණ සන්ධානයේ විමල් විරවංශ සහ උදය ගම්මන්පිල යන මහත්වරුන් හැරුණු කොට අති බහුතරයක් මන්ත්‍රීවරු සිරිසේන මහතාට සභාපතිත්වය දීම සම්බන්ධයෙන් සිටින්නේ දැඩි කණස්සල්ලෙනි. 

කිසිදු විශ්වාසයක් තැබිය නොහැකි මෛත්‍රීපාල සිරිසේන මහතා සමඟ එක සන්ධානයකින් තරඟ කරන්නේ කෙසේ දැයි යන ප්‍රශ්නය පොදුජන පෙරමුණේ බොහෝ මන්ත්‍රීවරුන් නගමින් සිටියි. 

තමන් නැවත වරක් මහ මැතිවරණයට ඉදිරිපත්වන්නේ අද වන විට රට තුළ මතුව ඇති ජනතා ගැටලු විසදීම සඳහා බව හිටපු ජනාධිපති මෛත්‍රීපාල සිරිසේන මහතා පවසයි.

පොළොන්නරුවේ පැවති ජන හමුවකට එක්වෙමින් හිටපු ජනාධිපතිවරයා මේ බව සඳහන් කළේය.

ශ්‍රි ලංකා නිදහස් පක්ෂයේ නායකයාට පොළොන්නරුව දිස්ත‍්‍රික්කයේ ජනතාවගේ කැමැත්ත කොතෙක්ද යන්න උරගා බැලිම සදහා හැකිනම් එළෙඹෙන මහ මැතිවරණයේදි එතුමාගේ පක්ෂය ජයග‍්‍රහණය කර පෙන්වන ලෙසට ශ‍්‍රී ලංකා පොදුජන පෙරමුණේ පොළොන්නරු පාර්ලිමේන්තු මන්ත්‍රි  මහවැලි සංවර්ධන රාජ්‍ය අමාත්‍ය රොෂාන් රණසිංහ මහතා අභියෝගයක්ද සිදු කළේය. 

ශ්‍රී ලංකා පොදුජන පෙරමුණ සහ ශ්‍රී ලංකා නිදහස් පක්ෂය එක්ව පිහිටුවන ශ්‍රී ලංකා නිදහස් පොදුජන සන්ධානයේ නායකත්වයට අග්‍රාමාත්‍ය මහින්ද රාජපක්ෂ මහතා සහ සභාපති ධුරයට හිටපු ජනාධිපති මෛත්‍රීපාල සිරිසේන මහතා පත්වී සිටියි.

හිටපු අමාත්‍ය බැසිල් රාජපක්ෂ මහතා එහි ලේකම්වරයායි. ජාතික නිදහස් පෙරමුණේ නායක අමාත්‍ය විමල් වීරවංශ මහතා සහ ශ්‍රී ලංකා නිදහස් පක්ෂයේ මහලේකම් - රාජ්‍ය අමාත්‍ය දයාසිරි ජයසේකර මහතා එහි ජාතික සංවිධායකවරුන් ලෙස නම් කර තිබේ.

ශ්‍රී ලංකා නිදහස් පොදුජන සන්ධානයේ ලාංඡනය වන්නේ පොහොට්ටුවයි.

නව සන්ධානය මැතිවරණ කොමිෂන් සභාවේ ලියාපදිංචි කිරීම සඳහා අද දිනයේ ලිපිලේඛන භාරදුන් බව නිදහස් පක්ෂ මහලේකම් දයාසිරි ජයසේකර මහතා කියා සිටියේය.

ඉදිරි මහමැතිවරණයේදී පොදුජන පෙරමුණ එක්ව ශ්‍රී ලංකා නිදහස් පක්ෂය තරග කිරීම සඳහා සාකච්ඡා කර තීරණයකට එළැඹුණු බව හිටපු ජනාධිපති මෛත්‍රීපාල සිරිසේන මහතා පවසයි. 

සහය දක්වන සියලුම පක්ෂ එකතු වී සකච්ඡා කර එක් තීරණයකට පැමින අවසන් බවද හිටපු ජනාධිපති මෛත්‍රීපාල සිරිසේන මහතා පැවසීය.

රට තුල තිබේන ප්‍රශ්න විසදා ගැනීම සඳහා  අලුත් පාර්ලිමේන්තුවක සැදීම සඳහා වත්මන් ජනාධිපතිවරයාට සහය ලබා දෙන බවද ඒ මහතා වැඩිදුරටත් ප්‍රකාශ කළේය.

ඉදිරි මැතිවරණයේදී පොළොන්නරුව දිස්ත්‍රික්කයෙන් ශ්‍රී ලංකා නිදහස් පක්ෂයෙන් තනිව තරග කිරීමට සලස්වන ලෙස ඉල්ලා සිටින බව ශ්‍රී ලංකා පොදු ජන පෙරමුණේ පාර්ලිමේන්තු මන්ත්‍රී රාජ්‍ය ඇමති රොෂාන් රණසිංහ මහතා පවසයි.

ඒ සඳහා කටයුතු කරන ලෙස තමන් මහින්ද රාජපක්ෂ අගමැතිතුමාගෙන් සහ බැසිල් රාජපක්ෂ මහතාගෙන් ඉල්ලා සිටින බවද ඔහු කියා සිටියේය.

සමීක්ෂණ අනුව ශ්‍රී ලංකා නිදහස් පක්ෂය තනිව තරග රටෙන්ම දිනාගත හැක්කේ ආසන හතරක් පමණක් යයිද ඔහු සඳහන් කළේය.

පොළොන්නරුවේ දී මාධ්‍ය අමතමින් ඔහු මේ බව කියා සිටියේය.

පොදුජන පෙරමුණ ශ්‍රී ලංකා නිදහස් පක්ෂය හා අනෙකුත් දේශපාලන පක්ෂ එකට ගොඩනගන සන්ධානයේ සම නායකකම ඉල්ලු හිටපු ජනපති මෛත්‍රිපාල සිරිසේන මහතාට සම ජාතික සංවිධායකකමක් දීමට පොදුජන පෙරමුණ එකඟ වී තිබේ. 

ශ්‍රී ලංකා නිදහස් පක්ෂයේ සභාපතිවරයා වන මෛත්‍රීපාල සිරිසේන මහතාට අමතරව බැසිල් රාජපක්ෂ මහතාද සම ජාතික සංවිධායකවරයෙකු ලෙස පත් වීමට නියමිතය. 

Page 1 of 19