July 09, 2020

කිසිඳු ආකාරයක ඉන්ධන හෝ ගෑස් හිඟයක් ඇති නොවන බව අමාත්‍ය මහින්ද අමරවීර මහතා පවසයි.

හම්බන්තොට ප්‍රදේශයේදී ඊයේ (28) මාධ්‍යයට අදහස් දක්වමින් අමාත්‍යවරයා මේ බව සදහන් කළේය. 

මේ අතර අමාත්‍ය මහින්ද අමරවීර මහතා වැඩිදුරටත් පවසා සිටියේ, පවතින තත්ත්වය හමුවේ විදුලි අර්බුදයක් ද ඇති නොවන බවයි.

හෝමාගම, මහරගම, කලවාන ඇතුළු ශ්‍රී ලංකා ගමනාගමන මණ්ඩලයේ ඩිපෝ රැසක රියැදුරන් හා කොන්දොස්තරවරුන් අද සවස් වන විට බස්රථ ඩිපෝ වල දමා නිවෙස් වලට ගොස් තිබේ.

මේ සම්බන්ධයෙන් ඒෂියන් මිරර් අප හෝමාගම ඩිපෝවෙන් කළ විමසීමකදී ඒ බව තහවුරු කරන ලදී.

මේ සම්බන්ධයෙන් ඒෂියන් මිරර් අප ප්‍රවාහන අමාත්‍ය මහින්ද අමරවීර මහතාගෙන් කළ විමසීමකදී ඒ මහතා සඳහන් කළේ තමන් ඒ පිළිබඳව නොදන්නා බවත්, තමන් එවැනි උපදෙස් උපදෙසක් දී නොමැති බවත්, වහාම අත්‍යවශ්‍ය බස්රථ පමණක් යළි ධාවනයේ යෙදවීමට කටයුතු කරන බවත්ය.

ඉන් පසු යළිත් මහින්ද අමරවීර අමාත්‍යවරයාගෙන් මේ ගැන අපි කළ විමසීමකදී ඔහු සඳහන් කළේ ලංගම බස් රථ ධාවනයට උපදෙස් දී ඇති බවත් බස් රථ දමා ගෙදර ගිය අය ගැන පරීක්ෂණ කරන බවත්ය.

සේවකයන්ට බියක් තිබෙන බව සැබෑවක් මුත් එසේ බස් රථ දමා ගෙදර යෑම මගීන්ට කරන අසාධාරණයක් බවත් ඔහු වැඩිදුරටත් සඳහන් කළේය.

මේ සම්බන්ධයෙන් අපි හෝමාගම ඩිපෝවෙන් යළිත් කළ විමසීමකදී එහි ප්‍රකාශකයෙකු සඳහන් කළේ යළිත් බස් රථ ධාවනයට උපදෙස් ලැබුණු බවයි.

යම් පිරිසක් ඉන්ධන සඟවා කෘති‍්‍රම හිඟයක් මවා පෑමට කටයුතු කරමින් සිටින බවත්, මේ වන විට ඇතැම් ඉන්ධන අලෙවිසැල් ඉදිරිපිට වාහන පෝලිම් ඇති බවටත් විදුලි බල හා බලශක්ති අමාත්‍යාංශයට වාර්තා වී ඇත.

නමුත් මේ වන විට දිවයිනේ කිසිදු ඉන්ධන හිගයක් නොමැති අතර අති  විශාල ඉන්ධන තොග ලංකා ඛණිජ තෙල් නීතිගත සංස්ථාව සතුව පවතින බව එම අමාත්‍යාංශය පවසයි.

කිසියම් අයෙක් ඉන්ධන සඟවා තබා ගනිමින්, ඉන්ධන හිඟයක් මවා පෑමට කටයුතු කරන්නේනම් ඔවුන්ගේ ඉන්ධන බලපත‍්‍රය වහාම අහෝසි කරන ලෙස විෂයභාර අමාත්‍ය මහින්ද අමරවීර මහතා අමාත්‍යාංශයේ නිලධාරින්ට උපදෙස් ලබා දී ඇත.

එමෙන්ම ඉන්ධන හිඟයක් පිළිබදව අනවශ්‍ය බියක් ඇති කර නොගන්නා ලෙසත් කිසිදු හිඟයකින් තොරව ඉන්ධන ලබා දීමට අවශ්‍ය තොග ලංකා ඛණිජ තෙල් සංස්ථාව සතුව පවතින බවත් විදුලි බල හා බලශක්ති අමාත්‍යාංශය පවසයි.

Image may contain: text

මෙවර මහ මැතිවරණයේදී මනාප ලබා දීමේදී ශ්‍රී ලංකා පොදු ජන පෙරමුණේ අපේක්ෂකයන්ට ප්‍රමුඛතාවය ලබා දෙන්නැයි ඇමැති චමල් රාජපක්ෂ මහතා ඉල්ලීමක් කළේය.

හම්බන්තොට දිස්ත‍්‍රික්කයෙන් නාමල් රාජපක්ෂ, ඩී.වී. චානක, අජිත් රාජපක්ෂ, කපිල දිසානායක, ලයනල් සුබසිංහ, උපුල් ගලප්පත්ති සහ තමන් පොහොට්ටුවෙන් ඉල්ලන බවත් උකුස්සාගෙන් තරග වදින්නේ මහින්ද අමරවීර මහතා බවත් ඔහු පැවසීය.

හම්බන්තොට දිස්ත්‍රික්කයේ දී ශ්‍රී ලංකා පොදුජන පෙරමුණ මන්ත්‍රී ධුර පහක් ලබා ගත හැකි බවත් එම පහ තේරීමේදී ශ්‍රී ලංකා පොදුජන පෙරමුණට මුල්කරගෙන සිතන ලෙසත් ඔහු ඉල්ලා සිටියේය.

හම්බන්තොට දී පැවති ජන හමුවක් අමතමින් ඔහු මෙම අදහස් පළ කළේය.

එම වීඩියෝව පහතින්,

පවතින වියළි කාලගුණ තත්ත්වය හේතුවෙන් ඉදිරියේදී විදුලි අර්බුදයකට මුහුණ දීමට සිදු වන බව විදුලිබල හා බලශක්ති අමාත්‍ය මහින්ද අමරවීර මහතා පවසයි.

එහෙත් කිසිවිට විදුලි කප්පාදුවක් සිදු කිරිමට උත්සහ නොගන්නා බව අමාත්‍යවරයා පවසයි. 

කෙරවලපිටිය විදුලි බලාගාරයේ නිරික්ෂණ චාරිකාවට එක්වීමෙන් අනතුරුව මාධ්‍ය වෙත අදහස් දක්වමින් මහින්ද අමරවීර අමාත්‍යවරයා මේ බව කියා සිටියේය.

මහනුවර නගරාසන්නව දිනපතා පවතින දැඩි වාහන තදබදය අවම කිරීම සඳහා මහනුවර තදාසන්න දුම්රිය මාර්ග ව්‍යාපෘතියේ ඉදිකිරීම් කටයුතු කඩිනම් කිරීමට තීරණය කර ඇත.

ප්‍රවාහන අමාත්‍යාංශයේදී මෙම ව්‍යාපෘතිය පිළිබඳව සාකච්ඡාවක් පැවති අතර මහනුවර තදාසන්න දුම්රිය මාර්ග ව්‍යාපෘතිය ඉදිකිරීම් කටයුතු කඩිනමින් ආරම්භ කිරීමට එහිදී තීරණය කර ඇත.

විදුලිබල හා බලශක්ති, ප්‍රවාහන සේවා කළමනාකරණ අමාත්‍ය මහින්ද අමරවීර, රාජ්‍ය අමාත්‍ය දිලුම් අමුණුගම, පාර්ලිමේන්තු මන්ත්‍රී සරත් අමුණුගම යන මහත්වරු මේ සඳහා සහභාගී වී ඇත.

මෙම දුම්රිය ව්‍යාපෘතිය අනුව ඉදිකෙරෙන මහනුවර තදාසන්න දුම්රිය මාර්ගය ශ්‍රී ලංකාවේ ඉදි කෙරෙන ප්‍රථම විදුලි දුම්රිය මාර්ගය වේ.

ඒ අනුව මෙම දුම්රිය මාර්ගය රඹුක්කන සිට කඩුගන්නාව දක්වාත්, කඩුගන්නාවේ සිට මහනුවර හරහා කටුගස්තොට දක්වාත් ද්විත්ව මාර්ගයක් ඔස්සේ දුම්රිය ධාවනය කිරීමට පහසුකම් සැලසේ.

එමෙන්ම කඩුගන්නාවේ සිට ගම්පොළ දක්වා දීර්ඝවන දුම්රිය මාර්ගය නාවලපිටිය දක්වාත් දීර්ඝ කරන ලෙසත්, එමෙන්ම කුණ්ඩසාලේ ප්‍රදේශයද ආවරණය වන පරිදි ඉදිකිරීම් කරන ලෙසත් අමාත්‍ය මහින්ද අමරවීර මහතා විසින් උපදෙස් දුන්නේය.

මහනුවර ගුඩ්ෂෙඩ් බස් නැවතුම්පොළ හා ඒ අවට ප්‍රදේශය ප්‍රවාහන මධ්‍යස්ථානයක් ලෙස සංවර්ධනය කෙරෙන අතර ශ්‍රී දළදා වහන්සේ වැඩ සිටින දළදා මාළිඟාව ඉක්මවන තෙක් කටුගස්තොට දෙසට කිලෝමීටර් එක හමාරක් දුරට භූගත උමං මාර්ගයක් ඔස්සේ මෙම තදාසන්න දුම්රිය මාර්ගය ඉදි කිරීමට යෝජිතය.

සමස්ත ව්‍යාපෘතියම කොන්ක්‍රීට් කුළුණු මත ඉදිකිරීමට නියමිත අතර දැනට තිබෙන දුම්රිය මාර්ගයට ඉහලින් මෙම දුම්රිය මාර්ගය ඉදි කෙරේ. 

රටේ තීන්දු තීරණ ගනු ලබන්නේ දෙමළ ජාතික සන්ධානයේ හෝ දෙමළ ඩයස් පෝරාවේ අවශ්‍යතාව පරිදි නොවන බව අමාත්‍ය මහින්ද අමරවීර මහතා පවසයි.

අමාත්‍යවරයා පෙන්වාදෙන්නේ වර්තමානයේ දෙමළ ජාතික සන්ධානයේ ඇතැම් ප්‍රකාශ තුළින් රටේ ජාතික සමගියට බලපෑම් එල්ල වන බවයි. 

මෙහිදී වැඩිදුරටත් අදහස් දැක්වු ඒ මහතා පවසා සිටියේ, දෙමළ සන්ධානය හා ඩයස් පෝරාව මේ වන විට කලබල වී ඇති බවයි.

දෙමළ ඩයස්පොරෝවට අද වන විට අවශ්‍යව ඇත්තේ යුද්ධයක් බවත් පැවසු අමාත්‍යවරයා, ඒ තුළින් ඔවුන්ට මුදල් එකතු කර ගැනීමට හැකි බවත් පැවසීය.

ඩයස්පෝරාවට හෝ සම්බන්ධන්ට අවශ්‍ය පරිදි නොව තීන්දු ගනු ලබන්නේ, සිංහල, මුස්ලිම් හා දෙමළ යන ශ්‍රී ලංකීකයන්ට අවශ්‍ය පරිදි බවත් කියා සිටි අමාත්‍යවරයා,  අභියෝග හඳුනා ගෙන රට ඉදිරියට ගෙන යන බවත් කියා සිටියේය.

නායකයෝ හොරකම් කරන්නේ නැත්නම් ගෝලයො හොරකම් කරන්න බය වෙනවා. නායකයෝ හොරකම් කරනවා නම් ගෝලයෝ බය නැතුව හොරකම් කරනවා යැයි මගී ප්‍රවාහන කළමණාකරන, විදුලිබල සහ බලශක්ති අමාත්‍ය මහින්ද අමරවීර මහතා ඊයේ (14) පැවසීය.

අමාත්‍ය මහින්ද අමරවීර මහතා මෙසේ පැවසූයේ අඟුණකොළපෑලැස්ස කලවැල්වල ප්‍රදේශයේදී පැවැති උදලු තල සහ පැළ ලබා දීමේ වැඩසටහනකට එක්වෙමිනි. 

වැඩිදුරටත් අදහස් දක්වමින් අමාත්‍යවරයා මෙසේද කීවේය.

‘‘මට විශාල වගකීම් රාශියක් තිබෙනවා. මගේ මේ එක් ආයතනයක් අක්‍රීය වුණොත් මුළු රටම අක්‍රීය වෙනවා. මට වගකීමක් තිබෙනවා ප්‍රශ්න නොමැතිව මේවා පාලනය කරන්න. පාඩු ලබන සියලු ආයතන වසර තුනක් ඇතුළත ලාභ ලබන ආයතන බවට පත්කරනවා. ලංගමයේ පාඩු ලබන ආයතන ප්‍රමාණය අඩුවෙලා තිබෙනවා. මාස දෙකක් ඇතුළත මේ සියල්ලම ලාභ ලබන ආයතන බවට පත්කරනවා. කරන්න බැරි දෙයක් නැහැ. කැපකිරීමයි ඕනෑ. මේ අවුරුද්ද ඇතුළත අපි සංවර්ධන වැඩකටයුතු සියල්ල අවසන් කරනවා. ඊළඟට තිබෙන ප්‍රශ්න අපි දන්නවා. රැකියා, කර්මාන්ත, නිවාස ආධාර ආදිය අපෙන් බලාපොරොත්තු වෙනවා. අපේ පැත්තෙන් ලබා දිය හැකි සහයෝගය අපි ලබා දෙනවා. සෑම ගෙදරකටම රුපියල් 40,000 පමණ ආදායමක් එන ආකාරයේ වැඩපිළිවෙලක් සකස් කිරීමයි. මේ කාලෙට සමහරු ඕනෑ තරම් පොරොන්දු දෙනවා. කිසි දෙයක් නොකළාට පොරොන්දු දුන්නාම ඒවාට සමහරු රැවටෙනවා. ඡන්දයක් තිබෙනකොට අපේ ජනතාව රැවටෙනවා. ඕනෑම මොහොතක ඡන්දයක් ඒමේ හැකියාවක් තිබෙනවා.

ඡන්දය ගැන දැන් ජනතාවගේ එතරම් උනන්දුවක් නැහැ. මේ රටේ ජනතාව වැඩියෙන්ම උනන්දු වුණේ ගෝඨාභය මහත්තයා ඉදිරිපත් වුණ මැතිවරණයයි. පිටරටින් පවා ඇවිත් එතුමාට ඡන්දය දුන්නා. මීළඟට තිබෙන අභියෝගය මේ අයගේ ඡන්දය ලබා ගැනීමේ වැඩපිළිවෙලක් තිබේද යන්නයි. ගෝඨාභය මහත්තයාගේ ජනප්‍රියභාවය නැතිවෙලා නැහැ. එතුමා හිතුවාටත් වඩා හොඳින් රට පාලනය කරනවා. මඩ ගැසීම, චරිත ඝාතනය කිරීම දැන් සාමාන්‍ය ස්වරූපයක් බවට පත්වෙලා. මෙය වෙනස් කරන්නයි අපි බලාපොරොත්තු වුණේ. මනාප නැති ඡන්ද ක්‍රමයක් එනවා නම් මොන තීන්දුවක් මට ආවත් අනිවාර්යෙන් මම ඡන්දය පාවිච්චි කරනවා. මනාප ඡන්දය හේතුවෙන් ගම් බෙදෙනවා. එහෙම වුණාම මිනිස්සුන්ට දේශපාලනය කළකිරෙනවා.‘‘ යැයි ඒ මහතා පැවසීය.

 

ඉදිරියේ දී මේ රටේ කිසිදු විදුලිබල කප්පාදුවක් සිදු නොවන බව විදුලිබල හා බලශක්ති අමාත්‍ය මහින්ද අමරවීර මහතා ඊයේ (13) අවධාරණය කළේය.

ඊයේ (13) පෙරවරුවේ ඉන්දීය මහකොමසාරිස් කාර්යාලය විසින් සංවිධානය කරන ලද පුණර්ජනනීය විදුලිබලය සම්බන්ධව පවත්වන ලද ජාතික සමුළුව කොළඹ ටාජ් සමුද්‍ර හෝටලයේ දී පැවැත්විනි.

ඊට ප්‍රධාන ආරාධිතයා වශයෙන් විදුලිබල හා බලශක්ති , ප්‍රවාහණ සේවා කළමණාකරණ අමාත්‍ය මහින්ද අමරවීර මහතා සහභාගි විය. එමෙන්ම ශ්‍රී ලංකාවේ වැඩබලන ඉන්දීය මහකොමසාරිස් විනෝද් කේ ජාකොබ් මහතා ඇතුලු පිරිසක් මෙම අවස්ථාවට සහභාගි වූහ.

මෙහිදී මාධ්‍ය ඇමතූ අමාත්‍යවරයා පවසා සිටියේ මෙම දිනවල පවතින දැඩි නියග තත්ත්වය සමග ජලවිදුලිය නිෂ්පාදනය මේ වනවිට සියයට 30ක් දක්වා පහත බැස තිබෙන අතර ඩීසල් හා ගල් අගුරු තාප බලාගාර ආශ්‍රිත විදුලිය නිෂ්පාදනය සියයට 68 දක්වා ඉහළ ගොස් ඇති බවයි. සුළං හා සූර්ය බල ආශ්‍රිතව විදුලිය උත්පාදනය සියයට 02 දක්වා පවතී.

විදුලිබල අර්බුදයක් පැවැතියත් කිසිදු කප්පාදුවකින් තොරව විදුලිය සැපයීම සඳහා මේ වනවිටත් විදුලි බල හා බලශක්ති අමාත්‍යාංශය විසින් සියලුම පියවර ගෙන ඇත. රුපියල් 24ක් වැනි මුදලක් වැය කර මිල දී ගන්නා විදුලි ඒකකයක් මහජනතාවට රජය විසින් ලබා දෙන්නේ රුපියල් 16ක් වැනි අඩු මුදලකටය. එමෙන් අප රටේ අඩු ආදායම් ලාභී පවුල් ලක්ෂ 17කට විදුලිය ලබා දෙන්නේ ඒකකයක් රුපියල් 2.60ක් වැනි ඉතාමත් අඩු මුදලකටය.

විදුලිබල මණ්ඩලය පාඩු ලැබුවත් විදුලි බිල ඉහළ දැමීමට රජය අදහස් නොකරන අතර 2023 වනවිට නව බලාගාර කිහිපයක් ආරම්භ කිරීම මගින් තවදුරටත් විදුලි මිල අඩු කර මහජනතාවට ලබා දීමට රජය සූදානම් බවත් අමාත්‍යවරයා සඳහන් කළේය.

ලංකා විදුලිබල මණ්ඩලය විසින් විදුලිබල හා බලශක්ති අමාත්‍යාංශයේ කිසිදු අනුමැතියකින් තොරව ඇතැම් පළාත්වල සිදු කල විදුලි කප්පාදුව පිළිබඳව විමර්ශනය සඳහා විශේෂ කමිටුව පත් කර තිබේ.

දිවයිනේ ඇතැම් පළාත්වල පැය 2ක විදුලි කප්පාදුවක් සිදුකර ඇතැයි විදුලිබල හා බලශක්ති අමාත්‍යාංශය පවසයි.

මේ නිසා මහජනතාව මෙන්ම රජයද දැඩි අසීරුතාවයකට මුහුණ පෑ අතර ,මෙම කඩාකප්පල්කාරී ක්‍රියාව පිළිබඳව වහාම විමර්ශනයක් පවත්වන ලෙසත් ඒ සඳහා කමිටුවක් පත්කරන ලෙසත් විදුලිබල හා බලශක්ති අමාත්‍ය මහින්ද අමරවීර ඇමතිවරයා විසින් අමාත්‍යාංශ ලේකම් වසන්තා පෙරේරා මහත්මියට උපදෙස් දී තිබේ.

Page 1 of 5