May 25, 2020

මෙරට දසවන කොරෝනා මරණය වාර්තා වී ඇත.

මෙසේ මියගොස් ඇත්තේ ත්‍රිකුණාමලය මන්කි බ්‍රිජ් නිරෝධායන මධ්‍යස්ථානයේ නිරෝධායනයට ලක් වෙමින් සිටි කොවිඩ් නයින්ටීන් ආසාදිත කාන්තාවකි. 

සෞඛ්‍ය සේවා අධ්‍යක්ෂ ජනරාල් විශේෂඥ වෛද්‍ය අනිල් ජාසිංහ මහතා සඳහන් කළේ කුවේට් සිට මෙරටට පැමිණි පයාගල ප්‍රදේශයේ පදිංචි 52 හැවිරිදි කාන්තාවක් මෙලෙස මිය ගොස් ඇති බවයි.

ඒ අනුව මෙරට සිදුවූ කොවිඩ් මරණ ගණන 10 දක්වා ඉහළ යනු ලබයි. 

අදාළ කාන්තාව හෘද රෝගයෙන් පෙළුණු තැනැත්තියක් බව ද සෞඛ්‍ය සේවා අධ්‍යක්ෂ ජනරාල්වරයා සඳහන් කළේය. 

එම කාන්තාවගේ ජෛව සාම්පල පරීක්ෂා කිරීමෙන් පසු ඇය කොවිඩ් ආසාදනය වී ඇති බව තහවුරු වී ඇත.

කොරෝනා වෛරස් ආසාදනයට එරෙහිව එන්නතක් නිපදවීම සඳහා පර්යේෂණ කරමින් සිටින ඇමරිකානු ජෛව තාක්ෂණ සමාගමක් විසින් නිපදවා ඇති එන්නතක් පළමු අදියරයේ සායනික අත්හදාබැලීමේදී පුද්ගලයින් 08 දෙනෙකුට සාර්ථක ප්‍රතිඵල අත් කර දී ඇති බව විදෙස් මාධ්‍ය වාර්තා කරයි.

"මොඩෙමා " සමාගමට අනුව මෙම සායනික අත්හදා බැලීමේදී කොරෝනා වෛරස් ආසාදනයට එරෙහිව නිපදවූ එන්නත පුද්ගලයින් ගණනාවකට එන්නත් කර ඇති අතර ඔවුන් අතරින් 08 දෙනෙකු තුළ වෛරසයට සම්බන්ධ ප්‍රතිදේහ අක්‍රීය කිරීමේ හැකියාවක් වර්ධනය වී තිබෙන  බව අනාවරණය වී තිබේ.

මෙම එන්නතට යහපත් ප්‍රතිචාරයක් දක්වා ඇති අයගේ එම ප්‍රතිචාරය කොරෝනා වෛරසය ආසාදනය වූ අයගේ ප්‍රතිශක්තිකරණ පද්ධතියේ ප්‍රතිචාරයට සමාන බව එම සමාගම කියයි.

මෙසේ කොරෝනා වෛරසයට සම්බන්ධ ප්‍රතිදේහ අක්‍රීය කිරීමෙන් වෛරසයට මිනිසාගේ ප්‍රතිශක්තිකරණ පද්ධතියේ සෛලවලට පහර දීමට ඇති හැකියාව වළක්වාලන බව පර්යේෂකයෝ පවසති. මෙම එන්නත රෝගීන් වෛරස් ආසාදනයෙන් ආරක්ෂා කරනවාද යන්න පරික්ෂා කිරීම සඳහා විශාල පිරිසකට සායනිකව අත්හදා බැලීම ලබන ජුලි මාසයේදී සිදු කිරීමට නියමිතය.

"මොඩෙමා "සමාගම ඇමරිකා එක්සත් ජනපදයේ ජාතික සෞඛ්‍ය ආයතනය හා එක්ව කොරෝනා වෛරස් ආසාදනයට එරෙහි එන්නතක් නිපදවීමේ පර්යේෂණවල නිරතව සීටි. මෙම එන්නතේ ඉදිරි අධ්‍යයන කටයුතු සාර්ථක වුවහොත් එන්නත ලබන ජනවාරි මාසයේදී  මහජනතාවට ලබා දීම සඳහා නිකුත් කිරීමට හැකි වනු ඇතැයි "මොඩෙමා "සමාගමේ ප්‍රධාන වෛද්‍ය නිලධාරී වෛද්‍ය ටැල් සැක්ස් ප්‍රකාශ කර තිබේ.

කොවිඩ් -19 වෛරසයට එරෙහිව නිපද වූ එන්නතක් වඳුරන්ට එන්නත් කිරීමෙන් සාර්ථක ප්‍රතිඵල ලැබී ඇති බව විදෙස් මාධ්‍ය වාර්තා කරයි.

ඇමරිකානු ජාතික සෞඛ්‍ය ආයතනයේ සහ බ්‍රිතාන්‍ය ඔක්ස්ෆර්ඞ් සරසවියේ පර්යේෂකයන් විසින් නිපදවූ මෙම එන්නත ලබාදී ඇත්තේ දකුණු ආසියාවේ දක්නට ලැබෙන මැකාක් වඳුරන්ටයි.

කොවිඩ් 2 හෙවත් සාස් වෛරසයට එන්නත් කළ වඳුරන් නිරාවරණය කර ඇති අතර, එහිදී ඔවුන්ගේ පෙනහළු සහ ශ්වසන මාර්ගයට වෛරසය සුළු වශයෙන් ඇතුළු වී ඇති බව හෙළිවී තිබේ.

ඒ අනුව එම එන්නත මගින් වඳුරන්ට නියුමෝනියාවට එරෙහි ප්‍රතිශක්තියක් ගොඩනගා ඇති බව විශ්වාස කෙරෙන බව වාර්තා වේ.

මෙලෙස වඳුරන් සඳහා සාර්ථක වුවද එය මිනිසුන්ට ඒ ආකාරයෙන්ම ක්‍රියා කරන්නේ ද යන්න සහතික කළ නොහැකි බව පර්යේෂකයන් සඳහන් කර තිබේ.

කෙසේ නමුත්, මෙම අත්හදා බැලීම සඳහා යොදා ගත් රීසස් මැකාකේස් වඳුරු විශේෂයේ පවතින්නේ මිනිසාට සමාන ප්‍රතිශක්තිකරණ පද්ධතියක් බව පර්යේෂකයන් පෙන්වා දෙයි.

මේ අතර, ඔක්ස්ෆර්ඩ්  සරසවියේ කොවිඩ් -19 එන්නත අත්හදා බැලීමේ කටයුතු මේ වන විට බ්‍රිතාන්‍යයේ ආරම්භ වී ඇති අතර, එම එන්නත පුද්ගලයන් දහසක නියැදියකට ලබාදීමට නියමිතය.

අද(16) රාත්‍රී 08.00 සිට සඳුදා අළුයම 05.00 දක්වා දිවයින පුරා ඇඳිරි නීතිය ක්‍රියාත්මක කෙරෙන බව රජය පවසයි.

කොළඹ සහ ගම්පහ දිස්ත්‍රික්ක හැර සෙසු දිස්ත්‍රික්ක සඳහා ඊයේ(15) රාත්‍රී 08.00 සිට පනවා තිබූ ඇඳිරි නීතිය අද අළුයම 05.00 ට ඉවත් කෙරුණි.

කෙසේවෙතත් කොළඹ සහ ගම්පහ හැර සෙසු දිස්ත්‍රික්කවල මැයි මස 18 වන සඳුදා අළුයම 05.00 ට ඇඳිරි නීතිය ඉවත් කිරීමෙන් පසු මැයි මස 23 වන සෙනසුරාදා දක්වා රාත්‍රී  08.00 සිට අළුයම 05.00 දක්වා පමණක් ඇඳිරි නීතිය ක්‍රියාත්මක වෙයි.

කොළඹ සහ ගම්පහ දිස්ත්‍රික්ක දෙකෙහි ඇඳිරි නීතිය ක්‍රියාත්මකව පවතින අතරතුරදී ජන ජීවිතය සහ ආර්ථික ක්‍රියාකාරීත්වය යථා තත්ත්වයට පත් කිරීම සඳහා පසුගිය 11 වනදා ආරම්භ වූ වැඩපිළිවෙල අද දිනය දක්වා අඛණ්ඩව ක්‍රියාත්මකයි.

ඒ අනුව මැයි 18 වන සඳුදා සිට අදාල වැඩපිළිවෙල ඉදිරියට ගෙන යාමට සැලසුම් කර ඇති බව ජනාධිපති මාධ්‍ය අංශය සඳහන් කළේය.

මේ අතර ඉදිරියේදීත් නිරෝධායන නීතිරීතිවලට අනුගතව කටයුතු කරන ලෙස රජය ජනතාවට දැනුම් දෙයි.

මේ අතර කොවිඩ් නයින්ටීන් වෛරස ව්‍යාප්තියත් සමඟ ස්වයං නිරෝධායන කටයුතු සඳහා යොමු වූ පුද්ගලයින්ගෙන් 85,000 කට වැඩි පිරිසක් එම සහතික ලබාගෙන ඇති බව නියෝජ්‍ය පොලිස්පති අජිත් රෝහණ මහතා පවසයි.

මේ දිනවල පැතිරී යන කොවිඩ්-19 වෛරයේ පළවෙන පුවත් හා දත්තයන් ගැන වාර්තා පිළිබඳව බොහෝ දෙනෙකුගේ අවධානය යොමුවේ. දිනකට වාර්තා වෙන ආසාදිතයන් ප්‍රමාණය, සුවය ලැබූ ප්‍රමාණය, රෝහල් ගතව ප්‍රතිකාර ලබන ප්‍රමාණය වැනි දත්ත මේ අතර ප්‍රමුඛතාවය ගනී.

මෙම දත්තයන් ඉදිරිපත් කිරීමේ දී බොහෝ විට ඉලක්කම් හා ප්‍රස්ථාර සහ වගු වැනි ක්‍රම යටතේ ලෝකය පුරාම ඉදිරිපත් කිරීම කරනු ලබයි. නමුත් මෙම දත්ත ඉදිරිපත් කිරීමේ ක්‍රමවේදයට තරමක් වෙනස් ක්‍රියාවලියක් එක් කිරීමට ශ්‍රී ලංකාවේ තරුණ මාධ්‍යවේදියෙකු වන සඳුන් අරෝෂ සමත් වී තිබේ. ඔහු මෙහිදී පියානෝ සංගීතයක් මඟින් කොවිඩ්-19 දත්ත කියවීමට හැකි ක්‍රමයක් හඳුන්වා දී තිබේ.

ඔහු එහිදී මෙම දත්ත ඉදිරිපත් කිරීමට Sonification (සොනිෆිකේෂන්) නම් ක්‍රමවේදය භාවිතා කර තිබේ. මෙම ක්‍රමවේදයේ දී අප ඉලක්කම් සහ ප්‍රස්ථාර තුළින් දකින දත්ත සහ තොරතුරු ශබ්දය විකාශන ක්‍රමවේදයක් ඔස්සේ විස්තර කරනු ලබයි. මෙහිදී සිදුවන්නේ අප විසින් ඇතුළත් කරනු ලබන දත්තවල පරාසය අනුව අප විසින් නිර්මාණය කරනු ලබන Sonification පද්ධතියට ලබා දී ඇති සංගීතය පරාසය වෙනස් වීමයි.

මෙහිදී අපිට දත්ත දැකීමකින් තොරව ඇසීම මඟින් පමණක් දත්ත හා තොරතුරුවල ඉහළ පහළ යෑම හඳුනා ගැනීමට හැකියාව ලැබේ. උදාරණයක් ලෙස දිනකට වාර්තා වන කොරෝනා ආසාදිත ප්‍රමාණයේ දත්ත මෙයට විශ්ලේෂණය කිරීමට ලබා දුන් පසුව සෑම දිනකම දත්ත මෙම Sonification පද්ධතිය මඟින් අධ්‍යයනය කරනු ලබන අතර දිනකට වාර්තා වෙන ආසාදිතයන් ප්‍රමාණය අනුව එහි ශබ්දය ඉහළ පහළ යෑම සිදුවේ.

මෙහි ඇති වැදගත්කම වන්නේ නිතරම දත්ත දිහා බලාගෙන සිටීමට අවශ්‍ය නොවීමයි. දත්ත අධ්‍යයනය කිරීමට නොහැකි අයෙකුට වූවද මෙම ශබ්ද පරාසයට ඇහුකම් දීම තුළින් එහි අවදානම් බව හෝ අවදානම් රහිත බව අධ්‍යයනය කිරීමට හැකියාව ලැබේ. එය ඇඟවීමේ පද්ධතියක් ලෙසද එම නිසා භාවිතයට ගත හැකිය. එමෙන්ම දත්ත දිහා බැලීමකින් තොරව දත්තවල හැසිරීම, ප්‍රගතිය වැනි දේවල් ඇසීම තුළින් අවබෝධ කර ගැනීමටද මෙම පද්ධතිය තුළින් හැකියාවක් ලබා දෙයි.

ලෝකයේ ප්‍රමුඛ පෙළේ බොහෝ පර්යේෂණ ආයතනයන් ද මෙම Sonification පද්ධතිය තමන්ගේ තොරතුරු විශ්ලේෂණයන් සඳහා ද භාවිත කරනු ලබයි.

මාධ්‍යවේදී සඳුන් අරෝෂ විසින් හඳුන්වා දුන් සොනිෆිකේෂන් පද්ධතිය පහතින්,

අද(06) රාත්‍රී 11.30 වන විට තවත් කොරෝනා ආසාදිතයින් දෙදෙනෙකු වාර්තා වු බව සෞඛ්‍ය අමාත්‍යාංශය පවසයි.

ඒ අනුව මෙරට සමස්ත ආසාදිතයින් සංඛ්‍යාව 797 ක් දක්වා ඉහළ ගොස් තිබේ.

තවත් කොරෝනා ආසාදිතයින් තිදෙනෙක් වාර්තා වී තිබේ.

ඒ අනුව සමස්ත ආසාදිතයින් සංඛ්‍යාව 765 ක් දක්වා වැඩි විය.

මේ අතර සුවය ලැබු සමස්ත කොරෝනා ආසාදිතයින් සංඛ්‍යාව 213 ක් ‍වෙනු ඇත.

කෙසේ වෙතත් මේ වන විට පුද්ගලයින් 540 ක් විවිධ රෝහල්වල වෛද්‍ය අධීක්ෂණය යටතේ සිටියි.

අද(04) රාත්‍රී වන තවත් කොරෝනා ආසාදිතයින් 11 දෙනෙක් වාර්තා වී ඇතැයි සෞඛ්‍ය අමාත්‍යාංශය පවසයි.

ඒ අනුව ලංකාවේ සමස්ත ආසාදිතයින් ගණන 732ක් දක්වා ඉහළ ගොස් තිබේ.

කොරෝනා වෛරසය ආසාධිත තවත් රෝගීන් දෙදෙනක් වාර්තා වීමත් සමග ආසාධිත රෝගීන් සංඛ්‍යාව 702ක් දක්වා ඉහළ ගොස් ඇති බව වසංගත රෝග විද්‍යා අංශය නිවේදනය කරයි.
අද දින රාත්‍රී 10.30 වන විට වාර්තා වූ මුළු රෝගීන් සංඛ්‍යාව 12කි.

මෙරටින් වාර්තා වෙන කොරෝනා ආසාදිත රෝගීන් සංඛ්‍යාව 700 දක්වා ඉහළ ගොස් ඇතැයි වාර්තා වේ.

අද(02) රාත්‍රි 10.00 වන විට තවත් කොරෝනා ආසාදිතයින් 10 දෙනෙක් වාර්තා වු බව සෞඛ්‍ය අමාත්‍යාංශය පවසයි.

Page 1 of 29