June 25, 2019

ශ්‍රී ලංකාවේ දණ්ඩ නීතී සංග්‍රහය අනුව බලහත්කාරයෙන් වන්ද්‍යාකරණයට ලක් කිරීම සම්බන්ධයෙන් දඬුවම් ලබා දීම සඳහා නීතිමය ප්‍රතිපාදන නොමැති බව පිවිතුරු හෙළ උරුමයේ නායක පාර්ලිමේන්තු මන්ත්‍රී උදය ගම්මන්පිල මහතා පවසයි.

කොළඹ අද (24) පැවති මාධ්‍ය හමුවකට එක්වෙමින් ඒ මහතා මේ බව සඳහන් කළේය.

මන්ත්‍රීවරයා පැහැදිලි කරමින් පැවසුවේ දණ්ඩ නීති සංග්‍රහය අනුව බලහත්කාරයෙන් වඳ කිරීම අපරාධයක් නොවන බවයි.

බලහත්කාරයෙන් ජාතියක් වඳ කිරිම සමූල ඝාතනයක් බවත්  ඒ නිසා බලහත්කාරයෙන් වඳ කිරීමට මරණ දඬුවම ලබා දෙන නීති නොපමාව ගෙන ආ යුතු බවත් මන්ත්‍රීවරයා එහිදි වැඩිදුරටත් පැවසීය.  

එමෙන්ම පාරලිමේන්තුව එවැනි නීතියක් සම්මත කර ගන්නා තුරු හදිසි නීතිය යටතේ ඒ සඳහා රෙගුලාසි සැකසීමට ජනාධිපතිවරයා කටයුතු කළ යුතු බවද ඒ මහතා පවසයි.

එහිද වැඩිදුරටත් අදහස් දැක්වු උදය ගම්මන්පිල මහතා,

" ජනතාව දකින විධියට සහරාන්ට වඩා ත්‍රස්තවාදියා ශාෆි ශිහාබ්දින් කියන වෛද්‍යවරයා.  දැනට තමන් බලහත්කාරයෙන් වඳභාවයට පත් කළ බවට දහසකට අධික පැමිණිලි සංඛ්‍යාවක් ශාෆිට එරෙහිව ලැබී තිබෙනවා. තවම මේ පිළිබඳ වෛද්‍ය පරීක්ෂණ කරලා නෑ.  රෝහල් ආරංචිමාර්ගවලට අනුව මොහු කරන ලද සැත්කම් ප්‍රමාණය 4000ක් නම් 4,000ක් කරන විට 1,000ක් වඳ වෙනවා කියන්නේ සැත්කම් කළ අයගෙන් 25%ක් වඳ වෙලා කියන චෝදනවාව එල්ල වෙනවා.  ශාෆි කියන විධියට සැත්කම් 8,000ක් කළා කියමුකො. ඒත් 12.5%ක් වඳභාවයට පත් වෙලා.  මොන පැත්තෙන් ගත්තත් සැක කටයුතුයි. නමුත් ලංකාවේ දණ්ඩ නීති සංග්‍රහය අනුව බලහත්කාරයෙන් වඳ කිරීම අපරාධයක් නොවේ.  ඒ නිසා ඔහුට චෝදනා නැගිය හැක්කේ බරපතල තුවාල සිදු කිරීම කියන වරදට.  බරපතල තුවාලයක් කියන්නේ සදාකාලිකව පවතින තුවාලයක්.  ඒ සඳහා උපරිම දඬුවම වසර 7යි. බරපතල තුවාල සිදු කිරීම ඇප ලැබිය හැකි වරදක් නේද? සාෆිට ඇප ගන්න පුළුවන් නේද කියල කාට හරි හිතෙන්නට පුළුවන්. නමුත් ඇප පනතේ ඉතාම පැහැදිලිව කියනවා මහජන කැලඹීමකට තුඩු දිය හැකි පුද්ගලයෙකුට ඇප ලබාදෙන්න එපා කියලා. බලහත්කාරයෙන් ජාතියක් වඳ කරනවා කියන්නේ සමූල ඝාතනයක්.   ඒ නිසා බලහත්කාරයෙන් වඳ කිරීමට මරණ දඬුවම ලබා දෙන නීති නොපමාව ගෙන ආ යුතුයි.  පාරලිමේන්තුව එවැනි නීතියක් සම්මත කර ගන්නා තෙක් හදිසි නීතිය යටතේ ඒ සඳහා රෙගුලාසි සැකසීමට ජනාධිපති කටයුතු කළ යුතුයි. සිංහල ජාතිය වඳ වෙන බවට ආණ්ඩුවේ නිල ලේඛණ අනුව අපි පෙන්වා දුන්නාට පස්සේ වඳ කිරීමේ ජාවාරමක් පිළිබඳ අපිට තොරතුරු ලැබුණා.  දෙවන දරුවා ලබන්න මවක් රෝහල් ගත වුණාට පස්සේ ඇයට වඳ සැත්කමකට යොමු වෙන්න කියලා රෝහලෙන් දැඩි බලපෑමක් එල්ල වෙනවා. තුන්වන දරුවා ලැබෙන්න රෝහල් ගත වුණු ගුරුවරියකට හෙදියක් පුදුම විධියට ඇවිටිලි කරනවා වඳ සැත්කම කර ගන්න කියලා.  ඒකට අදිමදි කළාම සැමියාට දුරකතන ඇමතුමක් බලෙන්ම අරගෙන පවුල් සැලසුම් කිරීමේ වැදගත්කම ගැන සැමියාටත් උපදෙස් දෙනවා. වඳ සැත්කම් කිරීමට හෙදිය මෙතරම් උනන්දු ඇයි කියලා මට ප්‍රශ්නයක් වුණා."

"වඳ සැත්කම් සිදු කරනවාට කවුරු හරි අන්තවාදි සංවිධානයකින් මුදල් ගෙවනවා ද කියන සැකයක් ඇති වුණා.  මේ ගැන සොයා බලද්දි තමයි හොරේ හෙලි වුණේ.  වඳ සැත්කම් කරනවාට මුදල් ගෙවන්නේ දිරි දීමනා ගෙවන්නේ අන්තවාදි සංවිධානයකින් නොවේ.  ආණ්ඩුවමයි. සෞඛ්‍ය අමාත්‍යාංශය යටතේ ඇති පවුල් සෞඛ්‍ය කාරයාංශයයි. වඳ සැත්කම් කරගන්න අයටයි ඒ සදහා පොළඹවන අයටයි දිරි දීමනා ලබා දෙන්නේ. 1980 දශකයේ දී “පුංචි පවුල රත්තරන්” කියන සංකල්පය යටතේ “අපි දෙන්නයි - දරු දෙන්නයි” කියන තේමාව ප්‍රචලිත කලේ ලංකාවේ 2% ආසන්න ජනගහන වර්ධන වේගයක් පැවැති නිසා.  දැන් ජනගහන ර්වධන වේගය 0.8%යි.  සිංහලයින්ගේ නම් 0.5%යි.  ජර්මනිය වැනි ජනගහන වර්ධනය ඇද ගෙන වැටුණු රටවල් දිරි දීමනාව ගෙවන්නේ වඳ සැත්කමට නොවේ.  දරු ප්‍රසූතියටයි.  ලංකාවත් පීල්ල මාරු කරන්න කාලය උදා වෙලා කියලා අපි සෞඛ්‍ය අමාත්‍යාංශයට සිහිපත් කරනවා.  දැන් තේමාව විය යුත්තේ “පුංචි පවුල රත්තරන්” නොවෙයි “වැඩුණු පවුල ඉස්තරම්” කියන එකයි.  ඒ නිසා තව දුරටත් ආණ්ඩුවෙන් දිරි දීමනා ගෙවලා වඳ සැත්කම් සිදු කිරීම අවශ්‍ය නෑ.  ඕනෑ කෙනෙකුට වඳ සැත්කම කර ගන්න පුළුවන් සිය කැමැත්තෙන්. හැබැයි දිරි දීමනා ගෙවීම අවශ්‍ය නෑ. 19 වන සහ 18 වන ආණ්ඩුක්‍රම ව්‍යවස්ථා සංශෝධන දෙකම  ඉවත් කළ යුතු බවට ජනාධිපතිතුමා ඊයේ ප්‍රකාශ කළා.  සක් පිඹලා හේවිසි ගහලා සුදු පාවඩ දාලා 19 වන සංශෝධනය ධාතු කරඬුවක් වගේ වඩම්මන විට මුළු රටම ඒකත් එක්ක හිට ගත්තා.  නමුත් අපි 19 වන සංශෝධනයට එරෙහිව හුදකලා සටනක් කළා. ශ්‍රේෂ්ඨාධිකරණය ඉදිරියේ 19 වන සංශෝධනය අභියෝගයට ලක් කරලා එය එයාකාරයෙන්ම සම්මත කර ගැනීමට නම් ජනමත විචාරණයකට යොමු කළ යුතුයි කියලා තීන්දුවක් ගන්නත් අපට පුළුවන් වුණා."

"නැති නම් 19 වන සංශෝධනය මීට වඩා විනාශයක් රටට කරනවා.  වසර හතරකට පසු 19 සංශෝධනය ගෙනා ජනාධිපතිතුමාම අපේ ස්ථාවරය නිවැරදි බව පිලිගැනීම සතුටුයි. ජනාධිපතිතුමා 18 වන සංශෝධනය ඒකාධිපති සංශෝධනයක් බවට කළ ප්‍රකාශයට නම් එකඟ වෙන්න බෑ.  18 වන සංශෝධනය අතිශයින්ම ප්‍රජාතන්ත්‍රවාදි සංශෝධනයක්.  ආණ්ඩුක්‍රම ව්‍යවස්ථාවෙන් යම් පුද්ගලයෙකුට  ජනාධිපති ධූරයට පත් විය හැකි වාර ගණන දෙකකට සීමා කරලා තිබුණා.  ඒ නිසා කෙතරම් දක්ෂ ජනාධිපති කෙනෙකු වුණත් ජනතාවට එතුමාව තියා ගන්න කෙතරම් වුවමනා වුවත් ව්‍යවස්ථාවෙන් වාර දෙකකට පසු ජනාධිපතිව ගෙදර යවනවා.  ඒ නිසා රට හදා ගන්න තිබෙන ස්ර්වණමය අවස්ථාව අහිමි වෙනවා. සිංගප්පූරුව දියුණු වුණේ වසර 31ක් අඛණ්ඩව ලි ක්වාන් යූ අගමැති ධූරයේ තබා ගන්න සිංගප්පූරු ජනතාවට පුළුවන් වුණු නිසා.  මැලේසියාවේ උදාහරණය හරිම අපූරුයි.  1981 සිට 2003 දක්වා වසර 23ක් අඛණ්ඩව අගමැති ධූරයේ සිටියේ මහතීර් මොහොමඩ්.  මුළු රටම අඬද්දි මට මහන්සියි කියලා මහතිර් මොහොමඩ් ගෙදර ගියා. ඊට පස්සේ මැලේසියාව වැටෙන්න ගත්තා.  වැටෙන මැලේසියාව යලි නැගිටවීමට මහතිර් මොහොමඩ් යළි පැමිණිය යුතු බවට ජනතාව තීරණය කළා.  ඒ අනුව අවුරුදු 91ක් වුණු මහතිර් 2018 දී යළි අගමැති වුණා.  ලංකාවේ එහෙම කරන්න බැරිව තිබුණේ ජනාධිපති ධූරය වාර දෙකකට සීමා කරලා තිබුණු නිසා.  ඒක ඉවත් කිරීම තමයි 18 වන සංශෝධනයෙන් සිදු වුණේ.  18 වන සංශෝධනයෙන් පස්සේ ජනාධිපති සිටිය යුතු ද නැද්ද කියා තීරණය කරන්නේ ජනතාව මිස ව්‍යවස්ථාව නොවේ.  ජනාධිපති ගෙදර යැවීමේ බලය ජනතාවට ලබා දීම ඒකාධිපති වෙන්නේ කොහොමද?  18 වන සංශෝධනය නිසා මහින්ද මැතිතුමා මැරෙන තුරු ජනාධිපති පුටුවේ සිටීවි කියා සමහරු බොරු බියක් පල කළා.  18 වන සංශෝධනයෙන් පස්සේ මුහුණු දුන්නු පළමු මැතිවරණයෙන්ම බලයේ සිටින ජනාධිපති පරාජය කරලා මේක ඒකාධිපති ව්‍යවස්ථා සංශෝධනයක් කියන්නේ බොරුවක් බව ජනතාව ඔප්පු කළා."

පාස්කු ප්‍රහාරය සම්බන්ධයෙන් රිෂාඩ් බදියුදීන් මහතාට එරෙහිව චෝදනා භාරදී ඇතත් ප්‍රහාරයට මාස දෙකක් ගත වන මොහොතේවත් ඔහුගෙන් ප්‍රශ්න කිරීමක් සිදු කර නැති බව පිවිතුරු හෙළ උරුමයේ නායක පාර්ලිමේන්තු මන්ත්‍රී උදය ගම්මන්පිල මහතා පවසයි.

මන්ත්‍රීවරයා මේ බව ප්‍රකාශ කළේ පාස්කු ප්‍රහාරයෙන් පසු නීතිය නිසි පරිදි ක්‍රියාත්මක නොවීම පිළිබදව අස්ගිරි පාර්ශ්වයේ මහනායක හිමියන් වෙත කරුණු පැහැදිළි කිරීමට ගිය අවස්ථාවේදීය.

පිවිතුරු හෙළ උරුමයේ නායක පාර්ලිමේන්තු මන්ත්‍රී උදය ගම්මන්පිල මහතා ඇතුලු පක්ෂයේ සාමාජිකයින් පිරිසක් අස්ගිරි මහා විහාරය වෙත පැමිණ අස්ගිරි පාර්ශ්වයේ මහ නායක අතිපූජ්‍ය වරකාගොඩ ශ්‍රී ඥාණරතන හිමියන් බැහැදුටුවේය

එහිද මාධ්‍යෙව්දින් කළ ප්‍රශ්න කිරීම් හමුවේ මන්ත්‍රීවයා පැවසුවේ රටේ තත්ත්වය යහපත් ලෙස සලකා හදිසි නීතිය ඉවත් කළොත් ත්‍රස්තවාදී සංවිධාන නැවත සාමාන්‍ය සංවිධාන බවට පත් වන බවයි.

එසේ වුවහොත් ඊළඟ බෝම්බය වනතුරු ආපහු නිදාගන්න සිදු වන බවද ඒ මහතා එහිදි පැවසීය.

එහිද ඉදිරි ජනාධිපතිවරණයට ඉදිරිපත් කරන අපෙක්ෂකයා සම්බන්ධයෙන්ද මාධ්‍ය වේදින් මනත්‍රීවරයාගෙන් ප්‍රශ්න කළේය.

එහිද ඔහු පැවසුවේ මැතිවරණ අපෙක්ෂකයා හිටපු ආරක්ෂ ලේකම් ගෝඨාභය රාජපක්ෂ මහතා බවත් ඒ සම්බන්දයෙන් සැකයක් තබා නොගන්නා ලෙසත්ය.

ඉන් පසුව මන්ත්‍රී පැමිණියේ ගැටඹේ රජෝපවනාරාමය වෙතයි.

එහිදි ප්‍රහාර සම්බන්ධයෙන් අදහස් දැක්වු අමාත්‍යවරයා පැවසුවේ තම නිවසේ සිටින සපාකන සුනකයා බැද දමා නොතබන්නේ නම් එම  කිසියම්සුනඛයා හෝ පුද්ගලයෙකුට අනතුරක් සිදු කළහොත් තමන්ද එයට වග කිව යුතු බවයි.

සුළු පක්ෂ පාර්ලිමේන්තු මැතිවරණයකදි ලබා ගත යුතු ඡන්ද ප්‍රතිශතය සියට 12.5 දක්වා වැඩි කිරිමට කටයුතු නොකර මැතිවරණයේදි ජයග්‍රහණය කරන පක්ෂයට ප්‍රසාද මන්ත්‍රිධුර 15 ක් ලබා දීමට කටයුතු කළ යුතු බව පිවිතුරු හෙළ උරුමය පවසයි.

එහි නායක පාර්ලිමේන්තු මන්ත්‍රි උදය ගම්මන්පිල මහතා ඊයේ (10) පැවති මාධ්‍ය හමුවකදි මේ බව පැවසීය.

1994 පසුව කිසිදු අවස්ථාවක මුස්ලිම් දේශපාලන පක්ෂක් තනිවම මැතිවරණයකට ඉදිරිපත් නොවු බවත් ඔවුන් සෑම විටම ප්‍රධාන පක්ෂයක් සමඟ ඡන්දයට ඉදිරිපත් වු බවද මන්ත්‍රීවරයා පවසයි.

සළු වීමේ අගය සියයට 12.5 දක්වා වැඩි කළොත් මුස්ලිම් පක්ෂ කෙසේ වෙතත් EPDP සහ ජනතා විමුත්ති පෙරමුණ වැනි පක්ෂ වලට පාර්ලිමේන්තුවට එමට කිසිදු අවස්ථාවක් නොමැතිවන බවද මන්ත්‍රීවරයා එහිදි ප්‍රකාශ කළේය.

ප්‍රධාන දේශපාලන පක්ෂ සුළු පක්ෂ මත යෑපිම සිදු වන්නේ සළු වීමේ අගව සියයට 5 වීම මත නිසා නොවන බවත්  පවතින මැතිවරණ ක්‍රමය යටතේ පාර්ලිමේන්තුවේ සරල බහුතරය වන 113 ලබා ගැනීමට දිනන පකෂයට නොහැකි වීම නිසා බවද මන්ත්‍රීවරයා පවසයි.

ඇමරිකාවෙන් ශ්‍රී ලංකාවට  රතු එළියක් ලැබී ඇති බවත් ලංකාවේ ජනපතිවරණයට දැවැන්ත අවදානමක් පවතින බවත් පිවිතුරු හෙළ උරුමයේ නායක උදය ගම්මන්පිල මහතා පැවැසීය.

ඊයේ පෙරවරුවේ පැවැති මාධ්‍ය සාකච්ඡාවකදී ඔහු මේ බව කීය.

එහිදී ඒ මහතා මෙසේ අදහස් දැක්විය.

“ඇමරිකාවේ හෙරිටේජ් ෆවුන්ඩේෂන් කියන ඉතා බලගතු බුද්ධිමණ්ඩලය  පර්යේෂණ වාර්තාවක් ශ්‍රි ලංකාව ගැන  නිකුත් කරනවා 2019 මාර්තු මාසයේ. මේ වාර්තාවේ වැදගත් කම තේරුම් ගන්න නම් මෙම ආයතනය කුමක්ද කියන එක ගැන අපි නිවැරදිව තේරුම් ගන්න ඕනෑ.  හෙරිටේජ් ෆවුන්ඩේෂන් කියන්නේ ඇමෙරිකාවේ විදේශ ප්‍රතිපත්තිය තීරණය කිරීමට වඩාත් බලපාන බලගතු බුද්ධි මණ්ඩලයක්.  නැතිනම් තින්ක් ටෑන්ක් එකක්.  රොනල්ඩ් රේගන් ජනාධිපති කාලයේ මේ ආයතනය තමයි ආණ්ඩුවේ ප්‍රතිපත්ති වලට වඩාත්ම බලපෑම් කළ හැකි ආයතනය. පෙන්සිල්වේනියා විශ්ව විද්‍යාලය සකස් කළ Global Think Tank Index අනුව හෙරිටේජ් ෆවුන්ඩේෂන් ආණ්ඩුවට බලපෑම් කිරීම අතින් ලොව 12 වන ස්ථානයේත් ඇමෙරිකාවේ පස්වන ස්ථානයේත් ඉන්නවා. හෙරිටේජ් ෆවුන්ඩේෂන් හි ජෙෆ් ස්මිත් 2019 මාරතු 14 දින  Sri Lanka : A Test Case for the Free and Open Indo – Pacific Strategy නමින් පර්යේෂණ වාරතාවක් නිකුත් කරනවා.  ලංකාවේ උපාය මාරගික වැදගත්කමත් 2015 නව ආණ්ඩුව බලයට පැමිණීමේ සිට ශ්‍රී ලංකාව සම්බන්ධයෙන් ඇමෙරිකාව ලැබූ ජයග්‍රහණත් ඒ වාරතාවේ අඩංගු වෙනවා. ඒ වාරතාවේ 14 පිටුවේ මෙහෙම සඳහන් වෙනවා.  රාජපක්ෂ සංධානය යළි බලයට එනවා. අවංකවම ඒ අය ලංකාවේ හරිම ජනප්‍රියයි.  ඇමෙරිකාව එක්තරා සීමාවකට ලංකාවේ ජනමතයට ගරු කරන්න සූදානම් විය යුතුයි.  ඇමෙරිකාව ලංකාවේ ප්‍රජාතන්ත්‍රවාදයට ගරු කරනවා ද? ජනතාවගේ මතයට ගරු කරනවා ද? ඔව්.  නමුත් එක්තරා සීමාවකට විතරයි.  ඒ සීමාව තීරණය කරන්නේ ඇමෙරිකාවම තමයි.  ජනාධිපතිවරණයක් කට ලඟ තබා ගෙන බලගතු ඇමෙරිකානු බුද්ධි මණ්ඩලයක් කියන කතාව සුළුවෙන් තකන්න එපා. ලංකාවේ ජනමතය ක්‍රියාත්මක වෙන්න ඉඩ දෙන්නේ ඇමෙරිකාව කැමති සීමාව දක්වා විතරයි.  ඇමෙරිකාව කැමැති සීමාව කියන්නේ ඇමෙරිකාවට වාසි සීමාව.  ඊට පස්සේ ලංකාවේ ජනමතය චප්ප කරලා ඇමෙරිකාවේ මතය ක්‍රියාත්මක කළ යුතුයි කියන එක නේද? ඒ නිසා ශ්‍රී ලංකාවේ ජනමතයට ගරු නොකිරීමට ඇමරිකාණු ආණ්ඩුවට ඒ රටේ බුද්ධි මණ්ඩලයක් උපදෙස් දෙනාවා කියන්නේ  ඉදිරි ජනපතිවරණයට දැවැන්ත අවදානමක් තිබෙනවා කියන එකයි."

"ඇමෙරිකාවට නීත්‍යානුකූලවම ලංකාවට බලපෑම් කරන්න හැකියාවක් තිබෙනවා.  ලංකාවේ අපනයන වලින් 26% ගන්නේ ඇමෙරිකාව.  තවත් 29% ගන්නේ ඇමෙරිකාවේ හිතවතා යුරෝපීය සංගමය.  ඒ කියන්නේ ලංකාවේ අපනයන වලින් 55%ක් පාලනය කරන්න ඇමෙරිකාවට පුළුවන්.  මේක අපේ රටට දැවැන්ත අවදානමක්.  ලංකාවේ භාණ්ඩ මත අධික බදු පැනවුවහොත් ලංකාවෙන් භාණ්ඩ මිළ දී ගැනීම තහනම් කළොත් ලංකාවේ ආරථිකය කඩා වැටෙනවා.  ඇමෙරිකානු තර්ජන ඇතත් නැතත් රටක් සිය අපනයන ආදායම උපයා ගන්න රටවල් කිහිපයක් මත රැඳීම ජාතික ආරථිකයේ ස්ථායීභාවයට බාධාවක්. 1977 දී එජාප ආණ්ඩුව බලය එන විට මෙවැනි අපනයන රැඳියාවක් තිබුණා. අපනයන ආදායමෙන් 80%ක් උපයා ගත්තේ තේ රබර් සහ පොල් විකිණීමෙන්.  මේ භාණ්ඩ තුනේ මිළ ඉහළ පහල යන විධියට රටේ ආරථිකයත් ඉහළ පහල ගියා.  වෙළඳ විෂය භාර වුණේ ලලිත් ඇතුලත්මුදලි කියන  දූරර්දශි ඇමතිතුමාට.  එතුමා අපනයන භාණ්ඩ විවිධාංගිකරණ වැඩපිලිවෙලක් හැදුවා.  ඒ අනුව අපනයන ගම්මාන, අපනයන සැකසුම් කලාප, අපනයන මහජන සමාගම් වැනි නව විසඳුම් හරහා අපනයන ආදායම තේ රබර් පොල් මත තිබුණු රැඳියාව නැති කළා. අද අපි මුහුණ දෙන අභියෝගය ජය ගැනීමට නම් අපනයන වෙළඳපොල විවිධාංගීකරණ වැඩපිලිවෙලක් ඕනෑ.  ඒ කියන්නේ නව වෙළඳපොලවල් සොයා ගෙන ඇමෙරිකාව මත තිබෙන රැඳියාව අඩු කරන්න ඕනෑ.  ඒ සඳහා නව වෙළඳපොල සොයා යන අපනයනකරුවන්ට දිරි ගැන්වීම් ලබා දෙන්න ඕනෑ.  එවැනි වැඩපිලිවෙලකට නොගියොත් පැනමාව වුණු දේ තමයි අපටත් වෙන්නේ.  පැනමාවේ වගේ ලංකාවේ ඊ ළඟ ජනාධිපති තීරණය කරන්න ඇමෙරිකාවට භාර දීලා අපට බකන් නිලාගෙන ඉන්න වෙන්නේ. ඒ නිසා පැනමාවන වුනු දේ ලංකාවට නොවීමට නම් වහාම අපි අපනයන වෙලද පොල විවිධාංගීකරණ වැඩපිලිවෙලකට යා යුතුයි. ඇමරිකාවෙන් ලැබිල තියෙන මේ රතු එළිය වහාම තේරුම් අරගෙන ඇමරිකාව මත අපේ ආර්ථිකයට ඇති රිදියාව අඩු කිරීමට කුමණ පක්ෂයක් බලයට පැමිණියද එම ආණ්ඩු කටයුතු කල යුතුයි කියලා අපි විශ්වාසකරනවා" යැයිද ඒ මහතා වැඩිදුරටත් පැවසිය.

මාධ්‍යවේදී ලසන්ත වික්‍රමතුංග ඝාතනය, ගෝඨාභය රාජපක්ෂ මහතා මත පටවා ඔහුට ඇමෙරිකාවේ දී නඩු පැවරීමට එක්සත් ජාතික පක්ෂය උත්සහ ගන්නා බව පාර්ලිමේන්තු මන්ත්‍රී උදය ගම්මන්පිල මහතා පවසයි.

කොළඹ පැවති,  පිවිතුරු හෙළ උරුමයේ මාධ්‍ය හමුවේ දී පක්ෂ නායක ගම්මන්පිල මහතා මෙම අදහස් පළ කළේය.

එහිදී වැඩිදුරටත් අදහස් දැක්වු ඒ මහතා මෙසේ ද පැවසීය.
 
“සර්වලෝක අධිකරණ බලය නැතිනම් universal jurisdiction කියන්නේ එක් රටක දී කරපු අපරාධයකට තවත් රටක දී හෝ ජාත්‍යන්තර අධිකරණයක දී දඬුවම් කිරීමට ඇති හැකියාවටයි. මේ අධිකරණ බලය යුරෝපීය රටවල් බහුතරයක් පිළිගත්තත් බොහෝ රටවල් පිළිගන්නේ නෑ. විශේෂයෙන්ම ඇමෙරිකාව සර්වලෝක අධිකරණ බලය භාවිතා කරන්නේ ඉතාමත් සීමිතවයි.  ඒ අනුව පිටරටක සිට ඇමෙරිකාව තුළ ත්‍රස්ත ප්‍රහාරයක් වැනි අපරාධයක් කළොත් තානාපති කාරයාලයකට හෝ විදේශයක දී ඇමෙරිකානු නිලධාරියෙකුට අපරාධයක් කළොත් ඒ අය ඇමෙරිකාවට ගෙනැවිත් දඬුවම් කරන්න කටයුතු කර තිබෙනවා. නමුත් විදේශ රටක දී කරන ලද ඇමෙරිකාවට අදාළ නැති අපරාධ චෝදනාවක් සම්බන්ධයෙන් ඇමෙරිකාව නඩු පවරන්නේ නෑ.  ඒකට එක් හේතුවක් වන්නේ ඇමෙරිකානු හිටපු ජනාධිපතිවරුන්ට එරෙහිව පවා සර්වලෝක අධිකරණ බලය භාවිතා කිරීමට විවිධ සංවිධාන උත්සාහ කර තිබීමයි. හිටපු ඇමෙරිකානු ජනාධිපති ජෝජ් බුෂ්ට එරෙහිව ර්සවලෝක අධිකරණ බලය භාවිතා කලේ ව්‍යවස්ථා අයිතින් පිළිබඳ මධ්‍යස්ථානය විසිනි.  ඇමෙරිකාව විසින් රඳවා ගත් පුද්ගලයින් වද හිංසාවන්ට ලක් කිරීම පිළිබඳ ජනපති බුෂ්ට එරෙහිව ස්විට්ර්සලන්තයේ දී නඩු පැවරීමට මෙම සංවිධානය පියවර ගෙන තිබිණි."

"මේ පිළිබඳ දැනගත් ජනපති බුෂ් සිය සංචාරය අවලංගු කලේය.  ඔවුන්ගේ ඊ ළඟ ඉලක්කය වූයේ ජනපති බුෂ්ගේ කැනඩා සංචාරයයි.  එය කල් දැමීමට ඔහුට සිදුවිය. මේ තත්වය යටතේ ලසන්ත ඝාතනය ගෝඨාභය මැතිතුමා මත පටවා ඔහුට ඇමෙරිකාවේ දී නඩු පවරන්න කවුරුන් හෝ සැලසුම් කරනවා නම් එය දවල් හීනයක් පමණයි. මේක එජාපය ගෙතූ තවත් එක් බොරුවක්. එජාපය කියන දෙවන කතාව තමයි ජනපතිවරණයට ඉදිරිපත් වෙන්න නම් ඡන්දයට වසරකට කලින් ද්විත්ව පුරවැසිභාවය ඉවත් කර ගන්න ඕනි කියන එක. කොහේද ඕක තිබෙන්නේ? ආණ්ඩුක්‍රම ව්‍යවස්ථාවේ මොන වගන්තියේද ජනාධිපතිවරණ පනතේ කුමන වගන්තියේද ඕක තියෙන්නේ.  අවම වශයෙන් ද්විත්ව පුරවැසිකම නාමයෝජනා ප්‍රතික්ෂේප කරන්නවත් හේතුවක් නොවේ. නමුත් නාමයෝජනා භාර දෙන දවස වන විට ද්විත්ව පුරවැසිකම අත්හැර තිබීම ප්‍රමාණවත්. ඒ නිසා නීති පොත පෙරලා හරි දේ දැන ගෙන කතා කරනු මැනවී කියලා අපට එජාප මන්ත්‍රිවරුන්ගෙන් ඉල්ලා සිටින්නට සිදු වෙනවා.“යයිද ඒ මහතා වැඩිදුරටත් පැවසිය.

ශ්‍රී ලංකාව සම්බන්ධයෙන් ජිනීවා මානව හිමිකම් සැසිවාරයට ඉදිරිපත් වූ ඒකාබද්ධ යෝජනාවට සහාය දැක්විමෙන් ශ්‍රී ලංකාවට ඉවත්විය යුතු බව පිවිතුරු හෙළ උරුමයේ නායක උදය ගම්මන්පිල මහතා සඳහන් කරයි.

එක්සත් රාජධානිය, කැනඩාව, ජර්මනිය, මොන්ටෙනිග්‍රෝ සහ උතුරු මැසිඩෝනියාව යන රටවල අනුග්‍රහයෙන් ලංකාව පිළිබඳව මෙම යෝජනාව ඉදිරිපත් කළේය.

මානව හිමිකම් කොමසාරිස්වරිය තමන්ගේ වාර්තාවෙන් ශ්‍රී ලංකාව සම අනුග්‍රහය හරහා පෙර සිටි කොමසාරිස්වරයා විසින් නිකුත් කළ වාර්තාව පිළිගෙන ඇති එම අවස්ථාව ප්‍රයෝජනයට ගෙන  යෝජනාවෙන් හා සම අනුග්‍රහයෙනුත් ඉවත් විය යුතු බවද මන්ත්‍රිවරයා සඳහන් කරයි.

එසේම මෙවර මානව හිමිකම් සැසිවායරට ජනාධිපති මෛත්‍රීපාල සිරිසේන මහතා තම විශේෂ නියෝජිතයන් තිදෙනෙක් යොමු කිරිම අගය කළ යුතු පියවරක් බවද ඔහු පවසයි.

ශ්‍රී  ලංකාවේ පවත්වාගෙන ගිය  සිය යකඩ කර්මාන්ත ශාලාවේ සේවකයෙකු ලෙස කටයුතු කල උදය ගම්මන්පිල තමන්ගේ මුදල් වංචා කල බව නඩුව වෙනුවෙන්ම සාක්කි දීමට  ඕස්ටේ‍්‍රලියාවේ සිට ලංකාවට පැමිණි බ‍්‍රැඩ් සැඩික් මහතා කියා සිටියේය.

ඒ නඩුව කොළඹ මහාධිකරණ විනිසුරු ආර්. ගුරුසිංහ මහතා හමුවේ  අවස්ථාවේදීය.

එහිදී බ‍්‍රැඩ් සැඩික් මහතා පැවසුවේ ඕස්ටේ‍්‍රලියානු ඩොලර් ලක්‍ෂ දෙකක මුදල් කිසිවකු විසින් හෝ වංචනික ලෙස ලබා ගෙන ඇති බව පෑන් ඒෂියා බැංකුවේ නිලධාරීනියක් තමාට දැනුම් දුන් බවය.

නඩුවේ සාක්කිදීමට  බ‍්‍රැඩ් සැඩික් මහතා මෙන්ම ඔහුගේ බිරිඳ වන ජේ. සැඩික් මහත්මියද අධිකරණයට පැමිණ සිටියාය.

මෙම නඩුව කැදවනු ලැබු අවස්ථාවේදී පාර්ලිමේන්තු මන්ත‍්‍රී  උදය ගම්මන්පිල මහතා අධිකරණය හමුවේ පෙනී සිටියේය.

2000 වසරේ ජුලි මස 27 දින හෝ ඊට ආසන්න දිනකදී පෑන් ඒෂියා බැංකුව විසින් නිකුත් කර ඩිජිටල් නොමිනි පුද්ගලික සමාගම නමින් වූ ව්‍යාපාර කොටස් ව්‍යාජ ඇටෝනි බලපත්‍රයක් මගින් ලබාගෙන එම කොටස් විකිණීමෙන් රුපියල් මිලියන විස්සක මුදලක් වංචා කිරීම ඇතුළු අධි චෝදනා දෙකක් යටතේ නීතිපතිවරයා විසින් උදය ගම්මන්පිල මහතාට එරෙහිව මෙම නඩුව පවරා ඇත.