සංගමන් කන්දට නාවික සැතපුම් 38 ක් ඈතින් වූ මුහුදු තීරයේදී MT New Diamond නමැති නෞකාවේ ගින්නක් හටගෙන තිබේ.
සහන සැලසීම සඳහා නාවික හමුදාවේ නෞකා 02ක් පිටත්කර ඇති අතර සමුද්‍රීය පරිසර ආරක්ෂණ අධිකාරියේ සාමාන්‍යාධිකාරී, ආචාර්ය ටර්නි ප්‍රදීප් කුමාර මහතා සඳහන් කළේ එහි කාර්ය මණ්ඩලය ඉවත් කිරීමේ කටයුතු මේ වනවිට සිදුවන බවයි.
MT New Diamond තෙල් නෞකාවේ තත්ත්වය සොයා බැලීමට ගුවන් හමුදාවේ බීච් ක්‍රාෆ්ට් නිරීක්ෂණ යානය පිටත් කර ඇති බව ගුවන් හමුදා ප්‍රකාශකවරයා සඳහන් කළේය.
ශ්‍රී ලංකා නාවික හමුදාව පැවසුවේ පැනමා රාජ්‍යයට අයත් “MT NEW DIAMOND“ නම් වූ නෞකාවක මෙම ගින්න හටගෙන ඇති බවය.
නෞකාවේ එන්ජින් කාමරයේ ගින්න හටගෙන ඇති අතර එය මෙතෙක් ප්‍රධාන තෙල් ටැංකි පිහිටා ඇති ප්‍රදේශ වෙත පැතිරගොස් නොමැති බවට වාර්තා වේ.
නෞකාව කාර්යය මණ්ඩල සාමාජිකයින් 23 දෙනෙකුගෙන් සමන්විත වන අතර ඔවුන්ගේ සහායට නාවික හමුදාවේ නෞකා 3 මේ වනවිට පිටත් කර ඇති බව නාවික හමුදා මාධ්‍ය ප්‍රකාශක කපිතාන් ඉන්දික ද සිල්වා මහතා පැවසීය.
