ඊයේ (20) අභිනව පාර්ලිමේන්තුවේ කතානායකවරයා ලෙස පත් වූ මහින්ද යාපා අබේවර්ධන මහතාට සුබ පැතීමේ කතාවක් කළ හිටපු උතුරු මහා ඇමති සි.වී. විග්නේෂ්වරන් මහතා සිය කතාවට බෙදුම්වාදී සහ අන්තවාදී අදහස් ඇතුළත් කර තිබූ බව වාර්තා වේ.

දෙමළ බසින් ඔහු කළ එම කතාවේ දී තමා අද කතා කරන්නේ මෙම භූමියේ ප්‍රථමයෙන්ම බිහි වූ භාෂාව වන දෙමළ භාෂාවෙන් බව ඔහු එහිදී සඳහන් කරන ලදී.

ඒ හැරුණු කොට උතුරු නැගෙනහිරට ස්වයං පාලනයක් ලබා ගැනීම දෙමළ ජනතාවගේ අභිලාෂය බව තේරුම්ගත යුතු බවද සඳහන් කරන ලදී.

මීට පෙර මෙවැනිම බලයක් හිමි වුයේ ජේ.ආර්.ජයවර්ධන මහතාගේ 1977 බිහි වු එක්සත් ජාතික පක්ෂ ආණ්ඩුවට බව පෙන්වා දුන් විග්නේෂ්වරන් මහතා එම ආණ්ඩුව 1983 දී දෙමළ ජනයාට කළ හිංසනය කළ එම පක්ෂය එක මන්ත්‍රීධූරයකට සීමා වීමෙන්ම සනාථ වී තිබෙන බව පේනවා දෙන ලදී.

විග්නේෂ්වරන් මහතා මේ සියල්ල කියද්දී ඔහුගේ මස්සිනා වූ වාසුදේව නානායක්කාර අමාත්‍යවරයා ආණ්ඩුව පාර්ශවයේ සිට සාවධානව සවන්දෙන අයුරුද දක්නට ලැබුණි.