ශ්‍රී ලංකා පොදුජන පෙරමුණේ නිර්මාතෘ බැසිල් රාජපක්ෂ මහතා මීට දිනකට පෙර ගාල්ලේ පැවැති රැස්වීමක දී කළ අස්ස බූරු කතාවේ ප්‍රේහේලිකාව විසඳෙමින් තිබේ.
එහිදී රාජපක්ෂ මහතා ප්‍රකාශ කළේ පොදුජන පෙරමුණු ලැයිස්තුවල අශ්වයන් අතර බූරුවන් ද සිටින බවට එක්තරා අපේක්ෂිකාවක් තමන්ට එස්එම්එස් පණිවිඩයක් එවා තිබූ බවත් පොදුජන පෙරමුණු ලැයිස්තුවල අශ්වයන් බූරුවන් සිටිම කෙසේ වෙතත් ඔබට පොදුජන පෙරමුණෙන් අපේක්ෂකත්වය දී තිබෙන්නේ බූරුවෙක් බව සඳහන් කරමින් තමන් ඊට පිළිතුරු යැවූ බවය.
බැසිල් රාජපක්ෂ මහතාගේ පිළිතුර ලද එම අපේක්ෂිකාව බදුල්ල දිස්ත්‍රික් පොදුජන පෙරමුණ ලැයිස්තුවෙන් තරග කරන කලාකාරිනියක වන ඕෂධී හේවාමද්දුම මහත්මිය බැව් දැන් හෙලිදරව් වී තිබේ.
පොදුජන පෙරමුණු අපේක්ෂක ලැයිස්තුවල අශ්වයන් මෙන්ම බූරුවන් ද සිටින බවත් ඒ අතරින් බුරුවන් ප්‍රතික්ෂේප කොට අශ්වයන් පාර්ලිමේන්තුවට යැවීමට ඡන්ද දායකයින් කටයුතු කළ බව හේවාමද්දුම මහත්මිය ප්‍රසිද්ධියේ ම කරන ප්‍රකාශයක් වේ.
වියත්මග පිහිට වූ අවස්ථාවේ ඒ මුල් සාමාජිකයන් 10 අතර තමන් සිටි බව ප්‍රකාශ කරන හේවාමද්දුම මහත්මිය තමන් වසර 10කට වැඩි කාලයක් මහින්ද රාජපක්ෂ මහතා සමඟ දේශපාලන කර බවද ප්‍රකාශ කරයි.
