වෘත්තීය සමිති නායකයෙකු වූ බාලා තම්පෝ මහතා අද පස්වරුවේ ජීවිතයෙන් සමුගත්තේය. 1922 වසරේදී ඉපිද කොළඹ රාජකීය විද්‍යාලයෙන් පාසල් අධ්‍යාපනය ලැබූ ඔහු ලංකා විශ්වවිද්‍යාලයෙන් සහ ලන්ඩන් විශ්වවිද්‍යාලයෙන් වැඩිදුර අධ්‍යාපනය ලැබීය. ඉන්පසු කොළඹ නීති විද්‍යාලයෙන් නීතිය හැදෑරූ බාලා තම්පෝ මහතා ලංකා සමසමාජ පක්ෂයේ සාමාජිකයෙකි.
ලංකා වෙළඳ සහ කාර්මික සේවක සංගමයේ ප්‍රධාන ලේකම්වරයා වූ ඔහු මෙරට වෘත්තීය සමිති ක්ෂේත්‍රයේ පතාක යෝධයෙකු යැයි සැලකින.
