යාපනය,නවාලි ශාන්ත පීටර් දේවස්ථානය වෙත යුද සමයේදී එල්ල වූ බෝම්බ ප්‍රහාරයක් හේතුවෙන් ජිවිතක්ෂයට හා තුවාල ලැබූ සාමාන්‍ය වැසියන් පිරිසක් සිහිකරමින් 25 වන සැමරුම් වැඩසටහනක් යාපනය නවාලි ශාන්ත පීටර් දේවස්ථානයේදී පැවැත්විණ.

1995 ජූලි 09 වන දින නවාලි හාන්ත පීටර් දේවස්ථානය වෙතට බෝම්බ ප්‍රහාරයක් එල්ල වී ඇති අතර එම ප්‍රහාරයෙන් ජිවිතක්ෂයට පත්වු පුද්ගලයින් 147 දෙනෙකු හා තුවාල ලැබූ 200 ක් පමණ දෙනා සිහි කරමින් මෙම සැමරුම් වැඩසටහන සංවිධානය කොට තිබුණි.

යුද්දය හේතුවෙන් ශාන්ත පීටර් දේවස්ථානයේ රැඳී සිටි අවතැන් වූ සාමාන්‍ය වැසියන් වෙතට මෙම ප්‍රහාරය එල්ල වී ඇති අතර ශාන්ත පීටර් දේවස්ථානයේ පියතුමන්ලා හා මිය ගිය අයගේ ඥාතීන්ද එක්ව සෞඛ්‍ය ආරක්ෂිත පියවර අනුගමනය කරමින් මල් පහන් දල්වමින් දේව මෙහෙයට සහභාගී වූහ.