විදේශයන් සිට ශ්‍රීලාංකිකයින් මෙරටට රැගෙන ඒමේ ක්‍රියාවලියේ ගැටලු ඇති බව රජයේ වෛද්‍ය නිළධාරීන්ගේ සංඟමය කියා සිටියි.
මේ වනවිට නාවික හමුදාවේ කොරෝනා පොකුරට අමතරව විදෙස් රටවල් වලින් පැමිණි අයගෙන් තවත් කොරෝනා ආසාදිත පොකුරක් නිර්මාණය වී ඇති බව වෛද්‍ය නවීන්ද සොයිසා මහතා ප්‍රකාශ කර සිටියි.
විශේෂයෙන්ම කුවේට් සිට පැමිණෙන ශ්‍රීලාංකිකයින් විශාල ප්‍රමාණයක් කොරෝනා පොසිටිව් තත්වයේ ඇති බවත්, ඔවුන් මෙරටට පැමිණි දිනයේදී දහවෙනි දිනයේදී සහ දහ හතර වැනි දිනයේදී පරීක්ෂණ සඳහා යොමුකළ යුතු බව වෛද්‍ය නවීන්ද සොයිසා මහතා කියා සිටියි.
එමෙන්ම කොරෝනා රෝගීන් 2500 ක් 3000 රට තුළ සිටියහොත් ප්‍රතිකාර කිරීමේ ගැටලු ඇතිවන බවද වැඩිදුරටත් වෛද්‍යවරයා කියා සිටියේය.
