June 02, 2020

ඩුබායි සිට පැමිණ සැඟව සිටි අයෙක් නිරෝධායනයට

දෙනියාය ,පල්ලෙගම ප්‍රදේශයේ ඩුබායි සිට පැමිණ  නීරෝධානය මග හැර දින 16 ක් සැගව සිටි පුද්ගලයෙකු කොටපොළ සෞඛ්‍යය බලධාරීන් විසින් අත්අඩංගුවට ගෙන මොරවක මහේස්ත්‍රාත්  ශෂිකා මිතුනා ආරච්චි මෙනවිය  වෙත ඉදිරිපත් කිරීමෙන් අනතුරුව රුපියල් ලක්ෂයක ශරීර ඇපයක් මත මුදා හැර දින 11 ක් නිවසේ සිට ස්වයං නිරෝධානයට ලක් වෙන ලෙස උපදෙස් ලබාදුන් බව කොටපොල සෞඛ්‍ය වෛද්‍ය නිලධාරී  කාර්යාලය පවසයි.
 
මෙසේ  ස්වයං නිරෝධානයට  ලක් වන ලෙස නියෝග කරනු ලැබූයේ පල්ලෙගම ,දොඩබෙතොට ප්‍රදේශයේ පදිංචි විජේසිංහගේ රංජිත් නැමැත්තෙකුට බව පල්ලෙගම මහජන සෞඛ්‍යය පරීක්ෂක ඊ.පී.ඩී.එල්.වීරරත්න මහතා පැවසීය .
 
ඉකුත් (15) දින මොහු ඩුබායි සිට තම නිවසට  පැමිණ සෞඛ්‍ය බලධාරීන් ගේ උපදෙස් නොපිළිපැද ඔවුන් ද අපහසුතාවයට පත්  කරමින්   නීරෝධානයට  ලක් නොවී  නිවසේ සැඟව සිටින බවට ප්‍රදේශවාසීන්ගෙන් ලද තොරතුරක් මත  මොහු අත්අඩංගුවට ගෙන මොරවක මහේස්ත්‍රාත් අධිකරණයට ඉදිරිපත් කර තිබුණි .
 
පැමිණිල්ල වෙනුවෙන් පල්ලෙගම මහජන සෞඛ්‍යය පරීක්ෂක  ඊ.පී.ඩී.එල්. වීරරත්න මහතා පෙනී සිටි අතර මොහු අත්අඩංගුවට ගැනීම සඳහා කොටපොළ සෞඛ්‍යය වෛද්‍ය නිලධාරී කාර්යාලයේ මහජන සෞඛ්‍යය පරීක්ෂකවරුන් වන ආර්.එස්. වසන්ත කුමාර ,ඊ.එස් .ජී.පතිරණ ,පී.එම්.දිසානායක ,ඊ.පී.ඩී.එල්.වීරරත්න යන නිලධාරීන් එක්ව සිටියහ .

Rate this item
(1 Vote)