April 05, 2020

ඩඩ්ලි සිරිසේන පොළොන්නරුව රෝහලට ලක්‍ෂ 55 ක උපකරණ පරිත්‍යාග කරයි (PHOTOS)

වැලිකන්දේ පිහිටි කොරෝනා ප්‍රතිකාර මධ්‍යස්ථානයේ ප‍්‍රතිකාර ලබන සියලුම රෝගීන් වෙනුවෙන් රජය දරන සියලුම වියදම් තමා අද සිට දැරීමේ වගකිම භාර ගන්නා බව අරලිය සමුහ ව්‍යාපාරයේ අධිපති ඩඩ්ලි සිරිසේන මහතා පැවසීය.

කොරෝනා වයිරසය බවට තහවුරු වී පොළොන්නරුව රෝහලේ ප‍්‍රතිකාර ලබන රෝගීන්ට අවශ්‍ය රුපියල් ලක්‍ෂ 55 ක වියදමකින් යුත් භාණ්ඩ හා උපකරණ පොළොන්නරුව මහ රෝහල වෙත අද  (26) භාර දීමේ අවස්ථාවට එක්වෙමින් ඒ මහතා මේ බව පැවසීය.

පොළොන්නරුව මහ රෝහලේ අධ්‍යක්‍ෂ වෛද්‍ය එම්.කේ. සම්පත් ඉන්දික කුමාර මහතා ඇතුළු රෝහල් කාර්ය මණ්ඩලය වෙත අදාල උපකරණ භාර දීමෙන් අනතුරුව ඩඩ්ලි සිරිසේන මහතා වැඩිදුරටත් මෙසේ පැවසීය.

පොළොන්නරුව වැලිකන්ද ප‍්‍රතිකාර මධ්‍යස්ථානයට පැමිණ ප‍්‍රතිකාර ගෙන සුවය ලබා නිවෙස්කරා යන අවසන් රෝගියා දක්වාම යන සියලු වියදම් තමන් දරනා බවත් ඒ මහතා පැවසීය.

මෙහිදි පොළොන්නරුව මහ රෝහලේ අධ්‍යක්ෂ වෛද්‍ය සම්පත් ඉන්දික කුමාර මහතා සඳහන් කළේ රටත් රටේ ජනතාවත් පත්ව ඇති ජාතික උවදුරකදි ඔවුන් වෙනුවෙන් සහන ලබා දීමට සහ අවශ්‍ය උපකාර ඩඩ්ලි සිරිසේන මහතා සිදුකළ මෙම පරිත්‍යාගය ව්‍යාපාරිකයන්ට පුර්වාදර්ශයක් බවයි.

Image may contain: one or more people, people standing and wedding

Image may contain: one or more people, people standing and indoor

No photo description available.

Rate this item
(0 votes)