February 27, 2020

අගමැති මහින්ද කුරුණෑගලින් මහ මැතිවරණයට

ඉදිරි පාර්ලිමේන්තු මැතිවරණයට අග්‍රාමාත්‍ය මහින්ද රාජපක්ෂ මහතා නියත වශයෙන්ම ඉදිරිපත් වන්නේ කුරුණෑගල දිස්ත්‍රික්කයෙන් බව ශ්‍රී ලංකා පොදුජන පෙරමුණ පවසයි.

එම පක්ෂ මුලස්ථානයේ පැවති මාධ්‍ය හමුවකට එක්වෙමින් එම පෙරමුණේ සභාපති  මහාචාර්ය ජී.එල් පිරිස් මහතා මේ බව සඳහන් කළේය.

එහිදි ඔහු පැවසුවේ පසුගිය මහ මැතිවරණයෙදි කුරුණැගල දිස්ත්‍රික්කයෙන් අග්‍රාමාත්‍ය මහින්ද රාජපක්ෂ මහතා අති විශිෂ්ඨ ජයග්‍රහණයක් ගැබු බවත් එම නිසා කිසිවිටෙකත් කුරුණැගල ජනතාව එතුමාට ලබා දුන් සහය අමතක නොකරණ බවත්ය.

වත්මන් ආණ්ඩු මාස දෙකක් වැනි සුළු කාලයක් ඇතුලත විශාල වැඩ කොටසක් සිදු කර ඇති බව ශ්‍රී ලංකා පොදුජන පෙරමුණේ සභාපති මහාචාර්ය ජී.එල්.පීරිස් මහතා එහිදි පැවසීය.

එමෙන්ම, වර්තමානයේ ජනාධිපති ගෝඨාභය රාජපක්ෂ මහතා මෙම සියළු වැඩකටයුතු සිදු කරන්නේ යල්පැන ගිය පාර්ලිමේන්තුවක් සමඟ බවත් එයට ප්‍රධානතම හෙතුව වී ඇත්තේ 19වන ආණ්ඩු ක්‍රම ව්‍යවස්ථාව බවත් මහාචාර්යවරයා පැහැදිලි කළේය.

නමුත් එළඹේන මාර්තුමස 2වනදායින් පසුව පාර්ලිමේන්තුව විසුරු හැරීමේ පුර්ණ අයිතිය ජනාධිපතිවරයා සතුව ඇති බවද ඒ මහතා පැවසීය.

මහාචාර්යවරයා පැවසුවේ ආයෝජන ලබා ගැනීම සඳහා දේශපාලන ස්තාවරභාවයක් පැවතිය යුතු බවත් එය ලබා ගත හැක්කේ පාර්ලිමේන්තු මැතිවරණය ජයග්‍රහණය කිරීමෙන් පසුව බවත්ය.

එහිදි පාර්ලිමේන්තුවේ තුනෙක් දෙකක බහුතරයක් ලබා ගැනීම අත්‍යාවශ්‍ය බවත් එය ලබා ගන්නේ අසීමාන්තිය බලයක් බුක්ති විදීමට නොවන බවත් ඒ මහතා පවසයි.

Rate this item
(0 votes)
Last modified on Monday, 27 January 2020 15:46