September 26, 2020

තෛපොංගල් දිනය අදයි

ලොව පුරා හින්දු භක්තිකයින් අද තෛපොංගල් දිනය සමරති.

කෘෂිකාර්මික කටයුතු සාර්ථක කර ගැනීම සඳහා හිරු දෙවියන් දුන් ශක්තියට කෘතගුණ සැලකීම මෙම උත්සවයේ අරමුණ ය.

හින්දු දින දර්ශනයෙහි වර්ෂයේ මුල් මාසය තෛ යනුවෙන් හැඳින්වෙන අතර පොංගල් යන්නෙහි අර්ථය උදාව යන්න ය.

ඒ අනුව නව වසරේ උදාව තෛපොංගල් යනුවෙන් හැදින්වේ.

නෙලාගත් අස්වැන්නෙහි මුල් කොටස හිරු දෙවියන්ට පුජා කිරීම මෙහි සුවිශේෂ කාර්යයකි.

හින්දු බැතිමතුන් මේ උත්සවයට ස්වභාව ධර්මයා සමග ඒකාබද්ධව කරන පුජෝත්සව අතරින් ලබාදෙන්නේ ප්‍රමුඛ ස්ථානයකි.

වී අස්වැන්න නෙලීමෙන් ගත් අලුත් සහල් ද, අලුත් උක් ගසකින් ගත් පැණි ද, එළකිරි යෙදූ කිරිබත් ද, මංගල ද්‍රව්‍යයක් ලෙස කහ පිඬක්ද හිරු දෙවියන්ට පුද කිරීම තෛපොංගල් උත්සවයේ මූලික චාරිත්‍ර කිහිපයකි.

Rate this item
(0 votes)

Live