October 17, 2019

ජනපති - විපක්ෂ නායක තීරණාත්මක සාකච්ජාව අසාර්ථකයි

ශ්‍රීලනිප සහ එජනිස සභාපති ජනාධිපති මෛත්‍රිපාල සිරිසේන සහ විපක්ෂ නායක මහින්ද රාජපක්ෂ යන මහත්වරුන් අතර ඊයේ (19) රාත්‍රියේ ජනාධිපතිවරණයේදී එක්ව තරග කිරීම පිළිබඳව පැවති තීරණාත්මක සාකච්ජා අසාර්ථක වී ඇති බව දේශපාලන ආරංචි මාර්ග සඳහන් කරයි. 

මෙම සාකච්ජාවේදී විපක්ෂ නායකවරයා විසින් පොහොට්ටුව ලකුණින් ඉදිරිපත් කළ ගෝඨාභය රාජපක්ෂ මහතාට උපකාර කරන ලෙස කළ ඉල්ලීම ජනපතිවරයා දැඩි ලෙස ප්‍රතික්ෂේප කර තිබේ.

පොදුජන පෙරමුණේ පොහොට්ටුව ලකුණ සමඟ කිසිදු සබඳකමක් පැවැත්වීම ජනාධිපතිවරයා එහිදී තරයේම ප්‍රකාශ කර තිබේ. මෙම සාකච්ජාව පවත්වන ලද්දේ නෙලුම් කුලුන සම්බන්ධයෙන් ෂෙල් සමාගමට ගෙවන ලද අත්තිකාරම් මුදලක් පිළිබඳව දෙපාර්ශවය අතර දැඩි කරුණු දැක්වීමකින් යුත් ලිපි හුවමාරුවන පසුබිමක් තුළය.

නෙලුම් කුලුන පදනම් කර ගෙන රාජපක්ෂ රජය දුෂිතයන් ලෙස ජනපතිවරයා විසින් චෝදනා එල්ල කළ අතර ඓතිහාසික ඉදිකිරීමේ ගෞරවය පොදුජන පෙරමුණට සහ ඒකාබද්ධ විපක්ෂයට යාම වැලැක්වීමට ජනාධිපතිවරයා පහත් ආකාරයේ ක්‍රියාමාර්ග ගන්නා බවට රාජපක්ෂ මහතා චෝදනා කරයි.

Rate this item
(0 votes)


DLB Desktop