September 20, 2019

"ජනපති අපේක්ෂකයකු ලෙස ඉදිරිපත්වෙන්න මට කිසිම බාධාවක් නැහැ"

තම ඇමෙරිකානු පුරවැසිභාවය ඉවත්කර ගෙන තිබෙන බැවින් ජනාධිපතිවරණ අපේක්‍ෂකයකු ලෙස ඉදිරිපත්වීමට තමන්ට කිසිදු බාධාවක් නැතැයි ශ්‍රී ලංකා පොදුජන පෙරමුණේ ජනාධිපතිවරණ අපේක්‍ෂක ගෝඨාභය රාජපක්‍ෂ මහතා ඊයේ (22) පැවැසීය.
 
පසුගිය අපේ‍්‍රල් මස 17 වැනිදා සිට ඇමරිකානු පුරවැසිභාවය ඉවත්කර ගත් බවට තමන් මේවනවිට ආගමන විගමන දෙපාර්තමේන්තුව දැනුවත් කර තිබෙන බව කී රාජපක්‍ෂ මහතා ඒ අනුව ද්විත්ව පුරවැසියකු ලෙස සදහන් කරමින් නිකුත්කර තිබූ විදෙස් ගමන් බලපත‍්‍රය අවලංගුකර ශ්‍රී ලාංකික පුරවැසියකු බව සදහන් කරමින් තමන්ට නව ගමන් බලපත‍්‍රයක්ද නිකුත්කර තිබෙන බවද ඔහු කීය.
 
එහෙත් තම පුරවැසිභාවය සම්බන්ධයෙන් නොයෙකුත් අසත්‍ය ප‍්‍රචාරය කරමින් අධිකරණමය ක‍්‍රියාමාර්ගයකින් හෝ ප‍්‍රශ්න ඇති කිරීමට ඇතැමුන් උත්සාහ ගන්නා බවද ඔහු කීය.
 
බත්තරමුල්ල නෙළුම් මාවතේ පිහිටි ශ්‍රී ලංකා පොදුජන පෙරමුණු ප‍්‍රධාන කාර්යාලයේදී ඊයේ (22) පැවැති පළාත් පාලන ආයතන ප‍්‍රධානීන්ගේ හමුවකට සහභාගි වෙමින් ජනාධිපතිවරණ අපේක්‍ෂක ගෝඨාභය රාජපක්‍ෂ මහතා මේ බව සදහන් කළේය.
 
විපක්‍ෂනායක මහින්ද රාජපක්‍ෂ, ශ්‍රී ලංකා පොදුජන පෙරමුණේ ජාතික සංවිධායක බැසිල් රාජපක්‍ෂ සහ රෝහිත අබේගුණවර්ධන, මහින්දානන්ද අලූත්ගමගේ යන පාර්ලිමේන්තු මන්ත‍්‍රීවරුද මේ අවස්ථාවට සහභාගී වූහ.   

Rate this item
(0 votes)
Last modified on Thursday, 22 August 2019 17:37