November 13, 2019

"එජාපයේ දැඩි දේශපාලන අර්බුධයක් - ඒ නිසා අද රටත් නන්නත්තාර වෙලා"

එක්සත් ජාතික පක්ෂයේ ඇති අර්බුධය තුළින් රටම අර්බුධයකට ඇඳ දමා ඇති බව එක්සත් ජනතා නිදහස් සන්ධාන පාර්ලිමේන්තු මන්ත්‍රි පියල් නිශාන්ත මහතා පවසයි.

පිටිපන පැවති පොදුජන පෙරමුණේ ආසන බල මණ්ඩල රැස්වීමට එක්වෙමින් ඒ මහතා මෙම අදහස් පල කර සිටියේය.

මෙම අවස්ථාවේ දී එක්සත් ජාතික පාක්ෂිකයන් පිරිසක් පොදුජන පෙරමුණේ පාක්ෂිකත්වය ලබාගෙන ඇත.

එම අවස්ථාවේ දී සිය අදහස් දක්වමින් පියල් නිශාන්ත මහතා ප්‍රකාශ කර සිටියේ එක්සත් ජාතික පක්ෂය වැටෙන සියළු අවස්ථාවලදී නැවත නැගිටවීම සිදු කරන්නේ ජනතා විමුක්ති පෙරමුණ විසින් බවයි.

රජයට එරෙහිවන ඕනෑම අවස්ථාවක කුමන පක්ෂයකට වුවද සහය දැක්වීමට පොදුජන පෙරමුණ සූදානමින් සිටි බැවින් ජවිපය ගෙනා විශ්වාසභංගයට සහාය දැක්වු බවත් කෙසේ නමුත් විශ්වාසභංගය පරාජය වු පසු එම පක්ෂයේ අනුර කුමාර මහතා වියරු වැටී ඇති බවත් පියල් නිශාන්ත මහතා ප්‍රකාශ කළේය.

එජාපය සමඟ එක්වී තමන්ට අහිමි දේශපාලන වරප්‍රසාද භුක්ති විදින පක්ෂයක් බවට ජනතා විමුක්ති පෙරමුණ පත්ව ඇති බවත් ඔහු පැවසීය.

අගමැති විවේචනය කර මහින්ද පරදවන්න කුමන්ත්‍රණය කරන දෙබිඩි පිළිවෙතක් ජවිපෙට ඇති බව ඒ මහතා වැඩිදුරටත් කියා සිටියේය.

Rate this item
(0 votes)


DLB Desktop