May 24, 2019

යාපනයේ හමුවූ භූගත බංකරය අවුරුදු 6කට කලින් මුස්ලිම් කණ්ඩායමක ඉල්ලීමට තැනූ එකක්

යාපනයේ නාවන්තුරේ ප්‍රදේශයේ මුස්ලිම් නිවසක තිබී හමු වූ භූගත බංකරය මීට මාස හයකට පමණ ඉහතදී මුස්ලිම් කණ්ඩායමක ඉල්ලීම මත තැනූ බව එම නිවසේ අයිතිකරු ආරක්ෂක අංශ වලට පවසා තිබේ.

පොලිස් විශේෂ කාර්ය බලකායේ නිලධාරීන්ට ලැබුණු තොරතුරක් මත ඒ නිවස පරීක්ෂා කළ අවස්ථාවේදී මෙම භූගත බංකරය හමු වූ අතර එම තුන් මහල් නිවස අයිතිකරුගෙන් ප්‍රශ්න කළ මොහොතේ ඔහු පවසා තිබුණේ එය යුද සමයේදී ආරක්ෂාව වෙණුවෙන් ඉදිකළ එකක් බවයි.

අදාල සැකකරු පොලීසියට බාරදීමෙන් අනතුරුව ඔහුගෙන් කළ ප්‍රශ්න කිරීම් වලදී ඔහු පවසා අත්තේ මුස්ලිම් සංවිධානයක පිරිසක් විසින්  ඔවුන්ගේ මුදලින් තම නිවසේ එම භූගත බංකරය ඉදි කරණ ලද බවයි.

භුගත බංකරයක් හා සිරමැදිරියක් තනන ලෙස ඔවුන් පෙදරේරුවකුට පවසා ඔවුන්ට අවශ්‍ය අන්දමට ඒ ඉදිකිරීම් සිදු කළ බවද සැකකරු පොලීසියට පවසා තිබේ.

අදාල පුද්ගලයා විසින් යාපනය  පොලීසියට  කරණ ලද ප්‍රකාශයට අනුව පොලීසිය  මෙම කතාවේ සත්‍යතාවය හෙළි කර ගැනීම සදහා පරීක්ෂණ ආරම්භ කොට තිබේ.

(දිනසේන රතුගමගේ)

 

Rate this item
(0 votes)