August 17, 2018

එල්.ටී.ටී.ඊ සාමාජිකයින් වෙනුවෙන් වන්දි ගෙවීමට කැබිනට් පත්‍රිකාවක් එයි! ඇමතිවරු කිහිපදෙනෙකුගේ දැඩි විරෝධයක්

යුද සමයේ ගැටුම්වලින් පීඩාවට පත්වූවන්ට වන්දි ගෙවීම යටතේ යුද්ධයේදී මිය ගිය එල්.ටී.ටී.ඊ සාමාජිකයින් වෙනුවෙන් ඔවුන්ගේ ඥාතීන්ටද වන්දි ගෙවීම සඳහා පුනරුත්ථාපන හා නැවත පදිංචි කිරීමේ ඇමති ඩී.එම්.ස්වාමිනාදන් මහතා විසින් ඉදිරිපත් කරන ලද කැබිනට් පත්‍රිකාවට ඇමතිවරුන් කිහිපදෙනෙකු විරෝධය පළ කර ඇතැයි රජයේ ආරංචි මාර්ග පවසයි.

ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් ඊයේ (12) පැවති කැබිනට් රැස්වීමේදී ඇමතිවරයා මෙම යෝජනාව ඉදිරිපත් කර තිබේ.

යුද්ධයේදී මිය ගිය සිවිල් වැසියන්ට, හානි වු ආගමික ස්ථානවලට හා ගැටුමින් මිය ගිය එල්.ටී.ටී.ඊ සටන් කරුවන් වෙනුවෙන් ඔවුන්ගේ ඥාතීන්ට වන්දි ගෙවීමට අවසර ඉල්ලා මෙම කැබිනට් පත්‍රිකාව ඉදිරිපත් කර තිබූ බව වාර්තා වේ.

මීට මාස කිහිපයකට ඉහතදී ද ස්වාමිනාදන් ඇමතිවරයා මෙම යෝජනාව ඉදිරිපත් කර තිබූ අතර යුද්ධයේදී මිය ගිය එල්.ටී.ටී.ඊ සාමාජිකයින් වෙනුවෙන් ඔවුන්ගේ ඥාතීන්ට වන්දි ගෙවීමේ යෝජනාවට එහිදී ද ඇමතිවරුන් විරෝධය පළ කර තිබේ.

මෙම කැබිනට් පත්‍රිකාව අද සාකච්ඡාවට ගත් අවස්ථාවේදී ඊට දැඩි විරෝධය පළකර තිබේ.

එහිදී ඇමතිවරයෙකු ප්‍රකාශ කර ඇත්තේ ප්‍රේමදාස හිටපු ජනාධිපතිවරයා, ලලිත් ඇතුළත් මුදලි සහ ගාමිණි දිසානායක යන නායකයින් ඝාතනය කරන ලද එල්.ටී.ටී.ඊ ත්‍රස්තවාදීන් වෙනුවෙන්ද මෙම වන්දි මුදල් ගෙවන්නේ දැයි ප්‍රශ්න කර ඇති බවයි.

Rate this item
(0 votes)