May 26, 2018

විමල්ගේ බිරිඳ ශෂී මුණ්නේශ්වරම් දේවාලයට ගොස් එද්දී රිය අනතුරක

ඒකාබද්ධ විපක්ෂයේ පාර්ලිමේන්තු මන්ත්‍රී විමල් වීරවංශ මහතාගේ බිරිඳ වන ශෂී වීරවංශ මහත්මිය ඇතුළු පිරිසක් ගමන්ගත් ජීප් රථයක් ඊයේ (15)සවස 6.00ට පමණ නාත්තන්ඩිය - දංකොටුව මාර්ගයේ මාවතගම ප්‍රදේශයේදී අනතුරට ලක්ව ඇතැයි පොලිසිය පවසයි.

වීරවංශ මහත්මිය සිය ඥාතියෙකු වන වෙන්නප්පුව ශ්‍රී ලංකා පොදුජන පෙරමුණේ ප්‍රාදේශීය සභා මන්ත්‍රී දිනේෂ් පෙරේරා මහතා ඇතුළු ඥාති පිරිසක් සමග හලාවත මුණ්නේශ්වරම් දේවාලය වැඳ පුදාගෙන යළි පැමිණෙමින් සිටියදී ඔවුන් ගමන්ගත් ජීප් රථය අතුරු මාර්ගයකින් ප්‍රධාන මාර්ගයට පිවිසි වාහනයක ගැටී තිබේ.

අනතුරින් කිසිවෙකුටත් තුවාල සිදුව නොමැති අතර වාහනවලට සිදු වූ හානිය පිළිබඳ දෙපාර්ශ්වය එකඟතාවකට පැමිණ එම ස්ථානයෙන් පිටව ගොස් ඇතැයි පොලීසිය පැවසීය.

Rate this item
(1 Vote)