October 22, 2018

මහසෝන් බළකායට උපදෙස් දුන්නේ කොළඹ කැබිනට් ඇමැතිවරයෙක්? බුද්ධි අංශ අනාවරණයක් ගැන හෙළිවෙයි

මහනුවර දිගන, තෙල්දෙණිය ප්‍රදේශවල ඇති වූ ජාතිවාදී ගැටුම් පිටුපස සිටින මහසෝන් බළකායට කොළඹ දිස්ත්‍රික්කය නියෝජනය කරන ආණ්ඩුවේ ප්‍රබල කැබිනට් අමාත්‍යවරයකුගේ උපදෙස් ලැබී තිබෙන බවට බුද්ධි අංශ මඟින් තමාට තොරතුරු අනාවරණය වී තිබෙන බව ඒකාබද්ධ විපක්ෂයේ රත්නපුර දිස්ත්‍රික් පාර්ලිමේන්තු මන්ත්‍රි ප්‍රජාතන්ත්‍රවාදී වාමාංශික පෙරමුණේ නායක වාසුදේව නානායක්කාර මහතා පවසයි.

මන්ත්‍රීවරයා පෙන්වා දුන්නේ මහසෝන් බළකායේ අමිත් වීරසිංහ නමැත්තාට මේ කැබිනට් අමාත්‍යවරයා උපදෙස් ලබාදී තිබෙන බවත් කැබිනට් අමාත්‍යවරයා සමඟ මේ පුද්ගලයා කටයුතු කර ඇති බවත්ය.

"මහසෝන් බළකාය" යන නාමයද ලබාදී තිබෙන්නේ මේ කැබිනට් අමාත්‍යවරයා විසින් බවත් වාසුදේව නානායක්කාර මහතා අවධාරණය කළේය.

මේ ගැන තවත් තොරතුරු ගවේෂණාත්මකවත් පොලිසිය මඟිනුත් තමා ලබා ගනිමින් සිටින බවත් එම සියලුම තොරතුරු ලබාගත් පසුව මේ කැබිනට් අමාත්‍යවරයාගේ නම හෙළිකරමින් සියලුම තොරතුරු රටට හෙළිකරන බවත් වාසුදේව නානායක්කාර මහතා වැඩිදුරටත් පැවසී ය.

Rate this item
(1 Vote)