May 28, 2017

ගිනස් පොතට යන ලොව දිගම පූසා

බළලුන්ට ආදරේ කරන බොහෝ අය ලෝකයේ ඉන්න ජනප්‍රිය බළලුන් ගැන දැනුවත්. ඉතින් සෙසු බළලුන්ට වඩා ශරීර ප්‍රමාණයෙන් විශාල, යෝධ බළලෙකු පිළිබඳ ඕස්ට්‍රේලියාවෙන් වාර්තා වෙනවා. ස්ටෙෆි හර්ස්ට් විසින් කුඩා ඕමාර් හදා වඩා ගනු ලැබුවේ 2013 වසරේ දී. එවක ශරීර ප්‍රමාණය අතින් ඕමාර් සහ ඔහුගේ සහෝදර සහෝදරියන් අතර එතරම් වෙනසක් දක්නට ලැබුනේ නැහැ. . ඕස්ට්‍රේලියාවේ මෙල්බර්න් නුවර වෙසෙන ස්ටෙෆි හර්ස්ට්ගේ නිවසේ හැදී වැඩෙන ඕමාර් මේ වන විට අඩි 3 අඟල් 11 ක් දක්වා දිගට වැඩිලා. ඕමාර්ගේ බර කිලෝග්‍රෑම් 14 ක්. අන්තර්ජාලය තුළ ජනප්‍රියත්වයක් දිනා ගත් ඕමාර් දුටු ගිනස් ලෝක වාර්තා ආයතනය ස්ටෙෆි හර්ස්ට් අමතා ඔහුගේ ශරීර ප්‍රමාණය පිළිබඳ දත්ත ලබා දෙන ලෙස ඉල්ලීමක් කර තිබෙනවලු. දැනට ගිනස් වාර්තා පොතට එක් වී සිටින දිගම බළලාගේ ශරීරයේ දිග ප්‍රමාණය අඩි 3 යි අඟල් 10.59 ක්. ඕමාර් ගේ හිමිකාරිය ස්ටෙෆි හර්ස්ට් සති දෙකකට පෙර ඕමාර් නමින් සමාජ ජාල ගිණුමක් ආරම්භ කර ඇති අතර එහි පළ වූ එක් ඡායාරූපයක් 270,000 වාරයක් හුවමාරු (Share) වී තිබෙනවා. එතැන් පටන් ඕමාර් ඕස්ට්‍රේලියාවේ ප්‍රමුඛ පෙළ පුවත්පත් සහ ජාතික රූපවාහිනි නාලිකාවල තරුවක් බවට පත් වෙලා තියනවා.
Rate this item
(5 votes)