ෆීල්ඩ් මාෂල්?
ෆීල්ඩ් මාෂල් යනු ලෝකයේ යුධ හමුදාවන් හි ඇති ඉහලම නිලය වේ. මෙම තනතුර සාමාන්ය හමුද නිලධාරීන්ගේ තනතුරු වලට වඩා බෙහෙවින් උසස් තනතුරකි. ෆීල්ඩ් මාෂල් තනතුරු ප්රධානය කරන්නේ ලෝකයේ ඉතාමත් සීමිත පිරිසකට වන අතර එම නිලය දැරීම සඳහා අදාල පුද්ගලයා යුධ ශිල්පයෙහි අති දක්ෂයකු විය යුතු ය.
ෆීල්ඩ් මාෂල් තනතුරේ ඉතිහාසය අතීත යුරෝපීය මධ්යතන යුගය දක්වා දිව යන්නකි. ඉපැරණි ජර්මානු බසෙහි එන “මාච් සල්ක්” (Marh-scalc = "horse-servant") හෙවත් රාජකීය අශ්වයින් ගේ භාරකරු යන්නෙන් බිඳී ආ මෙම නාමය ඉපැරණි ජර්මේනියානු හමුදාවන් හි ඉහලම නිලය විය.
ඉතිහාසය පුරාවට බොහෝ රටවල ෆීල්ඩ් මාෂල් ධූරයට උසස් කරනු ලැබ ඇත්තේ හමුදා ජෙනරාල්වරුන් වන අතර එවැනි උසස්වීමක් සඳහා යුධ ශිල්පයෙහි දැක්වූ අති දක්ෂතාවක් හා සුවිශේෂී යුධ ජයග්රහණයක් අත්යාවශය විය. කෙසේවෙතත් ලෝක යුධ සමයන් හිදී මෙම තනතුර හමුදා අණදෙන නිලධාරී තනතුරක් ලෙසද භාවිතා වී තිබේ.
ලෝකයේ විවිධ රටවල ෆීල්ඩ් මාෂල් ධූරයට සමාන තනතුරු පිරිනැමෙන අතර ස්පාඤ්ඤයේ එය mariscal de campo ලෙසත්, ප්රංශයේ maréchal de camp ලෙසත් බ්රසීලයේ හා පෘතුගාලයේ එය marechal de campo ලෙසත් හැඳින්වේ.
ෆීල්ඩ් මෂල් ධූරය සංකේතවත් කිරීම සඳහා සාම්ප්රදායිකව භාවිතා කරනු ලබන්නේ යෂ්ටියකි. මෙම යෂ්ටිය උත්සව අවස්ථාවන්හි පමණක් භවිතා කෙරෙන අතර එය අලංකාරවත් ලෙස සරසනු ලබයි. කෙසේවෙතත් සෝවියට් සමයේ දී ෆීල්ඩ් මාෂල්වරුන් සඳහා රනින් කල තරුවක් පපුවේ පලඳවා තිබේ.
ෆීල්ඩ් මාෂල් තනතුර යුධ හමුදාවට පමණක් ආවේණික තනතුරක් නොවේ. ගුවන් හමුදාවේ මෙම ධූරය Marshal of the air force ( ගුවන් හමුදා ෆීල්ඩ් මාෂල්) ලෙසත් නාවික හමුදවේ එය "Grand admiral" (ග්රෑන්ඩ් අද්මිරාල්) ලෙසත් හැඳින්වේ.